[القدس عربية]

أسومة يا حلوة موضوعك بيجنن والله ..
وكل ما آجي أرد عليه أترآجع عشآن أفكر
بالضبط شو بدي أكتب ..
بس قبل كل هآد بدي أحكيلك
ازا هيك أول موضوع الك مشوّق وجميل
معناها الجآي أحسن وأجمل أكيد ان شآء الله ..
واشتئنا الك على فكرة .. وهلّأ نيجي لسؤالك ..
كيف أثرت فيّ بوليوود ؟
- عرفت انه الجآذبية الأرضية معدومة
خاصة بأفلآم الآكشن لمن يطيروا من فوء جبل
ويضلوا بالهوآ وينزلوا عالأرض سالمين غانمين ..
^ هههههههههههه عن جد بفترة من الفترآت فكرت هيك ..
وكنت أحكي يا حظهم بيطيروا براحتهم خخخ
بس بعدين عرفت انه شي مش حقيقي ..
بعدتعمق بالأفلام بشكل عام وادراك ووعي أكتر ..
هلّأ كآثآر سلبية ممكن بالأفلام التراجيدية
- بنضل نبكي بعدها أسبوع .. هههه ..
والله عن جد بتصيبني بالكآبة والحزن فترة ..
خآصة لو كانت القصة قوية ..
- كمان الأفلام بتآخد من وقتنا كتير ..
ممكن نستغله بشي أكتر فآيدة النا ..
- المسخرة من الي حولي علي لمن أتفاعل مع الفيلم
خآصة بالبكآء .. أو باني أنزل أغنية هندية بجوالي
أو اني حتى أدندن بيني وبين نفسي بأغاني هندية ..
بلاقي كل الي حولي بيضحك .. وبيحكولي والله
الهنود عملوا فيكي العمآيل ..
بس على بآلك بهتم ؟!!! ولا بجيب خبر ..
كل جوالي أغاني هندية بالنغمآت هههه
وبدندن كتير بالهندي وأنا لحالي أو بشتغل أو أو ..
- بالنسبة للايجآبيآت .. تضخيم المشآعر بالأفلام الهندية
خلت مشآعرنآ أكبر وأكتر .. خاصة بالحب ..
انه بس هيك نشوفهم بيضحوا بكتير عشان هاد الموضوع
بيخلينا نفكر انه شي يستحق التعبير عنه ..
ولازم نحآفظ عليه لو انوجد بحيآتنآ ..
ومش بالضرورة الحب بين رجل وامرأة ..
لا لا الحب بشكل عام بين أفراد العيلة الوحدة
بين الأصدقآء .. وكل أنواع الحب الي بالدنيا ..
- كمان من الايجابييات اني تعرفت على حضارة الهند وعاداتهم
ولغتهم .. كتير كلمات فيها بعرفها ..
- وكونت صدآقآت مع ممرضآت أو دكتورآت صآحبآت
أختي من الهند .. حتى جابولنا لاددو من الهند ..
بس ما عجبني طعمه بصرآحة خخخخخ ..
وعلى فكرة بس حدا يحس انه بتحاولي تحكي لغته أو بتعرفي
منها أي شي بيحبك تلقائياً وبيحس بالتقدير
وبيحترمك لمحاولتك .. هاد الشعور لمسته عندهم بشكل كبير ..
بالنسبة للساري الهندي جابولنا مرة ساري بس لأختي
ومقاسي بيفرء عن مقاسها ..
بس ألوانه بتجنن بين الأحمر والأسود ..
أنا بحب شكل السآري بس ما بقدر أحكم اني بحب
لبسه أو لا الا لو جربته ..
بس انه هل هو شي بتمنى أشتريه؟ .. لا مو كتير ..
- وأكبر ايجابيات بوليوود ..
انه عرفنا عمورة والتقيت بأحلى فانز وأحلى أعضاء ..
وسبهان الله على قولة عمورة
فانزه بيشتركوا بشي واضح وهو جمال الروح والأخلاق ..
تعلمت منهم كتير والله .. وتشرفت بتعرفي عليهم عن جد ..
ويعطيكي ألف عافية يا أسومتي المميزة ..
وأكيد أحلى تقييم الك ..