[القدس عربية]

أخيراً نزل فيلم Taken 2
بجودة روعة وشفته ..



كنت كتير متحمسة للفيلم ..
الآن قبل ما أقول رأيي ..
بالجزء الأول من الفيلم أظهروا في النهاية
انه العرب مو كويسين ..
بس ما أظهروه بشكل واضح ..
وكانت نقطة سيئة من جهتي ضد الفيلم
عدا عن هيك كان مميز وفيه تشويق عالي ..
وشفت الجزء التاني اليوم ..
من أول ما بدأ الفيلم على قد ما كنت
متحمسة اله أصبت بالاحباط ..
لانه من البداية جابوا المجرمين مسلمين من ألبانيا
وهم الي بيسعوا ورا البطل ليقتلوه لانه قتل من أفرادهم
الي بالجزء الأول ..
جابوهم بصلاة الجنازة ..
بالجزء الأول ماكان باين انه لوين بينتموا
أفراد العصابة الي بتتاجر بالبنات ..
او يمكن بان وانا ما انتبهت اله ..
بالجزء التاني أكدوا هالشي ..
كتيييييييييييييييييييير زعلت ..
وكنت ناوية أقفل الفيلم وما أتابعه
بس قلت خليني أكمله
يمكن يبرووا أو يحسنوا الصورة ..
بس أبداً ما سار هالشي ..
مع انه كاخراج وأحداث مشوّق جداً
وأحلى من الجزء الأول ..
بس من المتناقضات الي بتخليني أستغرب ..
انه الجزء التاني اتمثل كتير منه في اسطنبول
بتركيا .. وكان بخلفية الصوت للفيلم
الأدان مسموع ..
البطل الي بالفيلم أعلنوا عنه خبر بعد تمثيله
في اسطنبول انه أول ما كانوا يصوروا
كان الأدان مصدر ازعاج اله ..
بس مع الوقت حس براحة غريبة لمن سار يسمعه
ومفكر جدياً انه يعتنق الاسلام ..
والخبر مؤكد ومو اشاعة ..
فاستغربت .. كيف بيظهروا المسلمين
بلا أخلاق بعدين يفكر البطل باعتناق الاسلام ..
بس ما عندي الا تفسير واحد
انه النظرة على الشي من بعيد والحكم عليه
من أكبر الأخطاء الي كل انسان بيقع فيها .
بس بالنظر عن قرب ومن ثم اعطاء الحكم
هالشي هو المفروض يحصل ..
متأكدة مثلوا الفيلم على خلفية ما يُذاع ويُقال
عن ارهاب المسلمين وقسوتهم ..
بس البطل نفسه لمن عاش في مدينة اسلامية
وسمع الأدان .. سبحان الله عرف الصح ..
يعني شوفوا وتعمّقوا في الدين الاسلامي
بعدين احكموا عليه ..
وكونه سمع الأدان وارتاح اله بعد بفترة
بيثبت قطعاً أن الاسلام هو دين الفطرة السليمة ..
بتمنى انه يعلن اسلامه قريباً ..
تقييمي للفيلم
7/10
للفكرة الخاطئة الي تبناها ..
بس غير هيك من جميع النواحي فيلم مميز ..