[azada]

[ALIGN=CENTER][TABLE1="width:95%;background-color:white;"][CELL="filter:;"][COLOR=black][ALIGN=center]

رأي بمسلسل ◣◥◣◥◣◥

(¸.•`City Hunter كان ليكون أجمل ...................
............................ من غير لي مينهو Lee Min Ho ¸.•`)

[mark=#00CCCC]المقدمه[/mark]

~|[mark=#FF9900][mark=#FF6600]مما قيل عن مسلسل City Hunter[/mark][/mark]

أفضضل دراماآ كورية شفتهاآ
من أقوى الدرامات اللي شفتها
درامــــــــــــا راااااائعــــــــــــــه بصراحة واعتبرها من اروع الدرامات اللي شفتهم من الوسط الكوري
هالمسلسل خققققه لا متناهيه
هذآ آلمسلسل تحفه فنيه لن تتكرر
المسلسل من اجمل المسلسلات الي شفتها
[mark=#FF9900][mark=#FF6600]للحصول على ملخص لمسلسل City Hunter اضغط[/mark][/mark] هـنـا~|









هل هي فعلا هكذا؟ هل هي حقا من أروع الدرامات الكوريه على الاطلاق أم كالعاده المشاهدين بالغوا في مدح المسلسل كما في حصل في دراما الحديقة السريه؟


من الطبيعي انه أي احد يسمع هالعبارات وهالمدح الغير طبيعي اللي وصل لدرجه انه كل ما تدخل موضوع خاص بالرأي العام بالمسلسل تشوف نص الاعضاء اذا مو كلهم يتكلمون عنه ويمدحون فيه مدح مو طبيعي لدرجه تتخيل انك راح تشوف تحفه فنيه أخرى شبيه بدراما الملكه سيوندوك .. لا والأعجب من هذا كله وصول عدد صفحات الموضوع الخاص بالتغطيه الرسميه للمسلسل الى ما يقارب 250 صفحه و 2473 رد .. اكيد الواحد بعد ما يسمع ويشوف هالأرقام الضخمه راح يبصم بالعشره انه هالمسلسل راح يطلع حلو وراح يبلش يحمله سيده وهو مطمئن وحاط ايديه بماي بارده انه راح يشوف عمل درامي مميز من نوعه اذا مو بنسبة 100% فعلى الاقل راح يكون بنسبة 90%



أما انه العمل يطلع عكس اللي توقعته وعكس اللي قالوه عنه وحتى ما وصل للتميز بنسبة 60% فاهني تنصدم صدمه عمرك خخخخ وتسأل نفسك في كل مره تشاهد العمل على اي اساس الناس حبت العمل والعمل ما فيه اي شي مميز؟؟!! .. هذا بالضبط اللي صار معاي بدراما سيتي هنتر


دراما سيتي هنتر احتوى على العديد من العيوب التي يندى منها الجبين .. ولي مينهو كان عيبها الرئيسي والذي لولاه كان ليكون العمل من أجمل ما يكون

في الاسطر القادمه راح اعرض لكم اهم العيوب الرئيسيه اللي جعلت العمل ما توصل لمرحلة التميز:

[align=justify][mark=#FFFF00][/mark][/align]


















✿✿✿

*◕｡｡

.............. [mark=#FF6666][mark=#FF9999][mark=#FF6699][mark=#FF6666]الجوانب السلبية[/mark][/mark][/mark][/mark] ••●

[mark=#FFFF00]1- أداء لي مينهو Lee Min Ho [/mark]










عيب لي مينهو الرئيسي انه ركز بشكل اساسي على صقل مهاراته القتاليه وتطويرها على حساب الشخصيه .. فـ لي مينهو في خضم تجهيزه للشخصيه الدراميه حط نصب عينه تحسين مهاراته القتاليه ونسى أهم نقطه في اساسيات التمثيل وهو التركيز على ابعاد الشخصيه


