[مدهوري]

[align=center]

السلام عليكم

منتدى بوليوود المساحه الوحيده بالنت الي قدرت تاخذ من وقتي هل فتره

اني احسب عمري كله من بديت بهل منتدى ويوم راح اخليه يعني انتهى

معرف شقول الي بقلبي من ناحكم اكبر من اي كلمات اقولها

بس الدنيا هيج ...

مالها صاحب صديق : )

يوم الك و يوم عليك

واليوم من هذه الدنيا عليا

خلص عمري وياكم اقولها و قلبي مذبووح

بس مافيني اكمل وياكم بعد

مو سهله عليا وبنفس الوقت مو غصب عني اعوفكم ... قرار اتخذته و اكيد الله رايدلي منه شي

منتدى بوليوود الي جنت اسميه بيتي الي بيه احلى ذكريات و افضع ذكريات

تعلمت منكم هواي اشياء

منها اني احب و منها اصبر

وتعلمت شلون انطي فرصه لكل شخص قبل لا احكم عليه

تعلمت انو الكلمه الحلوه تشل جروح قيامه

تعلمت اني احب الناس كلها

واكبر شي صارلي هو انو الكويت بلد غالي عليا ... قبل لا اختلط بكويتيين ماجنت احب هل بلد صراحه

بس من شفت كويتيين هنا و شفت روحهم الحلوه و الطيبه و شفت شلون حطوني بقلبهم

صار الكويت من بعد العراق بقلبي

اطرف شي تعلمته هي اللهجات الخليجيه ... صرت اعرف الكويتي من السعودي من البحريني

بس لسه ما تعلمت القطري هههههههههه ماعدنا هواي قطريين بالمنتدى

و اكيد بعد انتوا تعلمتو مني كلام عراقي ياحلووكم وانتوا تتحجون عراقي تنحطون بنص الكبد

واااااااي ماعرف شقول اكره الوداع اكره بشكل

ماعندي شي اقوله غير

مسامحه لكل من غلط بحقي

و اتمنى من الي صار بيني وبينهم شي ما يسر يسامحوني

طلب اخير

اريد تكتون تحت اسمي من بعد ماتشيلون الاشراف

قلب المنتدى

لان المنتدى هو قلبي واليوم توقف عن نبظه ![/align]