[kareema]

مساء الخير يا احلى رتوكيين

جمعة مباركة كلكم

روسي...عاشقة ....خزوم...فطوم...ميس شاهاد
منورين كلكم
سنجون...جود...هدوء ...ردوك ...عالية و البقية...سلااااااااااااااا� �ام


بخصوص قضية الساعة تجاهل كارينا...شفت الفيديو اللي جابتو عالية ....بالاول لما سمعت الخبر فكرت التجاهل انو مثلا يمر عليها تعمل حالها ما شافتو او تغير الاتجاه...بالفيديو هي قبل و بعد ما يقول كلمته عن عليم كانت تدردش مع مانيش و الجماعة
على كل ما لازم ننفعل لانو مو عارفين اذا مقصودة او لا و ما راح نقدر نتاكد من الموضوع الا لما تتحدد بطلة شودهي ...اذا الحركة مقصودة .. اقول هي الخسرانة و راح يجي يوم تندم فيه على عملتها... و اذا مو مقصودة ... ما صار شي...و بكل الحالات راح تضل نجمتي الاولى ببوليوود و اتمنالها كل التوفيق في مشاريعها القادمة و افلامها مع رتوك الها معزة خاصة بقلوبنا كلنا...و عليه اذا كانت فعلا تجاهلت ريتيك اعتقد انو انتقم منها بطريقتو و خلى كاران يستبعدها من شودهي و يبدلها بانوشكا و لذلك رفض التعليق عن الموضوع لما سالوه مؤخرا لانو انصدم و هو اللي قال انو يحب يحب يحب يعمل مع كارينا...ليش يا كارينا نسيتي بهالسرعة من هو ريتيك؟؟ ريتيك اللي تمنيتي تمثلي بكاهو ليكون اول فيلم الك معو...ريتيك اللي انطلقت نجوميتك بسبب تمثيلك معو بيادين و انتي بنفسك اعترفتي بهالشي...ريتيك اللي اول نجاح الك بمشوارك الفني كان معو بكبهي خوشي و هو الفيلم اللي خلى صورتك توصل للعالم ...ريتيك اللي كنتي توقعي على الافلام لما تعرفي انو موجود فيها و كنتي تفضليه على الخانات لما كانو يسألوكي من نجمك المفضل كنتي تقولي ريتيك بدون تفكير...ريتيك اللي ثنائيك معو من افضل 10 ثنائيات بتاريخ بوليوود
ليش صرتي قاسية عليه و هو اللي يمد جسور التواصل و المحبة معك؟؟؟ ليش تحاولي تقتليه و هو لساتو عايش بداخلك...هي تفكر فيه بكل لجظة و تعمل حالها غير مهتمة شفت لما كانت مع شاهيد ببرنامج كاران قالت لشاهيد اعمل الحركة اللي عملتها بكريش حتى كاران استغرب و قال هو مو كريش ...كانت تتخيل انو ريتيك ...و ضلت تحكي عن دهوم و تمنت انها تمثل دور آش بس لتحظى بفرصة انها تكون معو ...و لما كانت تروج لهيروين ببرنامج مواهب شخص اسمو ريتويك ذكرها بريتيك ... كلها زلات لسان بس مع ذلك تحاول تبين انها قوية و ما يهمها امرو

على كل حال هالخبر يقول انو كارينا استبدلت بانوشكا...يعني وقعت مثل ما سمعنا و تحمسنا...قالو جدولها المزدحم اجبرها على الخروج من الفيلم و لكن اعتقد انو بعد الحركة اللي عملتها مع ريتيك...قرر يعطي الفرصة لانوشكا

http://www.ibtimes.co.in/articles/46...or-shiddhi.htm

و هذا العنوان مؤلم خلى عيني تدمع

بدون سماح...كارينا تحتقر ريتيك المسكين >>

http://canindia.com/2013/05/no-forgi...rithik-roshan/

عارفة انو هذا مزعج بس حبيت انقل بامانة ما يقال عن ريتيك لحتى تكونو بالصورة
عذرا بيبو ... ما توقعناها منك اتمنى انو ما يكون قرأ هالعنوان ...
بس الشيء الحلو من هالموضوع انو ريتيك اخذ درس ... و من هداك اليوم صار شخص آخر صار يطلع و يتواصل مع الفانز و يوقع على الافلام و العقود ليثبت لها من يكون وصار يتكلم عن التغيير يعني لا للبكاء لا للندم لا للتعلق بالماضي و ادرك اخيرا انو الحياة مستمرة و انو في قمة العطاء ...

صحيح...في خبر يقول انو زويا راحت لعندها و سردت عليها النص ل3 ساعات و هي احبت الدور بس ترددت و كاريشما كانت تعجلها انها توافق و قالت لها هاي فرصة العمر لا تضيعيها
كاريشما بحسها ذكية و ديبلوماسية قالت لها وافقي ممكن لتصحح الغلطة اللي عملتها -طبعا في حال ثبوت الخبر- لانها عارفة انو ريتيك نجم كبير و كل ممثلة تتمنى تمثل معو و انو الخانات و حتى سيف معهم صارو يفضلو بطلات مثل ديبيكا و انوشكا و كات اللي سوقهم ماشي هالايام اما كارينا صارت تمثل مع نجوم اقل نجومية منها و هذا ممكن ياثر على بريقها و كما قلنا سابقا ريتيك الوحيد القادر يرجعها للمقدمة و شودهي كان سيكون فرصتها المناسبة...نص حلو...مخرج عبقري...منتج محنك...ممثل كبير...بعد 10 سنين من الانقطاع...كلها عوامل تصب في مصلحتها
اذا وقعت مع زويا و اذا صحيح اللي عملتو مع ريتيك...اعتقد انو راح يعتذر عن الفيلم...و يمكن وقع مع غولدي ليخلق الاعذار لزويا انو الجدول مزدحم