[princessa]

http://im16.gulfup.com/kZeR1.png

مرحبا

الحل الامثل والافضل طبعا انها تقول لاهلها بس بطريقه حكيمه هي رح تكون اعلم فيها لانها اكيد هي بتعرف اهلها وكيف تفكيرهم لاسباب عده :
اولا : هي ابدا مو غلطانه حتى لو كانت راحت للدكتور النفسي من غير علم اهلها في هيك موقف اهلها اكيد رح ينسوا السبب ورح يوقفوا جنبها
ثانيا : هو ليش بهددها اذا ما غلطت معه وما عطته عين او اي ردت فعل بل هي عملت العكس وصدته لذلك ما عنده اي حق انه يهددها
ثالثا والاهم : مواجهة المصيبه افضل بكثير من انتظارها وبالنهاية قسوة اهلها اللي بخافو عليها ولا ضغط واحد عديم الاخلاق ولما تخبر اهلها رح يحس انه وراها ناس توقفه عند حده

وفي شي مهم جدا :
هي بتقدر تشتكي عليه لو كان عندها دليل او شهود بجرم يسمى بقانون العقوبات ( التهديد ) او جرم اخر يسمى ( الاعتداء ) او حتى حسب قانون نقابة الاطباء النفسيين( الاخلال بالمهنه )

وتجيب حقها وتجعله مثل و عبره لمن يعتبر لانه في قانون بيحميها ... بس انا عارفه انه في بعض المجتمعات ترفض اللجوء للقضاء خوفا من كلام الناس والقشور الاجتماعيه الزائفه اللي انغمست فيها المجتمعات


تقبلي مروري
والله يفرج كربها وكرب كل مهموم

وجزيل الشكر لمن اقترح هيك موضوع في مساعده للناس