من أهم اساسيات التمثيل واللي لازم يسويها الممثل قبل لا يبلش أي عمل وبينما هو قاعد يقرا النص انه يركز على ابعاد الشخصيه .. انه يحلل الشخصيه ويرسم في مخيلته تصوير عام لـ هالشخصيه وشلون راح تكون بأرض الواقع .. يعني يقعد يرسم للشخصيه ملامحها .. تعبيراتها .. طريقة حركته .. طريقة نظراته .. نبرة صوته .. هل راح يكون عالي أو منخفض .. طريقة تفكيره .. سكونه ..... الخ .. وبعد ما يحلل الشخصيه لازم يتقمص الشخصيه ويلبسها ويعيش بأجواء الشخصيه علشان تطلع الشخصيه طبيعيه وعفويه .. يعني يلغي شخصيته الاساسيه ويعيش الشخصيه الدراميه وهذي من أهم نقاط اساسيات التمثيل >> ممثله سابقه على غفله خخخ .. وترا مو كل واحد يقدر يضبط هالسالفه فقط الممثلين المبدعين يقدرون يلبسون الشخصيه عدل .. وهالنقطتين الاساسيتين لازم يسويه الممثل قبل لا يبلش أي عمل درامي وخاصة الممثل اللي ماسك البطوله


حضرة جناب لي مينهو الماسك بطولة دراما سيتي هنتر ما كلف نفسه أنه يحلل أبعاد الشخصيه ويتقمصها عدل .. ويه وقدم الدور بشكل باهت وسطحي وسلق بيض خخخ .. يعني أي شي .. المهم انه يمثل وخلاص >> الظاهر حط براس انه مادام انه خقه فالناس ما راح تنتقد ادائه


الصراحه انصدمت من اداء لي مينهو الغير متوقع .. توقعته راح يكون خقه على قولتكم واني راح انهبل على تمثيله .. بس انه يطلع جذي ابدا ما توقعت


وين اداء لي مينهو اللي ابدع بدراما فتيان قبل الزهور واللي طلع فيه بشكل عفوي وطبيعي ووينه اهني طالع باهت وعديم الطعم خخخ .. فرق السما والارض بين اداءه بالدرامتين .. فشلي صار له ووصله لـ هالمستوى الرديء ما أدري؟؟!!





دراما فتيان قبل الزهور Boys Before Flowers

















✿✿✿


















[mark=#FFFF00]2- مهارات قتال لي مينهو [/mark]










اما ثاني العيوب الرئيسيه للعمل ادائه القتالي


قبل شوي ذكرت انه لي مينهو ركز على تحسين مهاراته القتاليه أكثر من اهتمامه بأبعاد الشخصيه .. ويا ليته ما ركز خخخ


الشي كل ما زاد عن حده ينقلب ضده وهذا انطبق على لي مينهو .. فـ لي مينهو علشان يورينا انه بارع بالفنون القتاليه طلع قتاله حده جامد وغير طبيعي >> احسن يستاهل خخخ >> حاقده خخخخ


قتال لي مينهو كان اشبه بقتال رجل آلي عتيق الطراز خخخخ .. شفتوا الرجل الآلي العتيق لما يقاتل يكون جامد وحركاته محدده وبطيئه وما يقدر يتحرك بسهوله لأنه جسمه يكون ثقيل .. فلما يقاتل ما يركض لأ يمشي خطوه خطوه لأن مثل ما قلت حركاته تكون محدده وما يقدر يتصرف بشكل طبيعي كالبشر .. ولي منيهو كان كالرجل الآلي في قتاله بس بدون ما يطالع ليزر من عيونه خخخ


يا ناس شفتوا احد لما يقاتل ما يلهث او يتنفس بصعوبه أو يصيبه ارهاق .. شفتوا احد وهو يقاتل ومحاط بعدة اعداء يمشي بكل ثقه وبرود ورزانه للعدو وما يركض ليتخلص منهم .. كل الاعداء ومهما كانت مهاراتهم وضخامة اجسامهم يمشي لهم ببرودة اعصاب وما يركض أو يمشي بخطوات سريعه لما يقاتلهم؟؟!! >> على باله المدمر خخخ .. والله جد ذكرني بالمدمر اللي يقاتل ويمشي بكل برودة اعصاب






