[kareema]

خزوم لا تخافي رتوك و ركوش قدها انتي بس ادعي راكيش يكون ذكي كفاية ليحطم كل الاعداء و يخلي ريتيك يوصل للقمة و يحطم كل الارقام القياسية غصبا عنهم

سنجون ما بعرفهم بس عارفة بوجودهم جيل عن جيل و من اول ما ظهرت بوليوود... يمكن نفسهم اللي اعتدو على راكيش بعد صدور كاهو او ناس عندهم نفوذ كبير ببوليوود و ما حدا يقدر يوصل لعندهم ... هم انفسهم اللي عم يسيرو الاعلام و يطلقو اشاعات و يخلو الواحد يصير نجم بين عشية وضحاها و يخلو النجم الكبير يصير مجرد ماضي و هم اللي عم يوجهو ارقام البوكس اوفيس وآراء النقاد و قاعات السينيما و احيانا حتى اذواق الجمهور ...و ريتيك خرق العادة و هستر العالم بدون الاستعانة بهم و ما كان من العائلات العريقة اللي يطلع منها نجوم كبار فما هضمو هالشي و لساتهم عم يحاولو لحد الساعة انهم يفشلوه و كل مرة يكون اقوى منهم و يرجع من بعيد و لولاهم كان من زمان صار النجم الاول ... حاسة انهم راح يعملو كل شي ممكن يعملوه لحتى ما يتركو كريش يحطم كل الارقام القياسية و يكون اكبر فيلم بس ان شاء الله ما يقدرو يعملو شي لان راكيش كمان عنده وسائل خاصة و بيعرف كيف يكسب الرهان
كان ممكن كوي ميل غايا و كريش ينجحو نجاح اكبر بكتيييير...حتى لاكش فيلم جيد و المفروض ينجح...جودا تعرض لمؤامرة والا كان انجح فيلم بالسنة...كايتس و غوزاريش كمان تعرضو لمؤامرة كبيرة دفع رتوك ثمنها غالي و كان ممكن ينتهي بسهولة لولا نجاح زندجي و اغنيباث...حتى اغنيباث كان ملاحق قضائيا و كان راح يتأخر و ممكن يفشل بسبب اغنية او سايان المحذوفة (ممكن تلاقو هالمعلومة بالويكي) ...بس كاران عندو واسطات بالصناعة و خلاه يصدر بالموعد المحدد... و فشلت خطتهم و ريتيك رجع للقمة
و نفس الجماعة حرمو رتوك من جائزة الفيلمفير2011 لحتى يقنعو الناس انو فاشل هو احتج و انسحب من الحفلة و سوزان عبرت عن استياءها من اللي عملوه...وكمان الجائزة الوطنية 2004 حتى شارو الفائز- اللي طبعا ما له علاقة معهم-ما رضي بهالشي و اتصل برتوك و تضامن معو و قال ما في حدا بيستاهل الجائزة اكثر منك ...حرموه كمان من عدة افلام جيدة بعد ما سمعنا عن توقيع و حماس و بعدين يسقط منها في ظروف غامضة و شاءت الصدف انها نجحت نجاح باهر ... و حاولو يحرموه من افلام جيدة اخرى بس ما قدرو ... و تركوه يعمل افلام فاشلة بالسنوات الاولى لانهم كانو يخططو لاسقاطه و الهاء الناس عليه بأي طريقة و السبب انو خطر يهدد مصالحهم و ما يتبع اهواءهم في كل مرة يحاولو يطفو نجوميتو ابوه يعطيه الدعم اللازم و يرجع يطلقه من جديد لانو هو كمان كان ضحيتهم و الفرق بينو و بين ريتيك انو هو استسلم و ترك النجومية بس ريتيك لساتو يصارع و هو ما قدر يحافط على الريادة بعد نجاحات 2006 بسبب عراقيلهم و خلوه يختفي سنة كاملة لحتى الناس ينسوه و عودته ما كانت بالقوة اللي ممكن تخلي الناس مجانين عليه و ما كان لها ذاك الوقع الخاص و كل هالشي محاولات فاشلة لتحطيم رتوك...عالم السينيما مثل الغابة فيها وحوش و مخلوقات مسالمة تتخبط للعيش وسط الوحوش حتى رتوك نفسه قال مرة صعب الواحد يضل متواضع بصناعة مثل هاي... بس مهما كانو اقوياء ارادة و موهبة و امكانات ريتيك اقوى منهم...و ان شاء الله خير بس كأني طولت ما ؟