|
.
.
ليلتكم مهلبيه مع مخلل خيار مادري اشلون تجي بس يالله دبروا اعماركم هذا المتوفر الحين
.
.
مادريتوا الصبح وش صار فيني << يكلم نفسه داري ماحد يمي
قعدت اكتب رد طويل على سالفة الفلم اك ذا تايقر واني ابيهم يرجعون يمثلون سوا
ويوم خلصت وضغطت انتر الا الصفحه موب فيه ياولد وش السالفه جبت شمعه وقعدت ادور << صيغة مبالغه وكذا يعني
يسمع بالمبالغه ههه
ومسكت اللاب وقعدت انفضه قلت يمكن طاح من هنا ولا هنا << للحين مصر عالمبالغه<< مصر ولا سوريا .. مصختها صح هههه
المهم تعبت ورحت شربت حليب السعوديه مااش الحقني ياحليب السعوديه خلص
الظاهر اخر واحد الي كان بالاعلان .. وش اسوي طيب قعدت اصفر حركة سلمان وكذا يعني قلت يمكن يطلع ماااش
مالكم بالطويله << دايم كذا بعد مااخلص الي ابيه اقولكم هالجمله المفيدة تعودتوا صح
المهم واخيرا اكتشفت السبه ترا بغيت ادق عالمطافي اسمع اقتراحاتهم في الموضوع بس هونت خذيتلي سجه واستخرت ههه
المهم اخر شي طلع الخط فصل من ورى الله ياخذ ابليسك ويوم رجعته الا لقيت الرد كله طار
لاااااااااا ماصدقت بغيت انهبل يمكن يستخلصون من ردي ذاك مجلد << للحين مازلت امارس نفس النوع من الارهاب المبالغه
المهم وارجع اكتب رد طويل وانا العن وكذا
ونسيت شي مهم اني كل مره يصير فيها كذا يهنق الجهاز واعيد تشغيله
المره ذيه سبحان الله مشت معي ورجعت كتبت رد اقل من الرد الي قبله بشوي
يعني يادوب يسوي بحث << لاا مصختها اطلع برا احسن صح
المهم ويوم خلصت وربي باضغط انتر بس كنت اصحح الاخطاء الاملائيه لاني مطفوق واكتب بسرعه دايم ههه
وانا اصحح الاملاء طفى الجهاز بالله وش رايكم ,,,,,,, شكله يستهبل صح
بغيت اقلبه طاقية منشفه بغيت اذبه بالسطح عشان يتأدب مره ثانيه
غبننننه من قلب صح خليته طافي طبعا وماكتبت شي هههه
هذي الزبدة من هالسالفه الطوووويله الي اطول من يوم السبت ...سبحان الي خلى هاليوم غثيث
من الابتدائيه وانا اكره اول الايام كنت احبه خبل على بالي المدرسه فله
بعد المرمطه وتسذا بديت اعيفه واحس انه يوم كذا بس مستقعد لباقي الاسبوع ههه
.
.
الحين خلصت سالوفتي القصيرة جدا
وببدا بقصة شيخ بندر التجار واخت جنيفر لوبيز ..لووول
لا صدق اعلمكم والله
مره جيت بعلم عيال اختي الصغار قصص وكذا يعنني مسوي كبير
وبدخلهم جو وبسوي اثارة يوم تعبت وسولفت وكذا
قال اصغر واحد فيهم ماااش ماتعرف تقص قصص حلوة وكذا ههههههههه طيحت وجه بقووة
بغيت اثبته عند الباب واشوته بلنتي بس الله ستر مالقيت حارس ولا كنت ناوي
مايطول ركبتي ويحكي كذا << بزران اخر زمن
.
.
طيب بالله بسألكم سؤال مهم << اليوم قسم بالله فاضي يعني خذوني على قد ...
سلمان وسيم وكذا جارنا باكستاني اسم ولده وسيم << طيب وش دخل ههه وش بيسونله يعني
اقصد سلمان وسيم والبنات تحبه وكذا لكن مع وسامته يلعب حديد وكذا يعني عليه مظاهر القوة والرجوله وكذا
لذلك في سبب مقنع ان البنات يحبنه
بس السؤال الي طارح نفسه من السطح ولا لقى احد يستقبله وجا على وجهه وتكسرت ضروسه
كيف البنات يحبون الشباب المايعين الي مسوين فيها حلوين وكذا شي غريب
يعني البنات هم صاروا عامل هدم في المجتمع هههه << الموضوع كبر ويمكن يتدخل مجلس الامن ويحل الازمه
قولوا ليش صاروا معول هدم لانهم صاروا يساهمون في ميوعة الشباب اكثر واكثر لدرجة في شباب يحطون مك اب الحين
ياللهول ,,, << ياشماتت سلوم الاقرع فيا
مو معقوله ..... السؤال هنا كم تبعد زحل عن جبال الهملايا ...اقصد هل كلامي في متمه وصح
ولا اخذ لي اقرب مخرج ههه
__________________
جدك ابا القاسم يحضك منتهى العرق العفيف
|