بصراحة أول ما نزلت التقرير ماكنت شايفة الفيلم ..
وبعد قرائتي للقصة نزلته على طول ..
خصوصاً الممثلين مميزين وبحبهم ..
وفعلاً استمتعت بالفيلم بكل معنى الكلمة ..
وفعلاً من الأفلام الهندية بنكهة التسعينات الي حببتنا
في الأفلام الهندية ككل وخلتنا من عشاقها ..
قصة الفيلم رووعة ومهمة وعلى فكرة
برأيي انها قصة خالدة لانه المشكلة الي ناقشها
ما زالت موجودة بكل المجتمعات ..
سانجاي دوت أبدع بالدور كعادته ..
وعاد كونه يجيبوه بدور أعمى مع جمال عيونه
بالنسبة الي كان اله أثر كبير علي كمشاهدة ..
يعني أول ما شفته هيك قلت ببالي
"عاد كل حلاوة هالعيون ويكون بالأخير ضرير ؟؟
والله حرام " هههههه
كاجول بدور الأختين التوأم كمان أبدعت ..
وفعلاً كانت فيها شجاعة حبوا يوصلوها لكل امرأة أو صبية
بتشوف الفيلم ..
أما أشوتوش رانا الي مثل دور المجرم
ففعلاً عليه اجرام مو طبيعي ..
ملامحه الاجرامية رهيبة ..
وفعلاً أدى الدور بشكل مميز و مخيف ..
وأحلى شي بالفيلم قصة الحب إلي جمعت بينهم ..
وخوفه عليها ورفضه لهالحب عشانه ضرير ..
وهو نوع من الحب انقرض تقريباً بوقتنا الحالي ههههه
حتى هي كونها تحب واحد ما بيشوف حتى لو ساعدها
وأنقذها كمان شي خاص بالهنود .. عشان هيك احنا بنحبهم
.. وأهم شي النهاية السعيدة ..
عجبتني الخلفية الموسيقية للموضوع ..
متل عادتك سانجاي تقريرك معروف بهالأمور المميزة
- الخلفية الموسيقية
- اشتغل يا مايك
- المقدمة الكتابية بالكلمات الهندية ..
الأغاني كلها حلوة بس أحلاهم ..وحبيتها كتير ..
Awaz Do Humko |
وأكيد لازم يكون الفيلم سوبر هيت .. لانه كتير حلو ..
عجبني موقف كاجول من سنجاي .. انها ما اهتمت ومثلت معه
فعلاً تٌحترم عليه ..
بتمنى أشوفهم مع بعض من جديد بفيلم تاني ..
يعطيك ألف عافية سنجاي على التقرير الروعة
وهالشي مو غريب عليك ..
وبانتظارتقاريرك الجاية أكيد ..
ومتأسفة للتأخير بالرد ..