[بَذخ .. !]

مرحبا بكل الاعضااااء ..
سامحوني امس انشغلت وماقدرت ادخل اكمل .. واليوم بإذن الله راح اكمل يوميات احلى فراشه ..

اليوم حعرفكم بأمنياتي اللي ممكن في يوم من الايام تتحقق الله اعلم ولو ما اعتقد بس الواحد حلو يأمل ويحلم وانشاء الله يوصل لكل احلامو وامنياتو ..
ولو أن أمنياتي ممكن تكون خياليه شويه ..

أولا أتمنى اروح رحله للفضاء و أطلع سطح القمر ..
ثانيا أتمنى اطلع في سفينه زي التايتينك واجلس الين ما اطفش انا بنفسي
ثالثا نفسي يكون عندي كوخ صغير عند شاطي البحر وفيه جسر يودي لجوت البحر

بس



وحقلكم احب المأكولات عندي احب المكرونه وخاصه المكرونه بالباشميل يم يم امووت عليها
واحب الصينيه بالدجاج هذي امي تسويها مرررررررررره طعمه وانشاء الله بتعلمها
واحب الجمبري واحب الهمبرجر اللي اسويه بنفسي في البيت يجننن ولا البيك
وايييش كمان بس
والمشروبات البيبسي مشروبي المفضل بعدين الميرندا واحب البايسن بس يقولو مو تمام فأنا احاول ابتعد عندو بالتدريج .. والشوكولاه امووووت في الجلكسي يالكرسبي واحب كندر بس لمى قالوا من الدينمارك سبتها مع اني اموووووووت في شي اسمو كندر بكل انواعو الله عشانك يارسول الله ..
واحب بطاطس دوريتوز وبرنجلز حراق وليز بالجبنه الفرنسيه ..




حتكلم عن ابرز الصفات اللي فيه

حساسه زياده عن اللزوم يعني لو احد صارخ علي وانا متضايقه اجلس ابكي
اوثق في الناس بسرعه
مزاجيه وخاصه في شغل البيت لمى اساعد امي لازم يكون مزاجي رااايق اووه اتفنن في البيت
اخير مكان الكنب والزرع وكذا لازم اسوي تغيير في لبيت كل بعد شهر
امل بسرعه من الشي لازم اسوي تغييرات وكذا

بس



الأشخاص اللي استودعهم لأسراري انسانه وحده اعتبرها اختي اللي ماولدتها امي واحبها وافديها بعمري وهيه الوحيده اللي تفهمني صراحه اكثر من امي بس اتزوجت وراحت مع زوجها ودحين جاتها بنوووته عسل .. الله يسعدها في حياتها يااارب ..
ولمى اتزوجت وافتقدها مررررره تعبت نفسيتي من بعدها ودحين انشغلت مع زوجها وبنتها وحسيت بوحده اكبر بعد ماراحت كنت لمى اكون طفشانه او متضايقه اتصل عليها افضفض لها بلي بخاطري وماتمل مني اقفل من عندها الابتسامه ماليه شفايفي .. وكانت دااااايم تجي عندنا ونهرج ونهرج وماتخلص هروجنا ليم مايجي ابوها ياخذها واحنا عند الباب سواليف هههههههه
الله على هذيك الأيام مررررره حلوه الحمدالله على كل حال ..
واله يسعدها ياااارب ..



وحتكلم عن الاعضاء اللي هنا بالمنتدى هذا كان اول منتدى اسجل فيه والله العظيم واول موضوع كان عن الصداقه واول عضو رحبي ورد على موضوعي فارس بوليود وبعدين اتعرفت عليكم واحد واحد وحبيييييتكم من قلب قلبي واللي حببني فيكم زياده طيبتكم وحسيت انكم تخافوا على بعض وتسألوا على بعض والله كأنكم أسره وحده وانا حبيت اكون اختكم ودلوعتكم ونكون أسره حلوه
وانتوا كلكم اخواني واخواتي والأيام اللي عشتها معاكم في هذا المنتدى احلى الايام وانشاء الله نكون دااايم مع بعض ومانتفارق ونتواصل دااايما .. وصعب الواحد يلاقي ناس بطيبه هذي والله
والله جدااااا سعيييده اني انضميت لأسرتكم الحلوه وصرت جزء من هالأسره اللي كلها حب وشوق ووئام ..

وهذي السطرين أهداء مني لكم كلمات طلعت من قلبي لكي تلمس قلوبكم واتمنى ان تسكن فيها ..



أجمل أوقاتي هي التي أقضيها معكم يا أجمل الأصدقاء
وحبكم سكن في فؤادي وروحي تعلقت بأرواحكم لذا سأظن أحبكم وأشتاق لكم



وفــي نهايـــة سطــوري أقــــــــــــــــــولـــ



تقبلوا مني أرق التحايا .. أختــــكم أحــــلى فــــراشه ..