[القدس عربية]

الله يسعدك ريومة على هالخطبة الرهيبة
والجميلة والمُفيدة ..
ويارب يجزيكي كل الخير وفي ميزان
حسناتك يارب ..
عارفة أجمل شي في الموضوع
الاختصار مع أعظم فائدة ..
ممتازة انتِ بهالشغلة ..
أوجزتي وجبتي المفيد والمهم ..
نيجي للموضوع ..
شو أحكي عن الدُعآء ؟
عن جد بحمد ربنا على نعمة الاسلام ..
في كتير اشياء مُتاحة النا وما بستغلها ..
ومع هيك ما عمره بيفوت الوقت ..
النا الفرص دايماً بالدعاء في كل وقت وحين ..
هلّأ لو اتأملنا ماهية الدعاء هو عبارة عن مناجاة
بين العبد وربه .. وبرأيي مافي أعظم من هيك شغلة .
وسيلة تواصل مع الله عزّوجل ومن أعظم الوسآئل كمان ..
وسيلة تبثي فيها همومك ومشاعرك وأحزانك
وحتى أفراحك لله عز وجل .. لمن يسمع
ويستجيب ويغيّر ويعطي ..
والي ما قصر الدعاء على المؤمن ولا على المسلم
وانما على كل إنسان مضطر ومحتاج ..
" أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ "
ومافي أعظم من هالكرم ..
تبارك وتعالى ما شكرناه وما عبدناه حق عبادته ..
عن نفسي الدعاء من أكتر الاشياء بتريحني
خاصة وقت الحزن أو الزعل ..
برمي حملي على الله عزّ وجل ..
بس فعلاً أهم نقطه الدعاء مع الايمان الكامل
بأن الله سيستجيب ..
وحسن الظن به عزّ وجل ..
وبحب احكي شغلة انه الداعي في كل حالة كسبان ..
اذا اجاب الله دعاؤه هيك تحقق مبتغاه
واذا لم يستجب له فأكيد واحدة من اتنين :
اما دفع به سوء عنه أو سيعوضه عنه يوم القيامة ..
يعني بكل الاحوال كسبانين لو دعينا بيقين وثقة
وايمان كامل به تبارك وتعالى ..
يارب يوفقني لما يحب ويرضى
ويرحم والدتي ويحفظ والدي
وكل أهلى .. وكل صديقاتي
ويارب يحقق ما تتمنيه
ويكتب الك السعادة في الدنيا والآخرة ..
ويجعلنا جميعاً من عباد الله الي بيحبهم ..
ويهون على المسلمين في كل مكان
وجزاكِ الله كل خير ..