الحلقة التاسعة :حتى اختلت عقولهم
الحلقة بتحكي عن
المخدرات واثرها من كل النواحي
اكثر شي فاجاني سلوك البسة لما اعطوها مخدرات صارت تصرفاتها العكس
يعني زي كإن الواحد فعلا بنقلب وببطل يعمل وظائفه الحقيقية
والتنين الزنوج الي قابلهم بالشارع..الي لابس ابيض جد مثال لمتعاطي المخدرات
يعني حالته حاله ولا بستقبل ولا برسل
والتجربة الي عملها محترف السواقة قبل وبعد تعاطي المخدرات
دليل فعلي على انها بتسبب مشاكل سواء حوادث ومشاكل تانية متل الام الي نسيت ابنها فوق السيارة
اهم شي انها هالنبتة الي بطلع
مخدرات بامكان الناس تيتخدمها بشكل ايجابي بالملابس بالاحذية وكتير اشياء
اكتر شي ازعجني بعض الكومنتس على الفيديو
يعني في ناس بحكوا كلام موجه للشقيري ان لازم تعرف هدول الناس ليش بتعاطوا مخدرات لانهم مش مبسوطين زيك..ماعندهم شغل زيك..او عيلة لهيك بلجأوا لهالشي
يعني عنجد جهل..اذا هو هلا زعلان عالعيلة والوظيفة الي مش عنده..لما يتعاطى مخدرات ويدعس طفل ولا يقتل ولا يغتصب بصير عنده مشكلة اكبرمن لتانية
ما بنحل مشاكلنا بالهرب منها..لا لازم بمواجهتها
يعني فوق ما الشقيري قاعد بوضحلهم..هم عم ينكروا ويلاقوا حجج.
.!!!!!!
----
الحلقة العاشرة: ارحنا بها يا بلال
الحلقة عن الصلاة طبعا
حلقة مؤثرة..كلنا بنتمنى نصلي بخشوع بس ما بننجح دايما
عمل اكتر من تجربة اول وحدة سكان عالمخ قبل الصلاة وبعد صلاة غير خاشعة وسريعة وبعد صلاة خاشعة
طبعا طلع الفرق بعد الصلاة الخاشعة..اول شي قلت الحيوية بمنطقة التفكير ( الناصية) وقل التركيز وهاد دليل على الاستسلام زي ما قال الدكتور,,وزادت الحيوية في مناطق بتعزز الرحمة والعطف (سبحان الله)
والفحص التاني بيّن ان الصلاة بتنظم نقاط الطاقة بالجسم
وجاب مثال كيف ان المجتمعات الي ما عندهك ايمان كيف بتزيد نسب الانتحار متل اليابان
حلقة جميلة 