|
حلقة اليوم ما لحقت اشوف اسمها بس كانت عن التطور السريع في بعض الدول النامية
واختار تركيا و كوريا كبلدين ناميتين ولكن التطور فيهن عمبصير بشكل سريع
تعليقي على الحلقة
ماشاء الله عنجد اديش هالبلدين متطورين..
يعني وصلت انهم دخلوا الايباد على المدارس الحكومية العادية اللي في المناطق الفقيرة الشعبية..
حتى انه مش بالمدارس بس الخاصة او بالمناطق الغنية..
هادا بالنسبة لتركيا..
اما بكوريا فإستبدلوا الكتاب العادي بكتاب الكتروني..
انا صراحة بفضل الكتاب العادي الورقي..
رغم اني ما انكر النو التطور شي جميل..
و لا الطلاب اللي معبيين الشوارع اللي رايحين يتثقفوا وياخدوا دروس اضافية عشان يطمحوا للافضل و لعلامات افضل
وبالتالي وظيفة افضل..
عنجد شعب ما بنام..
رفعوا نسبة العلم من 80% من الشعب الكوري اميين قديما
الى كل الشعب مثقف و بيدرس
يعني عنجد تطور تفوقوا فيه على الدول الاجنبية
و من حسن لأحسن ان شاء الله ...
تقييمي للحلقة..
10-10 واكتر كمان عنجد
كلمة اخيرة..
ياريت لو يطوروا عنا بالمدارس والجامعات من المناهج المكدسة بمعلومات للحفظ والصم ليس الا..
استبدالها بمعلومات ومواضيع رح تفيدنا بشكل فعلي بالمستقبل و بحياتنا..
و كمان التطوير في التقنيات في المدارس..
عشان يتحمس الطلاب للدراسة
بعيدا عن الاساليب التقليدية المملة..
|