|
عاشقة قلب شاهيد تسلمي على مشاركاتك الحلوة
و نورتي البيت
عاشقة الامبراطور الله يخليكي ... و تسلمي على اضافاتك الحلوة
سنجونة ... شكلي رح اعمل دكتوراه بقضية ريتيك و كارينا هههه
شوفي يا ستي ... بالمنتدى الهندي في واحد سأل نفس سؤالك
جاوبوه انو الشغلة اندفنت بالموقع و ماحدا عرف الاسباب و انو فئة قليلة من المقربين للاثنين بيعرفو
ابهيشك اكييييييييييد بيعرف ... رح نخطفو مع سوزان و نعمللو غسيل مخ يمكن يفيدنا ههههههه
و في شغلات ثانية قالوها... و في شغلات ربطتها مع بعض الاخبار اللي كنت قريتها من قبل فلقيت انها حقيفية
مثلا طلعة كارينا من كاهو
قالو انو بسبب علاقتها مع ريتيك اكيد راكيش خاف على فيلمو و امها خافت على مستقبلها المهني
ففصلوهم عن بعض... و ريتيك بمقابلة بـ1998 قال انو ابوه و ام كارينا هنن اللي خلو كارينا تطلع من الفيلم
و الاسباب ما عرفها ... شكلو كان معترض
و كارينا بمقابلة شوي قبل ما يصدر فيلم رفيوجي
قالت انها شافت كاهونا بيار هي و حبت الفيلم ... و حبت ريتيك بالفيلم ... ركزو على الاخيرة
دايما مع المنتدى الهندي ...قالو انو ريتيك و كارينا كانو يطلعو كتيييييييييييير مع بعض في الفترة بين كاهو نا بيار هي و كبهي خوشي كبهي غم
يعني عشا سهرات ديسكو وووو ... هذا ما عندو اسم ثاني غير علاقة حب
و كارينا قريت بمقابلة قالت انها طلعت مرة مع ريتيك لما كانت تصور فيلم اشوكا مع شاروخ
و راحو مع بعض لمعبد بالعادة الهنود بيزوجو فيه ... فطلعت اشاعة انهم عملوها او كانو رح يعملوها ورا ظهر اهلهم و سوزان
و الله ... كل شي ممكن بهالزمن
و قالو كمان انو اثناء تصوير كبهي خوشي كبهي غم بلندن و في عضو كان عايش بلندن بهذيك الفترة قال انو اصحابو شافو ريتيك و كارينا ماسكين ايدين بعض و عم يتجولو بشوارع لندن
يمكن هذا اللي خلى كرونة تحب لندن كتير ... نوستالجيا
و قالو انو سوزان كانت بزيارة مفاجئة للندن و طبعا قبل ما ريتيك يساوي اكبر غلطة بحياتو هههههه و يتجوزها
المهم ... شافتو مع كارينا ... و لكم ان تتخيلو المشهد خخخخخ مثل مشهد كبير و ناتاشا بزندجي
فسوزان رجعت للهند و خبرت اهلها و ابوها خبر راكيش
و كنت قريت في مقال انو راكيش راح زيارة للندن لانو اشتاق لريتيك اللي كان بيصور كبهي خوشي وقبلو يادين و ما رجع للهند من فترة
و كل هالمدة قضاها مع كرونة ... اتخيلو
و انا بالاول صدقت و قلت راكيش صار عندو مشاعر و صار بيشتاق لابنو ... بس بعد ما قريت بالمنتدى الهندي عرفت انو راكيش راح يشمشم الاخبار ويشوف اذا اللي قالتو سوزان صح او وهم
و بعدها ضغط هو وسوزان و اهلها على ريتيك انو ما يوقع مع كارينا بفيلم ثاني
و كان على سوزان انها تصبر على كارينا لاتهم كانو موقعين على موجسي و بريم
لانو بريم المفروض يتصور بالـ 2001 بس ريتيك عطل و اضطر المخرج يستناه سنتين ...
و اثناء موجسي كارينا كانت بتحاول تكبح مشاعرها و ريتيك كان حاسس فيها فضلو اصحاب
لانو الفيلم الاول اللي بيجمعهم و ريتيك كان متزوج فيه ... كان صعب الموقف على كارينا
و الدليل انو كارينا قالت ببرنامج كاران انو السر في قربها من راني انها كانت معها في اصعب المواقف
و المكان و الزمان الوحيد اللي بيضلو فيه مع بعض لفترة طويلة هو فيلم موجسي دوستي كاروجي
بس ضل عندها امل ... و بظن انها ببريم ما قدرت تتحمل و صارحت ريتيك
بس هو يمكن جرحها و قال انو ما فيه يرتبط معها لانو اولا مع سوزان و ثانيا يمكن هالشي يأثر بشعبيتو
فكلمة منها و كلمة منو و صار الخصام ... و بعد فترة طلع شاهيد بحياة كرونة
و قالو انو ريتيك و كارينا ما كانو بيحكو مع بعض لفترة و علقو كتير على صورة الفيلمفير اللي حيرتنا
و كيف ريتيك و كارينا ما كانو مرتاحين مع بعض
شفت كاران لما سأل ريتيك مين بيفضل كارينا او راني قال بلا تفكير راني يا رجل يعني انت مجنون تسألني عن كارينا بعد اللي صار ؟ هيك حسيت من ردة فعلو
و نفس الشي سأل كارينا ريتيك او ابهيشيك فجاوبت ابهيشيك رغم الخلافات اللي بينهم فضلتو على ريتيك يعني قضيتو اكبر
الى ان جاء فيلم كيسمات تالكيز ووقعو عليه الاثنين
كيف اختفى الفيلم في ظروف غامضة ما بعرف
يقولو انو شاهيد منع كارينا لانو غار من ريتيك... من جهتي بتستبعد هالفرضية
و يقولو انو ريتيك وقع قبل كارينا و بعد ما عرف انها بالفيلم انسحب... كمان مستبعدة لانو محترف
بالمنتدى الهندي قالو انو الاثنين وقعو من باب الاحتراف
و قالو مرات الاحتراف ما بينفع في حالات مشابهة ... يمكن السبب اللي خلا الفيلم ما يتصور لهلأ
في صحفي هندي حكى كتير بهالموضوع و حكى مع ريتيك و كارينا... لو بلاقي الرابط رح حطو فيه معلومات مهمة
مثلا ريتيك قال انو انا محترف و ما بيهم مين الممثلة اللي معي كارينا او غيرها ... بحياتو ما حكى هيك عن بطلاتو بالعكس ... الا كارينا
و المذيعة كويل سألت ريتيك اذا بتشتغل مع كارينا ما سألتو مثلا عن راني او اميشا لانها بتعرف القصة و سألت كات عن سلمان و رانبير لانو صارت شغلات معهم
يعني اسئلتها مو عشوائية ... و سألت كارينا نفس السؤال سألتها عن شاهيد و ابهيشيك و ريتيك
و ما سألتها عن غيرهم لانو الثلاثة عندهم مشكلة مع بيبو
وفي شغلات كتييييييييييييير لسه غامضة
هذا كلو + الحكي اللي حكيناه بالبيت القديم و الفيديو اللي كارينا كانت فيه مع سيف و ريتيك وراهم
و نظرات ريتيك الدافئة لكارينا و هي عم ترقص ... و تعابير وشو لما شاف صورة موجسي دوستي كاروجي ببرنامج بريتي
لو تجمعيها رح تطلعي بألف شغلة و شغلة + ما خفي اعظم
بعرف طولت بس القضية هامتني كتير و بعرف انها بتهمك اكثر مني ^^
|