Terminator المدمر




اول مره اشوف قتال مثل هالقتال المغوار خخخخ . بورسلي وجاكي شان وجت لي اساتذه الفنون القتاليه ما سوا اللي سواه لي مينهو .. فمن وين ماخذ دروسه القتاليه مادري؟؟!! >> ماخذه من المدمر خخخ


قتال لي مينهو البارد ومشيته الواثقه نحو اعدائه اكثر شي نرفزني بالعمل وكلش ما استحملته


















✿✿✿


















[mark=#FFFF00]3- اداء لي مينهو في المواقف الصعبه [/mark]










مشية لي مينهو البارده ما اقتصرت فقط في قتاله .. لأ فالأمر تجاوز لدرجة انه حتى في المواقف الصعبه استخدم مشيته البارده اللي مو بمحلها


من المنطقي ان الواحد لما يشوف جدامه حادث أو لما يسمع انه قريب له صار له شي أو تعرض لمكروه انه يركض بأقسى سرعه علشان يتطمن عليه .. اما انه يتصرف ببرود ويمشي على راحته لغاية ما يوصل لمكان الحادث فهذا الغير منطقي والمنرفز بالسالفه لحد الغليان


لي مينهو وايد وايد نرفزي بمشيته البارده لدرجه كان ودي اطلعه من التلفزيون وانهال عليه ضربا خخخ


يا أخي اشوية منطقيه .. يعني سمعت انه المحقق يبون يقتلونه وانت حضرتك قاعد تمشي على كيف كيفك وانت قاعد تدوره بمواقف السيارات .. لا ولمن لقيت سيارته وشفته قاعد يختنق ورحت لتطلعه منه وشفت الباب مسكر فرحت تجرب تفتح الباب الثاني هم قمت تمشي على كيفك كيفك >> يا اخي شوية احساس رجاء


كم في ناس هربوا من قبضته وبدال ما يركض ويلاحقهم الأخ قاعد يمشي بخطوات منسمه خخخ


بمركز الطب الشرعي لما بدل عينة دمه بدم ثاني علشان لا يكتشفون هوية سيتي هنتر .. بدال ما يركض ويختفى عن انظار المحقق اللي كان شاك انه موجود بالمركز .. الأخ راح يمشي وبهدوء تام وكأنه قاعد يمشي ع البحر .. لا وكان الناقص انه يصفر وياكل حب مدخن خخخخ ([mark=#CCFF00]ملاحظه:[/mark] الصوره فوق خاصه بـ هالموقف)


المحقق قبل ما يموت وصاه انه يمسك المجرم الرابع قبل لا ينحاش من كوريا .. والأخ كالعاده بدال ما يركض ليلاقي المجرم كان يمشي على بيض .. ولما وصل للمجرم لقاه مقتول >> الحين المحقق ما راح يرقد بسلام .. تبا لك خخخ


ووووووووو لو اقعد من اليوم لباجر اعدد مشياته الغير منطقيه ما راح اخلص


















✿✿✿


















[mark=#FFFF00]4- اداء Park Min Young بدور كيم نانا [/mark]










اما كيم نانا فما كانت أوفر حظا من لي مينهو .. الاثنين ادائهم سلق بيض خخخ


بالبدايه كان ادائها حلو نوعا ما بس بعدين قامت تتخبط في ادائها وما قدرت تمزج احاسيس وابعاد الشخصه مع بعض علشان تطلعها بتوليفه طبيعيه فطلع ادائها مصطنع وغير عفوي .. وعلشان اقرب لكم المعنى اكثر .. هي كانت طالعه مثل الراقصين اللي يعدون خطواتهم خطوه خطوه قبل لا ينتقلون للحركه الثانيه .. بمعنى انها كانت تعد خطواتها قبل لا تغير ملامح وتعابير الشخصيه .. يعني حسيتها قاعده تقول لنفسها 1 2 3 اهني لازم اقول هالجمله 1 2 3 مني لازم اضحك 1 2 3 يه دور اني اسوي هالحركه 1 2 3 يله الحين لازم احضنه 1 2 3 اهني راح ارفسه شلوت خخخ ....... وهكذا


