[kareema]

عدنا

عاشقة...روسي
الله يسلمكم حبيباتي...الف شكر
و يعطيكم العافية على اضافاتكم و مناقشاتكم الحلوة اللي رجعت الحياة للبيت
عاشقة فواد اهلا و سهلا

بخصوص شودهي... الخلاف المادي...يمكن الخبر صحيح...و اذا صحيح من حقو هو بعد كريش ارتفعت اسهمو و من المشروع انه يطالب بمبلغ يليق بالمقام... و بالمقابل يضمن نجاح الفيلم...هكذا تسير الصناعة و ريتيك مو استثناء حتى يشتغل بدون مقابل و اعتقد كان الاتفاق بشودهي انو ياخذ حصة ارباح و اذا طالب بحصة كبيرة فالمفروض كاران ينفذ و لا يعترض لان ريتيك ممثل كبير و كان الوحيد اللي ممكن يغطي الميزانية و يحقق فوقها ارباح ضخمة...الكلام طبعا كان نسخة كاران و لو نسمع نسخة ريتيك يمكن السبب مختلف...بس كلهم عارفين ان ريتيك ماراح يتكلم لان عقلو اكبر من عقولهم الصغيرة لهالسبب صحافتهم قاعدة تعجن بالموضوع و كمان بحياتو الخاصة و كل ما يخطر ببالهم مقابل كم روبية... لا اعتقد و لا اريد ان اصدق ان مشاكله الشخصية هي السب...اي سبب آخر الا هالسبب...الصحافة و اطراف معينة تحاول تحبط ريتيك و تقلل من قيمتو بكلام مثل محبط و قرر الانسحاب و راح ياخذ فترة استراحة طويلة و مدري حتى يصرفو عنو النظر و يصوروه بصورة اليائس الفاشل بس الحمد لله في عروض قوية و كل يوم خبر عن فيلم و هذا دليل انو موجود فوق قلوبهم...لو الكلام صحيح ماكان كمل بانغ بانغ...يعني سبب خروجو من شودهي يخص شودهي فقط اما خلاف مادي و اما سبب آخر من البيان حسيت في مشاكل بينو و بين كاران ذكر كاران مالهوترا فقط و اعتقد ايضا من بين الاسباب تصريحات كاران و كارينا اللي اثرت فيه بشكل ما و تهجم بعض الفانز و المتعصبين عليه...و لو رجع للفيلم راح يثبت نظرية انو متآمر ضد كارينا و عمل خطة لتطلع هي و راح يكون خبيث بنظر الناس و هو مو غبي يوقع بهالفخ انسحب بمحض ارادتو و لو كان يريد غير كارينا كان تحققلو هالشي بس هو رفض يكون نذل و قرر ينسحب هو و لا اتوقع و لا اريد انه يرجع اصلا الخبر يقول في امل ضئيل يعني حسب عقلهم الصغير راح يرجع يتنافس مع غيرو و هو اللي كان الخيار الاول و طلع من الفيلم بكامل حريتو و نشر بيان و تمنى لهم حظ موفق...و كمان بالخبر حاولو يبينو انو يائس و غير مطلوب و كأنو ندم على القرار و قرر يتنازل عن كبريائه و يدخل في سباق لعل و عسى كاران يحن عليه...هكذا كانت صياغة الخبر...ريتيك مو من النوع اللي يتراجع اذا قرر ...فشودهي حاليا ماضي...و عليه الخبر كان من نشر جماعة كاران للفت الانتباه خصوصا مع انتشار خبر توقيع ريتيك مع اشوتوش اللي لسه ما تأكد
نروح لهالفيلم...هو فيلم طموح و ضخم ... المخرجين دايما يختارو ريتيك للمهمات الصعبة و الافلام بميزانية ضخمة لانهم عارفين انو الوحيد اللي ممكن يعطي الدور حقو و يرجع عليهم بعائدات ضخمة بالبوكس اوفيس...شودهي و باني و هالفيلم و غيرها كانت ميزانياتها عملاقة وريتيك كان الخيار الاول فيها كلها يعجبني اشوتوش انو يفكر بريتيك دايما و يصر حتى يحصل عليه من ايام العملية و هو يلاحقو و يمكن قدر يقنعو اخيرا
اشواريا كانت الخيار الاول من حيث الممثلات و شي حلو انها ترجع من حيث توقفت مع ريتيك هي و ريتيك و اشوتوش شكلو ثلاثي ناجح بجودا اكبر فما عندنا مانع يتكرر السحر...الفيلم ممكن ياخذ وقت من سنتين لثلاثة و ممكن في الانتظار ريتيك يقدم اعمال صغيرة مثل فيلم راكيش و ربما فيلم فرحان و بالتالي يحقق التوازن...فممكن يشتغل مع ممثلات جدد مثل سونام و ديبيكا...بس فيلم ضخم الافضل تكون ممثلة متمرسة اشواريا بريانكا كارينا و ربما ديبيكا اللي اثبتت جدارتها لو ممثلة جديدة ممكن يكون في مجازفة كبيرة
اما فيلم سانجاي اغلب الظن ان ريتيك رفضو مادام شبه مؤكد انو وقع فيلم اشوتوش اللي يبدو افضل مو معقول يركز بس ع الافلام التاريخية فيلم واحد يكفي...الفيلم عن الهندوسية و يدور في فترة 2600 قبل الميلاد و هي تجربة جديدة في السينيما الهندية و تحدي كبير و ريتيك يعشق التحديفيلم سانجاي تمسكنا فيه لانو احيا فينا الامل بعد ما احبطتنا تقاريرهم الكاذبة انو قرر ينعزل فترة و يبتعد عن الاضواء و اللي تبين انها كلها مخططات للايقاع به...خبر انو قرر يركز على بانغ و ما بدو افلام تانية تشغل تفكيرو مومباي ميرور نقلت الخبر بكل موضوعية و تايمز قالت هل ريتيك محبط عاطفيا و فنيا و مدري...اذا اشتغل محبط و اذا ما اشتغل محبط لازم يفرض وجودو بقوة و يثبت انو محترف و يفصل حياتو الخاصة عن حياتو المهنية و ما يعطي فرصة لشماتة الاعداء
و شكرا على حسن الاصغاء
-------------------------
المقارنة مع ريتيك روشان اثرت علي

-هارمان باويجا-

لان في ريتيك واحد بالكون و اي مقارنة معو راح تكون غير عادلة