[القدس عربية]

رجعت .. : )
بدي أعلق على موضوع الثقة بالنفس ..
عن نفسي واثقة من حالي بشغلات معينة
لكن بشغلات تانية مو كتير ..
بس أؤمن انه الثقة بالنفس
من أحد مفاتيح النجاح بالحياة ..
يعني حتى لو كانت ثقة الانسان بنفسه
بغير محلها .. بس كمان بتعمله مكانة
في بيئته بطريقة أو أخرى ..

الحكم الي انذكرت بصراحة كلها رائعة..
بس أكتر اتنين حابة أعلق عليهم ..

الصمت دوآء الغضب
فعععععععععلاً حكمة رهيبة ..
الصمت حكمة ودواء للغضب ..
وعن تجربة .. وغير هيك
بيكسب الانسان كتير من وراء وبمواقف كتيرة ..
بيكسبجمال في شخصيته ..
وبيكسب خليني أقول مساندة الي حوليه ..
بعكس الغضب والتعبير عنه بصراحة ..
حتى لو الحق مع الانسان بيضيع
لو أظهر غضبه بطريقة اندفاعية وكبيرة ..

تاني حكمة ..
لا تتأخر بالصفح عن الآخرين فربما لايكونوا
موجودين عندما تود الصفح عنهم .

كلام سليم أحياناً بس مو دايماً ..
هلّأ الصفح عن الآخرين غير انهم يكونوا موجودين أو لا
أنا بعتبره نعمة .. يعني الي بيقدر يسامح هدا شخص
ربنا منعم عليه نعمة كبيرة ..
لأنه الي بيعفو عند المقدرة
أجره كبيييييير عند الله ..
وخاصة لو كان الأذى من هالاشخاص مازال
موجود وقائم ..
عن جد الي بيتحلوا بهالصفة محل
غبطة من الجميع من وجهة نظري ..
حتى بيحسوا براحة رهيبة ..
وحلو الانسان يوصل مسامحته للأشخاص
الي أساؤوا اله ..
بسمو الكل بينفع معهم هيك أو بيستاهلوا ..
يعني ممكن نسامحهم بس ما نخليهم يعرفوا بهالشي ..
حتى لو ما حيكونوا موجودين ..
بعض الأشخاص ممكن أسامحهم ..
بس صعب أوصلهم اني سامحتهم ..

كمان الأقوال الي انذكرت كلها جميلة ..
بس الأفضل مقولة دكتور ابراهيم الفقي الله يرحمه ..
{ من وثق بنفسه لا يحتاج الى مدح الناس اياه ،
و من طلب الثناء فقد دلّ على ارتيابه في قيمة نفسه }
فعلاً كلام سليم ..

ومقولة بروس لي
{ اعرف طريقي و اعرف الحقيقة و لا اريد ان اكون كما تريده انت
انا حر ان اكون ما اريد ان أكون .}
فعلاً أسوء شي بالدنيا .. انا نتصرف ونكون
على مزاج الي حولينا ..
الحرية في أن أكون أنا من أهم وأقوى
أسباب النجاح والراحة والصدق ..

جورج هربرت

{ كن نفسك .. فهذه هي الخطوة الاولى لتصبح أفضل من نفسك .}
فعلاً انا نتصرف على طبيعتنا ونكون صادقين
مع انفسنا .. بيغنينا عن مشاكل كتيرة
بحياتنا .. بس لازم كل هالأمور تحتكم
للخُلق الحسن والأدب ..

بالنسبة للعجائب أنا مع روزا ..
اغلبهم ما عرفتهم .. فلو يكون ايضاح
شو اسمهم ووين موجودين ..
ويعطيكم العافية ..

استضافة بيلا كمان جمّلت الموضوع ..
مع اني مابعرفها بدرجة كبيرة
بس من ردودها وطريقتها بحسها
شخصية خلوقة ومرحة كتير ..
وتسلميلي انك شايفاني شخصية
مختلفة .. هاد بس من لطفك ..

ونأسف للاطالة ..