الصراحه توقعت انها راح تقدم اداء قوي ومبهر كالذي قدمته بدراما طبل الاميرة جاميونغ .. ففي دراما الاميرة جاميونغ كان ادائها جدا مبهر وكانت متقمصه الشخصيه بشكل رائع لدرجه تخليكم تكرهونها من قلب في بعض المشاهد .. صج كانت مقنعه ومميزه بدراما الاميره جاميونغ .. اما اهني بدراما سيتي هنتر فكانت متشتته ومسبهه خخخ






دراما طبل الاميرة جاميونغ Princess Ja Myung Go

















✿✿✿


















[mark=#FFFF00]5- الأخطاء الاخراجية [/mark]










من المعروف ان الشرطه لما تحتار في كشف هوية أحد المجرمين فإن اول خطوه تسويه انها تاخذ اوصاف المجرم من شهود العيان وتحاول ترسم صوره تقريبيه للمجرم مجهول الهويه علشان يقدرون يصيدونه .. اما اهني بالمسلسل فخرجوا عن هالقاعده الاساسيه والمعروفه لدى الشرطه منذ الأزل .. (وللعلم) بالقرون الوسطى كانت الشرطه الكوريه تستخدم رسوم تقريبيه للامساك بالمجرمين مجهولي الهويه .. يعني هالقاعده مو جديده على الشرطه


بالمسلسل أكثر من واحد شاف وجه لي مينهو (سيتي هنتر) والشرطه ما كلفت عمرها ترسم صوره تقريببه لسيتي هنتر؟؟!! وهالخطأ جدا فادح من قبل المخرج .. يعني ابي اعرف شلون تغافل المخرج عن هالشغله المهمه ونسى يغطي وجه سيتي هنتر محارب الفساد .. وخلى ثلاث ترباع المجرمين يشوفون وجهه .. حتى بالمهمات الاستكشافيه اللي كان يقوم فيها سيتي هنتر ما خلاه يغطي وجه الحقيقي وخلاه يظهر بمظهره الحقيقي واكتفى فقط بتغيير لوكه .. إما بتغيير تسريحة شعره أو ارتداءه النظاره الطبيه >> يا الهي ما هذا الغباء الساحق خخخ


أيها المخرج الفذ شلون تغافلت عن هالشي .. النص مكتوب انه سيتي هنتر بطل مجهول الهويه فالمفروض منك انك تغطي وجهه بشكل كامل مو تغطيه بقبعه ونظاره طبيه فقط!! .. بالله عليك هذا يعقل ايها المخرج العبقري؟؟!! هل باعتقادك انه القبعه والنظاره كافيه لاخفاء ملامح سيتي هنتر وعدم تعرف عليه؟؟!!


تدرون بدراما ايلجيمي التاريخيه اللي قصته شبيه بدراما سيتي هنتر .. المخرج هناك خلى البطل يستخدم هالأقنعه اللي يستخدمونه بهوليود لتغيير ملامح الوجه علشان محد يكتشف هوية البطل .. يعني شوفوا حتى بالقرون الوسطى المجرمين كانوا حريصين على اخفاء وجوههم علشان الشرطه ما تتوصل لهم .. اما اهني فالمخرج كشف وبكل بلاهه عن وجه سيتي هنتر وكأنه حاول يقول لنا ترا الشرطه عندنا مهابيل خخخخ






دراما ايلجيمي Iljimae



















✿✿✿


















[mark=#FFFF00]6- بعض الثغرات في النص الدرامي [/mark]










الكاتب جعل شخصية والدة سيتي هنتر تصاب بمرض خطير بالدم (لوكيميا الدم النخاعيه) والابن فقط يستطيع انقاذها من خلال القيام بعملية نقل للنخاع الشوكى .. والأم في لحظة سماعها انه ابنها الضايع اللي لطالما تمنت ان تشوفه توفى فقدت الأمل بالحياة وقررت تترك العلاج لغاية ما يتمكن منها المرض .. وتركت المستشفى لجهة غير معلومه .. اهني المفروض من اي ابن يصادف هالموقف انه يترك مشاغله وامور حياته ويدور على امه اللي ما يدري بأي أرض اهي .. اما انه ما يكلف عمره انه يدور على امه المريضه اللي قاعده تحتضر وفي آخر ايام حياتها ويستمر في سالفة انتقامه ضاربا بعرض الحائط بلي يصير لأمه وبالطقاق الي يطقها خخخ .. فإهني في غلط كبير بالموضوع وتعتبر من الاخطاء الفادحه اللي ارتكبها الكاتب في النص الدرامي >> شكل الكاتب مقهور من امه خخخ


















