[#SANDY]

الحلقة الاولى

ساندي :
خمس دقائق أخرى .... خمس دقائق أخرى ....... خمس دقائق أخرى
بعد ثلاث ساعات من التأجيل
ساندي : اوخص تأخرت 3 ساعات على الرحلة يا ويلي من هيما وسنجانا
طع دج طشش > صوت الاغراض الي رفستها وانا اجري
راحت ساندي ولسه السفينة ما أبحر
جود : اخيرا شرفتي أكيد كنتي نايمة مو على الاساس عندك منبه ؟
ساندي : والله عايرتو بس ما أدري كيف تأخرت المهم ليش ما ابحرتو الين دحين
انا جيت على أمل انكم تستنوني وما رحتو
جود : في عطل فالسفينة ايوة صح على قد ما تقدري حاولي ما تخلي هيما يشوفك
ساندي : ليه طيب ؟
جود: انتي متأخرة ثلاثة ساعات وتبغينو يقابلك ببوكيه ورد
ساندي: طيب من واحد لعشرة ايش مستوى غضبو
جود : 100
ساندي قمطت العافية
ساندي : الله يهديها سنجانا مالقيت غير هيما تخليه المشرف على الرحلة
سنجانا : انتباه يا اعضاء لقد تم إصلاح العطل يلا اطلعو على السفينة
ساندي : اخيرا ما بغو
جود : على اساس انك قاعدة هنا من 10 ساعات ولا كأن دوبك جية

الجبهة راحت من كل اتجاه

في السفينة
غلا : اسمعي اول ما نوصل الجزيرة نستخدم قارب الطوارئ ونروح لكوريا
روزالينا : فكرة رهيبة بس لو بتخافين فنص الطريق بلاش من دحين أقولك
غلا : لا لا تخافي بس أهم شي نضمن ان احنا نكون اخر ناس على السفينة
روزالينا : تم
ساهر : ايش الطفش هذا
وحدواي : والله صادق طفش لا يعقل
ساهر : تعال نلعب بلوت ونكسر راسك
وحداوي : خلينا نكلم مان بالمرة وهيما
ساهر : مان ايوة بس هيما لا الاخ الين دحين معصب عشان ساندي تأخرت
المفروض هيا تجي بدري عشان تسجل مين حضر ومين ما حضر من الاعضاء وبعدين الاخ هيما عصب وسوا
اللستة بنفسه
وحداوي : يمكن نايمة الين دحين

في نص السفينة في بنتين قاعدين يسولفو

غيداء : ما تخافي ما حتضيعي
زوني : انتي ايش يدريك انا اخاف من ظلي
غيداء : انك تخافي من ظلك شي وانك تخافي من الضياع شي ثاني
زوني : اوعديني لو ضيعت تدوري عليا
غيداء : اوعدك
زوني : ساندي استفقتي من غيبوبتك واخيرا
ساندي : ها ها ها
غيداء : هيما شافك ؟
ساندي : لا بس جود حذرتني
جود : غلا وروزالينا شكلهم متحمسين فالسالفة حقتهم
ساندي : تلقينهم يتكلموا عن الكواريه حقينهم
مان : صباح الخير
ساندي وجود وغيداء وزوني : صباح النور
ساندي : ياخي مو لايق عليك كابتن
مان : بالعكس حسيت انو لايق عليا أكثر من كوني مشرف
وفي نص كلامنا ساندي لمحت هيما من بعيد وتحط رجلها
ومترو السفينة جري , هيما حالف يحسبني فالغرفة الي فيها فيران
هيما : ثلاثة ساعات لييه
ساندي : ياخي راحت عليا نومة
هيما : هذي نومة يوم كامل
ساندي : يا رجل صلي على النبي وكمان ترا صعبة الواحد يجري ويتكلم

ووقفو بكل بساطة
ساندي : عاجبك راحت هيبتنا شوف انا غير وبرنسيس بالغصيبة لقيو ركن عشان يضحكو في علينا
هيما وهوا يصلح الكرفتة : يوم من الايام حأقتلك
ساندي : خير ان شاء الله

بعد ساعة فالبحر بدأو تقديم الغداء فالسفينة وبعد ما أكلنا جاء هيما ومعاه مشروب يوزعو على الاعضاء
انا غير : معليش انا عاملة دايت وما اشرب الا الشاي الي يقولو ينحف من امريكا
زوني : شكرا احتاج حاجة تخليني مصحصحة عشان ما أضيع
غيداء : ياربي من هي البنت تسلم هيما
وتقريبا كل الاعضاء أخذو الين جا دوري
هيما : خدي أطفحي
ساندي : واو اسلوب جدا روعة
هيما : طيب خلاص معليش تفضلي اشربي
ساندي : ما أبغى يا خي
هيما : بس هذا كويس المشروب واحنا ورانا طريق طويل
ساندي : حاليا مالي نفس خلي فالمطبخ وشوية حأروح أشربو
بعدين رحت للبنات
شيري : هوا أنتي جيتي ؟ كنت فاكرة راحت عليكي نومة ومش حتيجي
هموس وروزالينا وغلا يضحكو
هموس : ليش ما أخذتي من المشروب الي وزعو هيما والله جدا لذيذ
ساندي : ما أبغى حاسة نفسي شبعانة وفنص هرجتنا غلا صرخت
هموس : ايش صار ؟
غلا : روزالينا قالت لي مين هو

وانقضى النهار وبدات ليلتنا واحنا فالبحر
الاعضاء كلهم بدأو يستعدو للنوم وبعد ما غمضنا عيننا
في الصباح التالي
الاعضاء صحيو على صرخة زوني
ولما فتحنا عيوننا .........
هموس : احنا فين ؟
جود : المفروض ما نوصل الا بعد ثلاثة ايام للجزيرة
غيداء : شوفو وراكم
ولما طالعنا لقينا السفينة في حالة خراب تام ومستحيل تشتغل ثاني وقارب الطوارئ أختفى
ساهر : مان كيف صار كدا ؟
مان : انا ما عندي أي علم
زوني : تبغا تفهمنا ان احنا ضيعنا الجزيرة وضيعنا نص الاعضاء

أيش صار وصحينا ولقينا نفسنا في جزيرة مهجورة ؟ فين بقية الاعضاء ؟ مين عمل كدا فالسفينة ؟
هذا ما ستعرفونه في الحلقات القادمة .


.....


ارائكم اكمل ولا ؟