السسسلام عليكم
اخباركم ان شالله مناح
تدرون ان البيت بيكمل سنه مفتوح
اتوقع اكثر بيت صمد في تاريخ المنتدى
المهم ترا فلم المنحوس سهيل نزل من زمان وتترجم مااشوفكم تكلمتوا عنه يعني ؟
عطونا رأيكم فيه خل نشوف عجبكم اخراج سهيلوه والا لا
انا عني شفته اول مانزل _ تعرفون انا دايم احب اواكب الاحداث ماشاء الله علي
الجد اني شفته مره وحده و بدون ترجمه وماظنتي رح اشوفه مره ثانيه
فلم غبي و مخيب للامال مدري مؤكد للامال
من الاساس ماكنت متوقعه منه شي دام المخرج سهيل
ان تكلمنا عن الفكره .. ماعليها كلام .. فكره قوويه وجديده بس التنفيذ فاشل مع مرتبه الشرف
سيناريو مهلهل وضعيف جدا .. هذا اذا كان فيه سيناريو من اصله
فكره المساعده واللي قائم عليها الفلم بكبره ماشفناها
ماغير مهابد ورقص وطاخ وضرب مع شوويه قطات سخيفه ومحاولات استظراف بائت بالفشل
الفلم حسنته الوحيده وجود سلمان ودور جيلينا
اما الباقي اكبر اكس لا احداث لا سيناريو مقنع لا حوارات حتى التمثيل متكلف
ماالوم الممثلين بصراحه لان عندهم مخرج فاهي مايعرف يوجههم مثل العالم والناس
حتى الاغاني بايخه و دون المستوى
توقعت اذا شفتها كامله اغير رأيي بس بصراحه الالبوم كله فاشل لا موسيقى ولا اصوات ولا حتى فيديو كليب
وكله كووم والاغنيه اللي ترقص عليها ملكه المهابد ( ديزي ) كوووم
وش اقوول بس عباره عن غباء في غباء وديزي بكبرها وجودها اكبر غباء ..
اما سهيل ذا اتوقع اني خلال سنه ونص حشيته وقطعته بما فيه الكفايه
بس اللي اقدر فعلا اقوله .. انه ماخيب ظني فيه
الخلاصه انه فلم دووون المستوى ولو اقدر امحيه من ارشيف سلمان محيته بس الشكوى لله انحسب علينا فلم
اما ذا السهيل يحمد ربه ان الفلم جاب سيمي هيت وربي يعتبر انجاز بالنسبه للهباب اللي سوواه
ولو تبوني احلف ان كل اللي راحوا و شافوا الفلم شافوه عشان سلمان فقط لا غير