✿✿✿


















[mark=#FFFF00]7- الأوست (الاغاني والموسيقية التصويرية للدراما) [/mark]










ان شاء الله وين راح الأوست؟؟!! .. 13 حلقه شفتها بـ 3 ايام وما سمعت ولا اغنيه؟؟!! .. الا اللهم بالحلقات الاخيره قاموا حطوا جم اغنيه ولا ياليتهم ما حطوه .. كان بايخ بكل ما تعنيه الكلمه من معنى .. وعلى ما اظنهم حطوه بأواخر الحلقات فقط كـ تكملة عدد لا غير



















✿✿✿


















[mark=#FFFF00]8- ذنب لا يغتفر [/mark]










اما اهني فالطامة الكبرى .. لي مينهو اثبتلي بـ هالمشهد أنه وبالدليل القاطع كان ادائه أسوأ من السيء وبشكل لا يحتمله العقل .. أما ليش؟ فتعالوا معاي لتشوفون اشسوى الأخ لي مينهو بـ هالمشهد وعلشان تحكمون هل كان معاي الحق في اللي قلته عن ادائه أم أنها مجرد ترهات:


بـ هالمشهد المحقق دفع حياته ثمن ليمنع وصول الاعداء الى قناص المدينه اللي هو لي مينهو .. فالمفروض من لي مينهو وكرد للجميل له انه لما يشوف ويحضر مشهد احتضاره وموته انه يجن .. يصارخ .. يتصل على الاسعاف .. يطلب من المحقق انه ما يتحدث وايد ويرهق نفسه .. وبعد ما يموت يبجي .. يحضنه .. يصارخ .. ينقهر .. دموعه تنزل اربع اربع ويكون في حالة ذهول شديده .. اما انه ما يسوي اي شي من هذا الكلام ويأتي بفعل لا يتصوره العقل فـ هالشي يقهر الصراحه .. أما اشسوى فتعالوا معاي لتشوفون:


لي مينهو بـ هالمشهد المؤثر اكتفى بس انه يصارخ مناديا باسم المحقق ثلاث مرات وبعدين عدل بدلة المحقق وقام ومشى وترك المحقق جثة هامده في الغرفة البارده ومن دون حتى ما يحاول انه يتصل بالشرطه ليبلغهم عن مكان وجود المحقق ويقولهم بلي صار له؟؟!!


يا إلهي ما هذا التصرف الحقير .. ما هذا الفعل الذي لا يغتفر .. كيف امكنك يا لي مينهو ان تجرد احساسك ومشاعرك بهذا الموقف الحزين .. كيف امكنك ان تصبح بليد المشاعر .. كيف امكنك ان تترك المحقق هكذا وحيدا غريبا في ذلك المكان الموحش .. اما كفاك انه دفع حياته ثمنا من اجل حمايتك .. اما كفاك انه حياته ذهبت سدا لأجلك .. فهل بعد هذا كله تكتفي فقط بتعديل بدلته؟؟!! >> جان عدلت تسريحته بعد خخخخ


.................................................. ........................... الصراحه من هول الصدمه خانتني الكلمات وعجزت اني استرسل اكثر .. لذا سأترك التعليق لكم هذه المره لتقولوا لي رأيكم وبكل صراحه بأداء لي مينهو في هذا المشهد تاركين جانبا خقتكم على لي مينهو .. وقبل لا انهي تعليقي على هذا المشهد حابه اسألكم سؤال:


كيف امكنكم يا عشاق المحقق ان تغفروا لـ لي مينهو فعلته بهذا الموقف؟ كيف امكنكم ألا تلوموا لي مينهو على ذنبه الذي لا يغتفر .. كيف امكنكم ان تتجاهلوا ادائه في هذا الموقف؟؟ بالله عليكم أجيبوني >> هدي هدي خخخخ

