هدوء حابة اضيف لك شي...ما بحب اخوض بحياته الشخصية بس شايفتك مثل الغريق اللي يتعلق بقشة...جطي ببالك ان عودتهم لبعض ماراح تغير من حقيقة ان زواجهم كان فاشل...و ماراح تحل مشاكلهم...بالعكس راح تزيد...و التضحية ماراح تنفع بحالتهم...لانهم حاولو اكثر من مرة و فشلو ووصلو للنهاية...زواجهم ببساطة عاش عمره الافتراضي و باخر 4 سنين كان يحتضر و بعدها مات موت طبيعي و متوقع...اثنين مو طايقين الحياة مع بعض...ماراح نقدر نجبرهم يعيشو مع بعض بس ليجاملو الصحافة و قدام اولادهم قال لساتنا عيلة متماسكة...هذا مو حل...حتى لو رجعو ممكن شهر شهرين و ترجع قصص انفصالهم و يصيرو يدورو بحلقة مفرغة...الاثنين ناضجين و عارفين وضعهم...و بحالتهم الافضل انهم يفتحو صفحة جديدة بدل ما يرجعو لصفحة قديمة ممزقة و يرمموها و هي غير قابلة للترميم...زواجهم من البداية كان غلطة كبيرة...استمرو فيه 13 سنة بس لانهم شخصيات عامة و في ضغط جماهيري و اعلامي و الهند مجتمع تغلط عليه الاحكام المسبقة...كانو صغار و قرار الزواج كان مستعجل و هالنتيجة حتمية و اي نعم الاولاد ضحايا بس الجميل بالموضوع ان ريتيك و سوزان بيصرفو بوعي و عارفين انهم والدين لطفلين جميلين و لازم يوفرو لهم كل الاجواء ليعيشو طفولة طبيعية...كانو عايشين في جحيم...و لاعجب ان سوزان صايرة بكل مكان تمشي و تقول انا سعيدة...و هو كمان...خبر انه مبسوط بوضعه الحالي و بنات بلندن قالو صار اعزب و هو كان يضحك...الخبر مقصود يمكن ما في لا بنات و لا شي...كان للدلالة على انه مضى قدما بحياته و رسالة للصحافة و الكل انهم ينشغلو بموضوع تاني ريتيك طوى الصفحة...و في الواقع من زمان هو منطلق بس ما حب يبين احتراما للعشرة لهالسبب كان قليل الظهور بالمرحلة الاولى... هو في احسن الاحوال صدقيني و ممكن تشوفي هالشي من تصرفاته العفوية اللي تكلمتي عنها بالمباراة ... كان عايش في ضغط لما كان معها...كان تراقبه مل الشرطي...كان شكله اكبر من عمره بكتير...و اليوم صار بالاربعين و شكله بيوحي ان عمره 25 و هذا دليل على راحة و استقرار نفسي...ما عندي شي ضد سوزان و ما اكرهها اكيد ما عملت لي شي...بس ما كنت بشوفها ابدا زوجة مثالية لريتيك...هو يستحق افضل...و كنت اتوقع انفصالهم باي لحظة بعد مقال عنها يقول انها ترفض تعيش في ظله وتبحث عن هويتها و كانت تغار منه و الغيرة بين الزوجين كارثة...الاثنين عايشين حياتهم بسعادة...و الاثنين متقبلين الحقيقة...و الاثنين ناضجين و عارفين مصلحتهم...مو خبر او فيديو بيقول رجعو لبعض يعني رجعو...ما في شي مادام ما اعلنو بانفسهم...خبر فيلم مثلا ممكن نصدق او نكذب بس حياته الشخصية ما بتقبل القسمة على اثنين...اما حقيقة و تكون مؤكدة منه شخصيا...غير هالشي كذب و تلفيق...انفصالهم كان واضح للاعمى حتى قبل ما يعلنو و الكل لاحظ هالشي بعيد ميلاد راكيش الا من رفض ان يصدق...