بالنسبة لكلمة راغب
هلا اي طبعا هو غلط والكلام كافر بس زلة لسان
يعني الناس عملوه كافر وصارو يطالبو باغلاق حسابه على تويتر
شو يعني ما صدقو ؟؟؟
طيب لما هنن هيك متدينين وعاملين حالهم كتير محافظين ليش بيتابعو اراب ايدول ؟؟
ما كله برنامج رقص وغناء ولا هاد مش حرام ؟؟
الحرام بس باللي قاله راغب ومن غير قصد
هو طبعا كفر بس لو كان قال الكلمة عن قصد كنا قلنا ماشي
بس هو ما كان يقصد اكيد انه يكفر هيك
اما بخصوص برواس
من بداية البرنامج وهمه يبيضو الطناجر معها واحساسك يجب ان يدرس وانتي خلطة سحرية ومن هالكلام
البنت من الاول مستواها هيك بس هنن اعطوها اكبر من حجمها
هي المفروض تطلع قبل مهند وعبد الكريم لان اصواتهم اقوى منها بكتير
بس اللجنة خلتها تبقى وتكمل
لحد ما خلوها تتامل انها تكون اراب ايدول اصلا
وهي على فكرة مفكرة حالها راح تاخذ اللقب ما تعرف انها راح تطلع بكرة لان البرنامج مش قايم على التصويت اصلا
مش معنى هيك اني اكره برواس بس هي من البداية هيك وهنن عملوها مدرسة بالاحساس وهي اصلا ما تعرف تحكي عربي منيح
قضت نص البرنامج وهي تغني كردي
وهلا بدات تبان عيوبها
حسن اصلا اكثر واحد كان يبالغ في مدحه لبرواس وجاملها كتير
ولما اجت تغني مع زوجها قام ووقف لها وصفق لها وهو لكاظم الساهر وماجد المهندس ما وقف
وهلا ما عجبته برواس
عموما البرنامج صار مكشوف كتير واللجنة مخططة اللقب من اول حلقة اصلا
وقاعدين عم يلعبو فينا
النهائي راح يكون بين فرح وعساف انا متاكدة مليون بالمية
