[القدس عربية]

موضوع جميل وممتع وعرفني بشغلات كمآن مستحيل
كنت أعرفها من مكان تاني ..
نفس شعوري لمن فتت على موضوع فآرس وهو انه
بكتشف كم أنا ضعيفة في معلوماتي البوليودية ..
بالذآت حيآة الفنانين الخآصة ..
نادر كتير اني أبحث في حياة النجم حتى لو مفضل عندي ..
حبيت تسلسل الأفكآر ..
مآشآء الله أبدعت سآهر ..
وباين انه أخد منك مجهود كبير .. بصرآحة شي مميز ..
أنا مع الزيجآت الفنية ههههه ..
بحس انه لو فنان وفنانة تزوجوا ممكن يكون بينهم تفاهم أكبر
من لو اتزوج واحد منهم شخص اله عمل مختلف ..
فهم أكبر لطبيعة العمل ومزآياه ومساوؤه وكل هالأمور ..
أحلى زوجين في كل الموضوع أنوبام خير وكيرون خير بحس ينطبق عليهم مثل
"وآفق شنٌ طبقة " ههههههه
الاتنين قريبين عالقلب وأكآد ألمس الطيبة والحنآن في وجوههم ..
كمآن زوآج آجآي وكج كج
بحسهم لابقين لبعض بشكل وبينهم شي مميز كتير
وهالشي كنت أحسه حتى في أفلامهم الي جمعتهم سوآ ..
كمآن زوآج توينكل و أكشآي بحسه زواج صآمد ضد الرياح العآتية هههه ..
خاصة علاقآت أكشآي وقصصه من قبل ..
جآيآ باتشآن وأميت جي برغم استمرآرية زوآجهم بس ما بحس
في انسجآم كبير بينهم أو حب كبير .. يمكن لقنآعتي انه ريخا
هي الحب الأكبر في حياة أميت جي ..
وشعوري برغم انه جآيآ بعدته عنهآ بس في دآخلها شعور وأعتقد انها متأكدة انه
ريخا هي الحب المختلف بحياة زوجها ..
طبعاً كل هآد الي بحسه من وجهة نظري ومش بالضرورة يكون صحيح ..
آشوآريا وأبهي من أول ما كنت مقتنعة فيهم وكنت أحس بتسلط آشوآريآ
واختلف شعوري بعد ما خلّفت بنتهم .. حسيت انه آشوآريا تغيرت شوي ..
بس بكل الأحوال بحس حب أبهي الهآ أكبر من حبهآ اله ..
وكنت أتمنى يكون أبهي زوجاً لرآني موكرجي ..
بس نصيبهي أكيد ههههه ..
سيف وكآرينآ حلوين مع بعض بس كمآن مآبحس في هدآك الحب الكبير ..
هذآ والله أعلم ..
ومن الزيجآت المفضلة عندي دارميندرا وهيما ..
بحس الحب والتفاهم بينهم كبير كتير وصعب أي شي يغيره ..
بالنسبة لكآترينآ ورآنبير ما بحسه موضوع جدي بينهم ..
ونفس الشي ديبي ورآنفير ..
يعني تمضية وقت وتسلية ومحطة في حياتهم لاكتشاف الزوج الأنسب فعلياً ..
متل شآهيد لمن قرر زواج فعلاً بعّد عن الوسط الفني ..
وأعتقد أغلب الشباب حالياً نفس الشي ..
بس ممكن بين لحظة والتانية يفآجؤونا بزواجهم .. مآبعرف
لانه كل شي جآيز بهالأمور ..
بالنهآية موضوع بطل ومميز ..
يعطيك ألف عآفية سآهر ..
وبتمنالك التوفيق بالمسآبقة ..
وكل الشكر لمبدعتنآ ألموش .. عن جد مآقصرت
بشغلها الجميل ..
وللأسف رفض يقيم ..
بس أكيد ..
+