[kareema]

خزوم كنت فاهمة انو يوم 3 نوفمبر هو يوم البوجا راكيش بنفسو صرح هالشي


لا تنفعلي كل المحللين عندهم باركو هالاختيار و آل روشان مو اغبياء لحتى يضحو بمشروع حياتهم
ركوش بحكم خبرتو و معرفتو بهالامور اكيد عامل حساب لكل شي و رتوك بيفهم بهالشغلات
و قرعون بيشوف انو مو مهم جمعة او احد/ 1 أو 3 المهم هو الفيلم بحد ذاتو و اذا كان جيد اكيد بينجح
الصلاة هي اهم يوم بالديوالي كلو و الديوالي اعتقد طوال شهر نوفمبر لهالشي ممكن تسمعي عن افلام تنزل يوم 15 و يقولو ديوالي
و هنا الزبدة افرضي يوم 15 مثلا و يكون جمعة ...ممكن تكون افتتاحية حلوة لانو الناس تفرغو من الصلاة بس يوم 1 اللي يصادف يوم الجمعة
يعني ويك اند و بيجي يومين قبل الصلاة...الناس مشغولة بالتحضير للصلاة و ما حدا راح يكون فاضي ليشوف الفيلم و اذا راحت الجمعة يعني راح الفيلم لانو بعدها ايام شغل و الناس بتحكم على الفيلم من خلال اليوم الاول اذا كان الاقبال جيد يستمر و اذا لا منطقيا يقل الاقبال و يفشل الفيلم و هذا اللي ما لازم يصير مع كريش
بس يوم الصلاة بالدات الناس يصلو و بعدين ينتشرو كل واحد يعمل الشي اللي ناوي يعملو و اغلب الناس راح يروحو يشوفو كريش ان شاء الله
هو يوم عطلة و راكيش عرف كيف يمتص فرحة الناس بالعيد تبعهم+ العطلة و افضل طريقة ممكن يقضوها فيها انهم يحضرو فيلم جيد...فيلم بحجم كريش اكيد بيكون الو طعم خاص بهذا اليوم بالدات و اعتقد ايام الاعياد و المناسبات بتكون الافتتاحيات اكبر و التايغر مثال حي مو مثل بأي ويك اند عادي و بتعرفي يوم الافتتاح مهم جدا لأي فيلم و ضروري المنتج يختارو بعناية و اذا كانت الامور مثل ما خطط لها راكيش ممكن كريش يحقق اكبر افتتاحية و حتى ممكن يغطي تكلفتو و يكمل الايام المتبقية بدون ضغط لانو طبيعي بأيام العمل يكون الربح اقل...و الجمعة اللي بعدها ممكن يزيد الاقبال و هكذا... الى ان يطلع تصنيف الفيلم ... و وقتها بتكون عطلة مدارس و جمهور كريش اغلبه اطفال و كل طفل بياخذ اهلو و هذا بيزيد مردودية الفيلم و ممكن الطفل او الشخص الواحد يشوفو اكثر من مرة
و مثل ما قال راكيش هو وقت مناسب جدا ليطلق فيه كريش ...و ركوش ذكي لانو الناس في ذلك اليوم بيصرفو اموال كثيرة لينبسطو و بالتالي ما راح يمانعو انهم يصرفو كمان حق تذكرة فيلم و ليس اي فيلم فيلم عنده سمعة و جمهور و شعبية اصلا كريش فيه جوانب دينية روحانية هندوسية للي ملاحظ هالشي يعني هو الوقت المثالي للفيلم
و طبعا وقتها ركوش راح يروج للفيلم بالشكل المطلوب و قالو راح يصنع دمى و شغلات اعتقد الها علاقة بدينهم لحتى يتشوق الناس للفيلم و يروحو للقاعات بكثرة عارفة اني طولت ... من الحماس

هاه راح الخوف يا خزوم؟؟ اعتمدي على ركوشي اكيد ما راح يخيب املنا ان شاء الله بصراحة انا من رأي ركوش