مسا الخيـــر عالحلوات ..
يا بنات شو هالبرنامج هاد ؟؟
شو هالصواريخ الغنائية؟؟
أنا قلت بكتب تعليقي بعد حلقة الشباب ..
أنا مع أحلام الشباب ماكلين الجو ..
كل واحد صوته أحلى من التاني ..
جبببااااااااااااااااااااا ااااارييين ..
بس سلوى ومتيمة شاهيد ما بتفق معكم
بالكلام عن حسن الشافعي ..
العام يا ما حكى لدنيا بطمة انتِ العرب آيدول ..
ما بلاحظ التحيز الي حكيتوا عنه ..
بحسه منطقي وحقاني
الا مع برواس خخخخخخخخ
هو وأحلام طالعين فيها السما ..
مابحكي انها سيئة بالعكس صوتها جميييل
بس مو لدرجة الاطراء الي بيطروه عليها ..
بس أعتقد لانها بتغني عربي مع انها مو لهجتها
احترموا فيها هالشي ..
صوتها حنون وفيه بحة خاصة ببعض الأوقات ..
بس في أحلى منها ..
فرح كمان بخالفكم الرأي خخخخخ
بس عادي اختلاف الرأي لا يفسد للود قضية
البنت صوت جبااااااااااااااااااااااا ااار ومن الأصوات الأصيلة القديمة ..
وما حسيتها شايفة نفسها بس هادية وراكزة ..
ودايماً الهاديين بيُتهموا بالكبر والغرور
ومش شرط يكون هالشي صح ..
بس أكيد كل واحد فينا وقناعاته ..
من مبارح صابرين كانت تحفة
والمصرية نورهان اعتقد .. غنت رووعة ..
حبيت أكتر شي فرح وصابرين ويسرا مبارح ..
أما اليوم يا الله الشباب صاروخ ساحق
لايُصد ولا يُرد ..
العراقيين أبدعوا ..
المغاربة رهيبين وأنا بقدر زعلكم انهم
ما غنوا بالمغربي
يمكن لأنه اللهجة المغربية شوي فيها صعوبة
غير عن المصرية واللبنانية والسورية الدارجة ..
بس كمان كان ممكن يختاروا أغاني مصرية لمطربين مغاربة ..
بس ما تزعلوا هالشي بيبين روووحهم الحلوة
وجمالهم الكبير من الداخل
بنفس جمالية صوتهم ..
حبيت أكتر واحد من المغربيين
جمال عباد صوته رررهيب عابر للقارات ههه ..
اللبنانيين الاتنين كل واحد أحلى من التاني
بس حبيت زياد خوري أكتر
في صوته حنان ودفا رهيبييين ..
أما من العراق حبيت أسامة
فعلاً حنجرته متل المزمار روووعة رووعة ..
السوري عبدالكريم ..
حزني بالموال وصوته خطير ..كمان عابر للقارات ..
أما التوب عندي فهم اتنين
أحمد جمال المصري الي بدا الحلقة
وابن بلدي ومنطقتي محمد عسّاف ..
أحمد جمال كمية تمكن واحساس غير شكل ..
أما محمد عسّاف ولو اني ما عمري صوتت بهيك برامج
بس راح أصوتله وراح تكون المرة الأولى خخخخ
يا الله على جمال صوته ..
ولا تحكوا تحيز ..
بس لو حكيتوا عادي اذا كان حبي لمحمد عسّاف تحيز
فأنا أكبر المتحيزين خخخخخخخخخخ
بس عن جد أصوات جبارة
ومساكين الناس الي حتصوت
مين حتختار ..
انتوا لو صوتوا حتختاروا مين ..؟
ولو عندكم فيديو لاداء الصوت الي بتحبوه وبدكم متحركة عليه
بتمنى تبعتولي عالخاص خخخخخخ
بدي اهدي كل وحدة فيكم متحركة للصوت الي بتشجعه
وحفتح بروفايلي لاستقبال طلباتكم>> خفي علينا يا مهمة انتِ
وبس تعبت من الكتابة خخخخخخ