[عسولة السعوديه]

فيلم highway مثل ماتوقعت من قبل ماينزل انه بببببببطل

صراحه تأثرت تأثرت تأثرت قصة حب فريدة من نوعها قصة جديدة ومختلفة تمثيييل ولا اروع

علياء : انبهرت من قدرتها التمثيلة ابداع ابداع ابداع ابداع إلى مالا نهاية لو بتستمر على هالمنوال وتختار ادوار توضح مهاراتها اتوقع بتصير كوين اوف بوليوود شفت لها مقابلة تقول يوم قريت السناريو وقريت القصة قعدت كذا يوم افكر ثم رجعت اقراها مره ثانية ثم سكرت السناريو ما ادري القصة وقلت خلاص هالدور ما احد راح يسويه غيري ناسبها وابدعت ابداع مو شوي اعطيها 10\10

رانديب هودا: على انه معروف على وصاخته الا انه ابدع في هالدور وحبيت كركتره ورحمته ضبببط دوره وانبهرت منه هو الثاني بس شخصية فيرا بينت القدرات التمثيله عند علياء اكثر ما شخصية ماهبير بينت القدرات التمثليه عند رانديب بس مايعني انه ما ابدع بالعكسس اعطيه 10\10

امتياز علي : بمناسبة ان الفيلم مسويه اساسا عشان ينعرض بمهرجان برلين ويبي يقلد الافلام اللايف في كذا مقطع ما احسه ضبطها و في مقطع لعلياء وهي تركض واضح انه كمبيوتر يعني مهرجان برلين و اشياء خراط عيني عينك باقي لقطات الفيلم ابدع فيها طبعا خصوصا بالريف طبعا امتياز علي معروف انه مخرج بطل بس هذي اول مره يخرج افلام من هالنوع فلا يجازف من اول مره وفي مهرجان بس عموما اخراجه حلو اعطيه 8\10

الاغاني : حلوه وسيريس وانا متاكده انها راح تترشح لجوائز نهاية السنة اعطيها 9\10

القصة : ابداع وقصة جديدة وتدخل في قلب الواحد وتأثر فيه جد روعه انا احب هالانوواع من الافلام اعطي القصة 10\10

الفيلم كله على بعضه رائع على انه ماحقق شئ يذكر في البوكس اوفيس لكن راح يترشح وبتشوفون مو معقوله فيلم فارون يصير انجح من هذا ابو هنود ماعندهم ماعند جدتي ماعاد صارو يعرفون ينقون من عذره امتياز علي عرضه في برلين اعطيه عموما عموما 9\10 الواحد ذي نقصتها عشان استهبال امتياز