بس ما في اشارة لاي صلح قريب...الاثنين قلوبهم قفلوها و ما عاد في مساحة للطرف الاخر بحياتهم...مر وقت طويل و بردت مشاعرهم و مادام اخذو وقت للتعود على وضعهم الحالي ماراح يلتفتو لورا و يرجعو يدفنو حالهم بحياة بائسة ما صدقو تحررو منها...و لا تنسي...ريتيك كان صغير لما تزوج...ما عرف الحرية...لاول مرة بيذوق طعمها من 14 سنة...مثل السجين اذا طلع من السجن ماراح تقدري ترجعيه له بالقوة...الخلل لا فيه و لا فيها...قدرهم كان هكذا...و اختها مرة لمحت لصعوبة ان الواحدة تكون زوجة نجم مشهور وتتظاهر بالسعادة و هي غير سعيدة في الواقع....الحياة واسعة و مستمرة...الله لما حلل الطلاق كان رحمة بالناس...افضل انهم يتطلقو و كل واحد يشو حياته احسن من انه يكتئب و ممكن يلجا للمحرمات وهي تضغط على نفسها و تدمن المخدرات بهالحالة ماراح ينفعو اولادهم بالعكس راح يضروهم و هي قالت سعادة اولادي من سعادتي و انا سعيدة الان...والصحافة لما كانت تقول ريتيك متاثر...عارفة الانفصال الفعلي متى كان...كان بابريل 2013...و هو اعلن بديسمبر...من ابريل لديسمبر اخذ كامل وقته للتعود...فترة من الفترات نقص وزنه و صار كانه انسان تاني...هي الفترة الانتقالية اللي مر بها و تجاوزها...و سفره الاخير قبل ما يعلن كان مهموم لانه كان يفكر بمسقبل اولاده وردة فعل الجمهور و الصحافة...بعد ما تجاوز هالمرحلة صار احسن...بس لانه اعلن بديسمبر بعض الصحافة اللي عقلها محدود فكرت كل شي صار بالفترة اللي اعلن فيها لهالسبب ضلو يصرعونا بسيرة محبط يائس نادم بلا بلا بلا ...مر على انفصالهم اكثر من عام...و مر عن طلبهم للطلاق تقريبا نصف المدة القانونية...هو يرفض التعليق يعني اكيد المشكلة مو هينة و ما بتقبل التنازل ببساطة...و اخته و امه و ابوه قالو المهم انه سعيد بحياته...و صار لازم نطوي الصفحة و ما نحكي عن الموضوع الا اذا هو نفسه تكلم
ما لازم نكون مثل الصحافة الهندية اللي تعشق النبش و المتاجرة بحياة الناس...هي حياته...و طلب منا نحترم خصوصياته...و راح نفعل...تهمنا سعادته و راحته...و كجمهور يحق لنا فقط نحاسبه على اعماله الفنية...اما حياته فهي ملكه...و اذا خايفة من كلام الصحافة...هي اصلا بنشر عليه اشاعات حتى ممثلة صغيرة اللي مثلت مع تايغر ربطوه معها فقط لانه اتصل يهنيها على اداءها بالفيلم صارت قصة كبيرة و علاقة و مطاعم ووو...هل هذا يعني ان اللي قالو صح...طبعا لا...و كفانز عارفين نجمنا المفضل و ماراح نصدق اي كلام
و عذرا على الاطالة...و طبعا لك الحرية في التعبير عن رغبتك بس رجاء لا تتبعي السراب لان هالشي راح يضرك...و ارادتك في عودتهم ماراح تغير الحقيقة و ماراح تحول مسار قدرهم اذا الله كتب لهم كل واحد يروح بطريق...و اذا كتب لهم يجمعو نفس الشي... و اذا تبين شي ملموس اكيد كلنا راح نرحب بالفكرة مادام هو يكون راضي و مقتنع
عاشقة نورتي يا مبدعة البيت