الحلقه - 12 - : حلول إبداعية بدأ الشقيري الحلقه بطرح مثال الشجره الكبيره كانت في البداية " بذره " كذلك هي الشركات الكبيره كانت في بداية الأمر فكره بسيطة لحد ماكبرت وصارت شركه معروفه . الحلقه تتكلم عن الإبداع في التفكير والتطوير والإختراع ياما أفكار في روسنا بس مانلاقي من يتبناها . في أمريكا شركه مميزه تتبنى الأفكار و تنفذها وتنشرها في السوق مثال عليها جت لهم مراة تشتكي من أنها اذا شالت معها كوب كيك في السياره يروح يمين وشمال ويخرب فطلعت فكره حافظة فيها دوائر للكيك تمسكه مايتحرك - أشياء بسيطة بس محد أخترعها - . الشركه كبيره و لها نظام حلو و منتجاتها تكثر سنه عن سنه في الشهر تنتج 200 منتج . عرض فيها صور للمخترعين مخترع الفيس بوك و قوقل و شركه آبل وغيرها تبين أن كل هذولا بدوا ب اشياء بسيطه جدا جدا . وفي الإمارات شاب طور فكره محل مغسله الملابس بحيث استغل مساحه في عماره وحطو فيها صناديق تشتغل إلكتروني بشكل سهل الواحد يجي يحط ملابسه ويطلع شقته ينزل يستلمها . الخلاصه من الحلقه أن الأفكار موجوده بس تحتاج من يتبنى ه الشي ويدعمه البذره اذا ماسقيناها تموت كذلك الفكره إذا ماسقيناها ب الجهد والعمل تموت و إذا ماتت الأفكار قل الإبداع وإذا قل الإبداع قل الإحسان .