[فارس الورد]

.
.

السلام عليكم ..... صباحكم عسل

ترا اليوم طايح بالفراش وتعبان وراخصي لي عن الدوام رغم اني ابي اداوم ههه << اول مره واحد يعطونه اجازة ويبي يداوم صح

يعني لا احد يمسك علي شي وكذا عطوني جوي اليوم << نستفيد مما سبق ان اي واحد يبي يدعي لي بالسلامه وكذا

نقبل ترا التبرعات العينيه والنقديه على صندوق حساب رقم طوط طوط تقسيم طوط طوط واتمنى به المناسبه من الملك

اعطاء يوم اجازة للشعب هههه وكذلك الامر بحمله جمع تبرعات لمشروعي القادم هههههههههه << خلاص عاد ضحكناكثير حناخذ البيت كله ضحك ولا كيف

.
.

وش كنت بقول في قصه عن قيس ابن زهير سيد عبس وبعض الروات يجمعون انه كان سيد غطفان كلها

بغيت ارويها كلها بعدين تكاسلت << ابو طبيع مايجوز عن طبعه

بعدين قلت ارويها مختصره انه اطلع على قومه بعد ماتحالفوا مع القبائل الي كانت محيطه فيهم

ولقى ان عددهم كثر وخيرهم كثر فزوا بوجهه << لف وجهه وهي مبدي عدم الراحه << هذي ترجمتي الي مافهم يروح اقرب صيدليه

ويصف له سرا وبنصرف له حبتين باندول ويتقاضى عن الكلمه وتسنه ماسمعها ههه

الوكاد ان واحد من الي معه سأله قائلا << قائلا هذي جايبها به الطريقه عشان تصدقون ان السالفه صدقيه وكذا اثبات يعني لوول

المهم

قائلا هههه مصمم عليها ايسوءك ماترا من خير قومك وانت سيدهم فرد عليه وقال نعم

قال كيف ذلك << احس بينط في نص السالفه ابو حلسه حقة ناصر القصبي لوول المهم نعود للقصه راح بحث هذا ماعاده قصه

وقال ان مع الككثرة والدعه << يعني الراحه والخير ... التباعد والتحاسد والتباغض

وان مع القله التحاب والتساعد والتراحم...

.^^ الشاهد من هالقصه الي مدري اشلون اخرجتها ومنتجتها انكم لا تحسدون انفسكم

يوم كثرتم وزاد عددكم ماشالله ماعاد نشوف مشاركات كثيرة ولا ترجمة اخبار ولا شغل متعوب عليه

سم تايمز << هذي مو من قيس ابن زهير هههه لا تقولون بعد كبيرة ماتتصدق جاهلي ويحكي لغات هههه

هذي مني ....سم تايمز << اعود لمحور حديثي ههه احس ان فانز سلمان مايحبه بشكل كافي

مدري اشلون احس ان كل واحد يدور سبايب عشان يبتعد وعشان يقعد يتغلى وتسذا والجمهور يطالب فيه وكذا يعني

لا احد يقول البيت فاضي مابه احد وش بسوي في اشيا كثيرة جب صور ترجم اخبار ترجم مقاطع بالتعاون مع منظمة وارسو ههه

اقصد ابطال الترجمه وكذا لنو ومروم والتحقت معهم مؤخرا الاخت سومي وكذا يعني

سوو شي يظهرنا بمظهر المهتمين بسالو وببيته <<علم نفسك

انا اقوم بعمل جليل وهو الترويح عنكم هههههههه والهذرة الزايده ولها فوائد عديدة بشرحها بعدين

لما افضى لكم ههه ويمكن االف عنها كتاب طرق الترويح عن النفس وعلاقتها بثقب الاوزون << وش دخل ههه بس عشان تصدقون انه عمل كبير حتى ثقب الاوزون وعد

بتحسن قد يجريه على مسيرات الرواتب وكذا << قلتلكم كلام كبير بس ماني فاضي اشرحه اليوم بعدين ان شالله بذاكر زين وابشروا بسعدكم

.
.

اخيرا نعود للاعضاء ههه

دام عزك وامنك اخوي اسامه

مرووم اخيرا صرتي تقرين الكلام الي اكتبه وش قصدك << ترا كونن يطلطل بخشته وده يبحث ففي كلامك بس انا حاشره في زاويه

لا تخلينه يدهر همين بتصير علوم هههه << يهدد

.
.


انا صراحه وبامانة ربنا ماحب البنات الي يطاقون وكذا يعني وينا فيه حتى المطاقات الي فالحين فيها حنا تبون تاخذونها منا

احسكم بتجمعونا في باص في اقرب وقت ممكن وبترحلونا بس ماادري وين << باص الجوازات على غفله لوول

وهالصورة الي جبتها اكبر دليل بعلمكم اشلون

شوفوا من وقفت سالو تقل تسنه اسد بيطمر على فريسه يعني متزهب وكذا تحسه بينقض على اعداءه

وشوفوا وقفت الاخت كات مستعده للمده << للنحشه لغير الناطقين بالعربيه ههه

شوفوا وقفتها اشلون ههه مستعده تزبن هذا دليل واصح عالفوارق البشريه بين الرجل والمرأة

شكرا سالوا اهديت للرجال تقدم ملحوظ في هذه النقطه حسب بديهيات اقليدس والنظريات اللوجستيه المتبعه في مثل هالحالات

.
.

في صورة بعد ماني بجالس اقولب بالصفحات عشان اطلعها بس هي تحكي عن ان كات بغت تسوي شي مع شاروخ

وشاروخ طبعا يبي يسوي فيها كيوت وهو من جنبها هههه وووخر عنها وراحت كات مسكت وجهه بقوة

في اللقطه احس ان كات فعلا من النوع القويه الي تعرف تتعامل مع الرجال هههه مدري ليه

عشان كذا احس سلمان مبهذلها شوي هههه تعجبني يالسلمي صرنا اثنين صفر الحين

.
.

باخذ فرة عالمنتدى وبرجع اخنبق عليكم من جديد

لا تنسونا وخليكم معانا لا تغيرون المحطه لوول <<بثارة هناء الركابي ياحليلها صدق بثرة بس جميله وهي في العمر هذا لبى بس