•–––––––––––––☂

[mark=#00CCCC]خـتـامـا[/mark]

بالرغم من انه العمل احتوى على الكثير من الجوانب السلبيه غير التي ذكرته سابقا الا انني لا استطيع ان انكر انه احتوى بالمقابل على جوانب ايجابيه صبت في صالح العمل والتي تمثلت بالقصه والأداء الرائع للمحقق والأجاشي والعصابه الخمسه وابو سيتي هنتر اللي لولاهم كان ليكون العمل مجزرة فنيه خخخخ


والله صج .. العمل كان من اسوأ الاعمال اللي شفتها من حيث الاداء والاخراج .. وكنت طول الوقت متملله وألعب بشعري خخخ وحاقده على لي مينهو لأنه ما اشتغل عدل على ادائه


اما القصه فعجبتني وتمنيت انه بالفعل يكون هناك سيتي هنتر يحارب الفساد ويكشف عن رجال السلطه الفاسدين امثال النواب اصحاب كبت امي خخخخ >> اللي يبي يعرف سالفة كبت امي يسأل الحجي غوغيل ما راح يقصر خخخ


بنهايه العمل في سؤال جال في بالي وخاصة بعد ما شفت تدني مستوى لي مينهو وكيم نانا عن دراماتهم السابقه .. والسؤال الي طرح في بالي انه يا ترى من هو وراء تميز اداء بعض الممثلين؟ .. هل للمخرج شأن في صقل اداء الممثل؟ أم ان الممثل هو المسئول بالمقام الاول عن صقل ادائه؟


بعد استحضاري في ذاكرتي لعدة اعمال لبعض الممثلين اكتشفت ان هناك نوعان من الممثلين .. ممثل موهوب بالفطره وممثل من صنيعة توجيهات المخرج .. يعني المخرج هو اللي يخرج ابداعاته من خلال توجيهاته وبدون هالتوجيهات ادائه راح يطلع عادي .. ولي مينهو وكيم نانا من هالنوعيه من الممثلين .. وكلامي هذا مو مجرد افتراضات بل مبني على قرائن .. الدليل الاول كان تدني اداء لي مينهو وكيم نانا عن دراماتهم السابقه .. والدليل الثاني كشفه مسلسل على الهواء اللي بين لنا انه هناك ممثلين من النوع الثاني اللي ذكرته .. لــذا لي مينهو طلع بـ هالأداء السطحي لأن المخرج ما وجهه عدل >> اصلا المخرج يبيله توجيه خخخخ






دراما على الهواء on air


















◣◣◣◣◣

[mark=#CCFF00][mark=#FF99CC]همسه[/mark][/mark]

من المرجح ان الموضوع لن يعجبكم بسبب اختلاف آراءنا .. ورأيي مجرد وجهة نظر لن يقلل من قيمة العمل


والاختلاف بالرأي لا يفسد للود قضيه .. ولولا اختلاف الأذواق لبارت السلع >> ما تلمح للتقييمات الحمرا خخخخ

















◣◣◣◣◣

[mark=#CCFF00][mark=#FF99CC]شكر خاص [/mark][/mark]

للعزيزه والأخت الغاليه [mark=#FFFF00]غـلا24[/mark] لدعمها الدائم لي ولتصميمها لبعض صور الموضوع .. وللملخص العام للقصه

◣◣◣◣◣

[mark=#CCFF00][mark=#FF99CC]روابط قد تهمك[/mark] [/mark]

تقرير مفصل عن مسلسل City Hunter


روابط تحميل مسلسل City Hunter


تصميمات للمسلسل
























تم بحمد الله .. والى اللقاء الى تقرير آخر@جميع الحقوق محفوظه لـ AZADA

[mark=#333333][mark=#00CCCC]............[/mark] [mark=#FF6699[mark=#FF6699]الـنـهـايـة[/mark][/mark][/mark]♡♡

[/ALIGN][/CELL][/TABLE1][/ALIGN]