[#SANDY]

ولد حارتي ضيف الحلقة

وقبل كل شي حأجاوب على الاسئلة


ممكن تتخيلوا المنتدى بعد 50 سنه من الآن فـ كم سطر ؟

ما اتخيل المنتدى حيكون موجود بعد 50 سنة

تخيلوا كل عضو ومستقبلة ؟؟

ساهر : بيمسك الادارة فشغلو ويزوج ندى
هيما : راح يكون الكاتب المشهور الغامض
جود : حتزوج وتجيب بنتين و ولد وتسمي وحدة منهم غدير
برنسيسه : حتكون محامية رائعة والناس تدفعلها الملايين عشان تحل قضاياهم

وامانة ما اتخيل أحد مستقبلو حيكون مو حلو وما احب أفكر زي كدا اساسا

تخيلوا نجومكم البوليوديين ووش سار عليهم ؟؟

نصهم بيموتو والنص الثاني حيطيح مستواهم

تخيلوا نفسكم ونتوا جد بوليودي وجده بوليودية ؟؟

راح أحكي أحفادي عن بوليوود ايام زمان مو بوليوود هذه ولا بوليوود القادمة

وتخيلوا وسام الخلية الدهبي وش سار عليه < أهم شي هههههههههـ

وبس دا كل السؤال ؟

أتوقع في شخصين حياخذو هذا الوسام




دحين نرجع لإستضافتك كاتبنا المبدع هيما

قصة تسجيلو غريبة عجيبة ولكن الاهم انو سجل ودحين نستمتع بكتاباتو وافكارو في المنتدى

هيما

انسان عملي ويفكر في المستقبل دون ان ينسى حاضرو


أفتكر كيف قلي انو يبغاني اشاركو في موضوع "غاندي مع هيما وساندي"
بدايتها قال انو متابع لمدونتي وقلت كويس والله يعني طلع في احد يتابعها
بعدين قلي من تدويناتك عرفت انك ما تجاملي وتقولي رأيك بصراحة وابغاك معايا
في موضوع كذا كذا ... للأمانة ما ادري ايش صابني في عقلي ووافقت
وصدقو او لا تصدقو من قوة التوتر نزلنا الحلقة الاولى وانا ما ادري الموضوع ايش فكرتو
السبب الرئيسي الي خلاني متوترة هيما نفسو
يعني كنت اقول كيف حتفاهم معاه وكيف حيكون ردو لو عرف ردي كيف لو هزئني عشان قلت شي غبي
ولكن اتفاهمنا بطريقة كويسة ونزلت كدا حلقة بدون مشاكل ألين جات ظروف وتوقف البرنامج

وانا ما عندي اي مشاكل اشتغل معاه في مشروع ثاني لان العمل معاه شي ممتع ويخليك
تتعلم اشياء كثيرة

هيما من أهم وافضل الاعضاء الي مرو على تاريخ المنتدى

...


ساهر شكرا من القلب على البرنامج هذا
تمتعنا كل اسبوع بضيوف مميزين
واسئلة ممتعة جدا
يعطيك ربي ألف عافية