مسا الخير عليكم ..
أنا مقدرة زعلكم يا سلوى ونصورة ..
وان شاء الله راح يرجع ناس من المغرب وينافسوا عاللقب ..
بس مستغربة منكم الهجوم الي شانينه على القناة ومصداقيتها ..
طيب هي القناة نفسها الي عملت برنامج أحلى صوت وفاز فيها مغربي ..
هي نفس القناة الي عالنهائي في نفس البرنامج الموسم الأول
كان المغرب يحجز مقعد بصوت دنيا بطمة ..
أحلام نفسها طلبت من كل جمهورها
يصوت لدنيا بطمة السنة الي فاتت ..
ماحدا وقتها حكى انها منحازة للمغرب ..
بعرف حاسين انه في ظلم
بس أنا مو معكم بكلامكم عن القناة وتشويه صورتها ..
لانها مش هيك أبداً ..
وكلامكم في تقليل لمواهب تانية مرعبة
مرافقة للمواهب المغربية ..
الأصوات المغربية هالموسم من الأجمل بس في ناس منافسة الها
وبقوة في الجمال والحضور وكل شي ..
السنة الي فاتت كانت دنيا بطمة فعلاً الأجمل مع كارمن
ونفس الشي بينطبق على برنامج أحلى صوت ..
كان فعلاً مراد بوريقي ولمياء الأجمل ..
بس لانه لمياء كانت مع قصي فرق التصويت لصالحه
غير انه بالنهائيات كان في اكتر من مغربي والتصويت
كان صعب لمين يروح ..
بس عند الحسم فاز الأكتر تصويت ومن حسن الحظ كان الأجدر
كمان بالفوز وهو مراد ....
وبرنامج عرب آيدول ينطبق عليه نفس الشي ..
هي مسألة تصويت مو أكتر ..
ما أعتقد في أي تحيز أو لعب من القناة ..
والا لو بنتهمها بهالشي بهالبرنامج فالاتهام
ينطبق على سياستها كاملة في متل هيك برامج ..
رأيي وحبيت أعبر عنه وبتمنى للمغرب تنافس وبقوة ..
وهاد الي بتوقعه ..