انا اجيت انوار زي ما وعدتك...
اول شي كل عام والكل بألف خير ..
مبيرح وصلت من السفر عالسحور خخ
بس قلت لازم ارد بتغطية برنامج خواطر ...
رمضان ما بيكمل من دون هالبرنامج ...
صار جزء من رمضاننا كل سنة ..
ماشاء الله انتي و منى مكفيين و موفيين ...
التغطية رائعة و مغطية كل جوانب الرنامج ..
و احلى شي انو حطيتوا المواعيد لانو مبيرح ما لحقته ..
شفت نص الحلقة ..
تقييمي للحلقة ...
بما انو اول حلقة وانا ما شفتها كامل رح احكي مبدئيا متوسطة ..
رأيي بالحلقة ..
حبيت فكرة هالموسم رووعة ...
و فعلا هالفكرة مناسبة جدا للي بصير بعالمنا ..فقر و جوع و الاقتصاد متدمر والمجاعات ..
يعني الموسم هادا رح يجمع بين الفايدة والمتعة ..
فكرة رائعة فكرة العمل التطوعي ..
البلاد سواء العربية او غير العربية بأمس الحاجة لمد يد العون والمساعدة ..
بس اخوي اعترض ع شغلة انو هالموسم كتير مدخلين بنات ..
و نصهم مش ملتزمين باللبس و هيك ..
بس انا برأيي انو عادي ..
لانو اصلا البنات جزء من المجتمع زيهم زي الشباب ..
ما بقلوا عنهم اهمية ..
و هالبرنامج برنامج اصلاح واعما بالارض طبعا بحدود القالب الديني ..
يعني جامع بين الامرين ..
بس مش برنامج ديني بس..
طبعا الشقيري انسان مبدع و مثالي ..
الله يجزيه الخير..
كل سنة بفاجئنا بأفكاره الرائعة .. و البناءة و المفيدة للمجتمع .....
و شعار احسان عنجد احسن اختيار الكلمة ..
كلمة اخيرة :
بتمنى انو بعد ما ينتهي هالموسم يصير العمل التطوعي والخير مفهوم متعارف عليه و شي بديهي عند الكل ..
وانو اصحاب الاموال والاغنياء يتحركوا و يبلشوا يساعدوا ويتبرعوا و ينشروا الخير ...
و اللي ما بيقدر يساعد بالفلوس بيقدر يساعد بالعمل ...
منى وانوار يعطيكوا الف عافية..
وان شاء الله بكون متواجدة يوميا بهالتغطية الرائعة ..