[frame="1 98"]
من زمان ما عملنا تقارير[/frame]
[frame="1 98"]
تقرير اليوم عن الفيلم المنتظر كريش 3
طبعا 3 لانو كوي ميل غايا يعتبر كريش 1 و كريش هو كريش 2
محور الفيلمين السابقين عن المخلوق الفضائي جادو
اللي بيعطي قوى غير طبيعية لروهيت كوي ميل غايا وورثها عنو ابنو كريشنا في كريش
السؤال المطروح
يا ترى جادو رح تكون الو ايد بالجزء الثالث؟
و هل رح تكون النهاية مثل كوي ميل غايا و كريش
انو شي يلمع بالسما و ريتيك يتطلع فيه ويقول شكرا جادو
ليمهد لجزء رابع ؟
هذا اللي رح نعرفو بعد ما نشوف الفيلم
كريش 3 طبعا بطولة ريتيك روشان
بريانكا شوبرا
فيفيك اوبروي
كانغانا رانوت
ويمكن ظهور خاص للنجمة القديرة ريكا
في تقارير تقول انو ريتيك رح يلعب 3 ادوار
روهيت... كريشنا ... ابن كريشنا
و في بعضها يقول دورين
البطل الطيب... و الشرير و هو اخوه التوأم
و الاقرب للحقيقة انو كريشنا هو البطل
لانو بريانكا موجودة بالفيلم
و تسريحة شعر ريتيك مثل تسريحتو في كريش
أصلا عنوان الفيلم كريش يعني البطل الخارق اللي هو كريشنا مقنع
بس الأكيد انو الفيلم رح يختلف عن كريش السابق
و رح يعرف تطورات كثيرة
من بينها الفتاة الخارقة اللي تمثل دورها كانغانا
و هو الدور اللي رفضتو كاترينا كيف
وقبلت فيه جاكلين فرننديز
بعدين رفضتو
و راح لشيترانغادا سينغ
اللي انسحبت بعد خلاف مع المخرج
ورشحت له كل من بيباشا باسو
و نرجس فخري
وراح في الاخير لكانغانا
و الشرير اللي يمثل دورو فيفك
هذا الدور كمان تعب آل روشان
كان المتوقع انو اما شاروخ أو أجاي بيلعبو الدور
بس وقع الاختيار على فيفيك
بعد ماكان نصر الدين شاه في كريش السابق
وراكيش كان بدو واحد شاب للدور
لانو حسب رأيو الشاب بيعطي الدور حقو
و أكد انو رح يكون بنفس أهمية البطل
اللي هو طبعا ابنو ريتيك
طبعا هي هي المعلومات المتوفرة لحد الساعة
الفيلم رح يصدر بديوالي 2013
طبعا من انتاج و اخراج راكيش روشان
موسيقى راجيش روشان
و قالو انو ريتيك بيشتغل فيه مساعد مخرج ... مخرج في بعض المشاهد
و ساهم في كتابة النص و توزيع الادوار
الفيلم استغرق وقت طويل للتحضير
و كان المفروض يتصور مباشرة بعد كريش
بس راكيش فضل يستنى ليجهز أحدث الوسائل التكنولوجية
لضمان الجودة و النجاح
و هو رصدلو ميزانية ضخمة
الفيلم لسه في مرحلة التصوير
واللي رح يخلص بعد شهرين تقريبا
و بعدين رح يفوت بمرحلة المونتاج و غيرو
ريتيك أكد انو الفيلم مو مظلم
وبخلاف كريش 2... كريش3 غير موجه للاطفال
الفيلم من اكثر الافلام المنتظرة للعام 2013
و يتوقع انو رح يكون انجح من كريش 2
ومادام الجمهور عندو فكرة عن محتوى الفيلم
أكيد رح يكون اقبالو كبيرعلى دور العرض
و رح يستسلم لسحر روشان الاب و الابن
اللي ابهرو من قبل في كاهونابيار هي و كوي ميل غايا و كريش
في نقطة أخيرة
الفيلم رح يكون ثنائي الأبعاد مو ثلاثي الأبعاد مثل ما سمعنا
يمكن تنعمل النسخة ثلاثية الابعاد في وقت لاحق
مستنيين الفيلم على أحر من الجمر
طبعا الاخبار حسب ما قريت من المواقع
[/frame]