[H!MA]

[table1="width:100%;background-image:url('http://up.dev-point.com/uploads1/f50f961aa4ac1.png ');"][cell="filter:;"]




.
.

عارف طفشتو مني
خلاص دا أخر بارت من اليوم الطويل
وبعدها حبططل أفكر فيكم
.
.

مشواري كان إلى المنطقة التاريخية في مدينتي الجميلة جِدة
يمكن بعضكم سمع عنها واغلبكم مايعرفها
عشان كدا حبيت اديكم معلومات عنها

المنطقة التاريخية بجِدة
والمعروفة عند أهل جِدة بإسم جِدة البلد
وهي منطقة تعتبر من أجمل معالم المدينة
وفيها تراث قديم جدا يمتد إلى حقبة ما قبل الإسلام
وكانت نقطة التحول في تاريخها بعهد الخليفة عثمان بن عفان رضي الله عنه
لمن قرر يجعلها ميناء لمكة المكرمة ...
ما أكتر عليكم في الكلام
طبعا جِدة التريخية جميلة طول السنه
وفي رمضان تكون أجمل
حاخدكم في جوله سريعة وبسيطة ف أزقتها
وهي تحتفل بمهرجانها السنوي الي بعنوان "رمضاننا كدا"
.
.



دي بوابة المنطقة التاريخية بجدة
وإللي كانت بوابه لحصن واسوار عالية في الماضي
وإللي بناها حسين الكردي وهو أحد أمراء المماليك
بناها ليحصنها من هجمات البرتغاليين عن طريق البحر الأحمر
.
.



ودخلنا ع بركة الله
.
.




مكااان جمييل ومقتض بزواار
.
.



أجمل ما في المنطقة مبانيها الأثرية
.
.



...
.
.



دا الراجل إلي بالزي الحجازي يقولولو السقا
والقربة المعدنية إلي فظهرو مليانة عصير يسقي الناس منها
قديماً كان السقا يسقي الناس مويا
اما دحين بيسقيهم كركديه وسوبيا وكدا < وإللي مايعرف السوبيا يسأل الباحثة والمؤرخة الحجازية ساندي
.
.



دولا صافين طابور عند صاحب البليلة
.
.


دا مركاز قناة ديوان جدة الفضائية إللي دائما بتغطي فعاليات المنطقة
.
.



دا شارع الرسامين
فيه عشرات من الرسامين والرسامات اصحاب الرسمات الفورية
وغير الفورية
.
.



دا الدكان فيه مجموعة من بهارات المطبخ الحجازي
ريحت الدكان تفتح النفسس
.
.



ودا محل يبيع العود
شايفين قطعة العود الكبيرة دي
وزنها 4 كيلو وطولها متر
أول مرا اشوف حبة عود بدا الحجم
.
.



وهنا عاد الكبدة البلدي المشهورة بإسم "كبدة الصاج"
شي يخلي الرايح جيي
.
.
وأنتهت الجولة بساندوش كبدة تصبيرة حتى السحور
وأنتهت الجولة وإللي ماكانت راح تنتهي لو ما بدئو يخلون المنطقة عشان يقفلو
طبعا راح عليا الوقت وانا اخلص كم شغلة تخصني هناك
عشان كدا ما غطيت إلا ربع الفعالية بس
لكن بإدن الله راح اعمل موضوع كاامل ومفصل عن جِدة التاريخية
.
.
بعد ما خرجت من جِدة التاريخية
طالعت في الساعة لقيتها قربت تسير 2,00
فروحت اتسحرت مع صاحبي في بيتزهت
أخليكم مع الصورة
.
.




احنا كدا
نلتهم أول بعدين نفتكر التصويير
طبعا دا الفرق بيننا وبين البنات
.
.


وهنا زي ما انتو شايفين رجعت البيت
وقعدت ع مكتبي شويا
اشتغل ع مشرروعي الكتابي الجاي وأنا أحتسي الزنجبيل
وبعدين ....
.
.
.
وبعدين خلاص إنتو حتصاحبوني ولا إيه
.
.
خلاص أنتهينا
وإن شاء الله اكون أمتعتكم بيومي الرمضاني البسيط
شكرا لوقتكم
وشكرا مرا لجود لانها ساعدتني باليوم دا وبأيام كتير قبلو و
.
.
.
وعادي ترا لا تستحو
لو تبغوني بكرا اسوي يوم رمضاني كمان
لمحولي بس وابشرو و ههههههههههههههههـ



[/cell][/table1]