[القدس عربية]

ياه آخر مشاركة الي بالموضوع ..
من قريب شهر ونص وزيادة كمان ..
عن جد اله معزة كبيرة بنفسي هاد الموضوع ..
بس نزلوه من التثبيت عاد قعدت أدور عليه
ساعة خخخخخ ..
وهو مثبّت أحلى ههههه ..
عاد وين الناس الي كانت تشارك ؟
هجرتوا الموضوع مرة وحدة : (
المهم انه جيت وما عندي شي ..
من زمان مو شايفة أفلام ..
مع انه منزلة أفلام كتير ومتشوقة أشوفها
بس عن جد مو ملاقية وقت ..
عموماً الفترة الأخيرة قبل ما أنشغل ..
كنت أتابع مسلسلات على MBC Action
تابعت مسلسلين عن جد رووعة
واحد اسمه
The Mentalist



وأعتقد ما حدا ما بيعرفه ..
المسلسل مواسم وكان الموسم الخامس ..
عبارة عن جرائم قتل وحلها من قبل
مستشار لمكتب التحقيقات ..
الي مافي جريمة بيصعب عليه حلها من ذكاؤه وملاحظاته ..
لكن واحد من المجرمين تحداه وقتل عيلته ولحد آخر حلقة
مو قادر يعرف مين هو ..
من متابعتي لأخبارة بدؤوا بتصوير الموسم السادس
عاد بانتظاره على أحر من الجمر ..
لانه الموسم الخامس انهوه نهاية جداً مشوّقة ..
أما المسلسل التاني فهو
Blue Bloods



عائلة من أصول ايرلندية بس عايشة في أمريكا
وأغلب أفرادها بيشتغلوا في سلك الشرطة
سواء الجد الي تقاعد أو الأب الي هو رئيس الشرطة
وأولاده الي بيشتغلوا بمناصب مختلفة
في نفس المجال ..
جميل المسلسل لدرجة رهيبة .. فيه تشويق بقصص
التحقيقات بالاضافة للجو العائلي الي فيه ..
كمان اله مواسم وبستنى حلقاته الجديدة بفارغ الصبر ..
وبس ..
ان شاء الله لو تابعت أي فيلم من الي عندي
راح أرجع هنا ..