توني مخلصه فلم باجرانجي بهايجان
وزني الشيطان وشفته بنسخه نص ونص اتوقع R5
المهم انا في حالة لخمه من اللي شفته
ياجماعه اقسسم بالله الفلم على كثر المدح اللي جاه و توقعاتي انه شي ماحصل طلع احلى بمليون مره من ماتوقعت
فلم يأسرك يدخلك في حالة عاطفييية جميله تضحك وتبكي وتتأثر معهم طول الفلم
لدرجه ساعتين ونص ماحسيت فيها انا بالعاده مهما كان الفلم حلو ويشد لازم اخذ استراحه وانا اتفرج اقوم اجيب شي من المطبخ الا بهذا الفلم ماحسيت بالوقت ابد شفته كله مره وحده بدون استراحه ومن جمال بعض المشاهد كنت اوقف واعيدها من جديد بعدين اكمل
فلم مافيه ولا غلطه القصه الاداء الجو والاخراج والمناظر واللوكيشنات والاغاني كل عنصر اقوى من الثاني
والله حسيت اني اتابع فلم كلاسيكي شاعري جمييل فلم يلامس قلبك وانسانيتك يحييي فيك اشياء جميلة
ضحكت في بدايته تحمست في نصه و بكيت من قلبي في نهايته
مين قال ان ال 300 كرور شي كبير ،، والله انه يستحق اكثر منها بكثير
سلمان اه ياسلمان
وش سويت فيني ياولد سليم
الدور لابسه لبسه مستحيل اتخيل احد ثاني مكانه شخصية الساذج الطيب اللي على نياته محد يضبطها زيه
بالذات علاقته بالطفله وحنيته ونظراته لها وكيف يشيلها بحضنه ويلمس شعرها ،، حسيت الدور فجر مشاعر الابوه اللي بداخله
من افضل العروض اللي قدمها في مسيرته ابدع وتألق وعطى الدور حقه واكثر ،،، بررررافووووو
اعتقد انه يستحق تكريم خااص وتحية من القلب لانه كان جزء من هذا الفلم الانساني العظيم وانتجه وقدم فيه رساله تغني عن الاف المحاضرات والكتب والبرامج
كونه يطرح قضية باكستان والهند من وجهه نظر انسانية بحتة وبمعالجه جدا راقيه من غير المساس بالديانات او الطوائف او الاساءه لاي طرف ،، شي نرفع له القبعه
يمكن عشان كذا رسالة الفلم وصلت والكل تأثر فيها الباكستانيين والهنود
نواز الدين
كان فاكهة الفلم واضاف لمسه كوميديه مميزه بالقصة بالذات مشهد يوم يلبس العبايه هو و سلمان خخخخخ صرت اضحك بصوت عالي زي المجنونه واختي نايمه جمبي بالغرفه
.png "Fac (53)")
الطفله هارشالي
يانااس انتم مستوعيين ان عمرها 6 سنوات بس ! ويطلع منها كل هذا الاداء الجبار
ماشاءالله عليها ربي يحفظها
اكتشاف من اكتشافات سلمان اللي افتخر فيها .. واتوقع انها بتكون شي كبير في المستقبل
كارينا
اه تهبل ياعالم خقيت مع شخصيتها ورزانتها وعلاقتها بسلمان
هو غبي وساذج وهي صوت العقل اللي ينصحه و يوجهه ، يازينها
حبيت حوارهم في المسجد لما عرف ان الطفله مسلمة ،،
الحوار اللي قالته جدا مؤثرا ويختصر رسالة الفلم
رغم ان دورها صغير لكن حضورها طاغي وادت المشاهد بكل ذمه وضمير
تذكرت تصريحها لما قالت مافي دور صغير ودور كبير فيه ممثليين ،، فعلا ماكذبت
المشهد الاخير عن فلم كامل ،، من اروع واكثر النهايات المؤثره اللي شفتها في حياتي
فلم يبقى في ذاكرة المشاهدين والسينما الهنديه فترة طويله
من اعظم انتاجات بوليود وفخوره ان سلمان سواه
10 على 10
ولو اقدر اعطيه اكثر عطيته