صحيح اني بفترة امتحانات بس حضرت خلالهم 3 افلام يمكن كنوع من التنفيس عن حالي
المهم الافلام هم
Duplicate
الفيلم اكيد من بطولة
شاروخ وجوهي وسونالي
الفيلم بشكل عام قصته هي الاسوا فيه
انما اداء
شاروخ وجوهي وسونالي بجنن ومتقن لادوارهم
لكن المشكلة بافلام
شاروخ ان نهايتها متوقعة
بامكاني من اول الفيلم اعرف شو الاحداث الي رح تصير
وفعلا بتصير..!
وهاد بعمل نوع من الممل زي ما صار معي ب
دبلكيت
الاغــاني : الحان واصوات المغنيين رائعة
بس الكلمات..! مش حلوة ومش مهمة ومش ملهمة كمان
يعني ممكن اختار احسن اغنيتين من اغاني الفيلم
ميري محبوب ميري سنم و فا جي فا
بما ان قصة الفيلم مش كتير حلوة بعطيه
3.5 على اداء الممثلين
Black
فيلم بلاك ل
راني موخرجي واميتاب باتشان
بامكاني اقول اني متاكدة انه افضل افلام
اميتاب
لانه دوره ملهم ومفيد حلو ومتقن
راني ابدعت كمان لو كانت وحدة غيرها ما كان زبطت
الفيلم قصته حقيقية وطبعا رائعة وصياغتها بالفيلم مش ناقصها شي
الهمني..ابكاني وكل ما بتتوقعه لانها قصة حقيقية
واعتقد ان هالفيلم سبب في تفكيري القادم..نويت ان شاء الله بعد شهر 6 اتعلم لغة الاشارة
الفيلم
9.5 ماعندي سبب ليش انقصت النص ولا عندي سبب اخليه
10
هيك بالنسبة الي رقم دقيق
bhootnath
فيلم بطولة
اميتاب وجوهي والولد الصغنون وشاروخ
الفيلم عن قصة
شبح
بس مش زي ما الكل بتوقع مش زي الافلام الهوليوودية
تغيير على شخصية
الشبح لحد ما صار شبح حنون وطيب
ما شفت مشكلة بالتغيير..حبيته
القصة حلوة ممتعة مضحكة واخر شي محزنة
حبيت لو بالنهاية مات فعلا ما رجع
لان هيك بكون صح اكتر اما رجوعه..! ما كان صحيح ابدا
بس بشكل عام
اميتاب دائما ما في عيب بادائه..صعب نعقب ع ادائه
الولد اتقن الدور كمان
جوهي اعطت الدور الحقيقي للام المحبة والمهملة بنفس الوقت
ما في عيب بالفيلم بشكل عام
بس
الاغاني..
ما كان في حاجة الها
وبالاخير لما اجا
شارو من السفر..على طول اقتنع بقصة
الشبح..واعتقد هاد بالمرة مش واقعي
ههه الاكيد طبعا ان قصة
الشبح كلها مش واقعية
بس حسيت وصول
شاروخ اقتناعه بالقصة وكلامه مه فيجاب ابن
اميتاب
كله كان فجاة وبدون رابط منطقي..
الفيلم بعطيه 7.5
مبسوطة علافلام الي حضرتها
مش اعتيادية <<قصدي عن اخر فيلمين
بـس هيك ..
