فارس .. اخترت واحد من أحلى الأفلام الهندية الي شفتها
من تصنيف أفلام الجريمة والآكشن ..
أنا كنت متوقعة يكون ناجح من أيام ما شفت البرومو الخاص بالفيلم ..
وكنت فعلاً متشوقة أشوفه ..
وأول ما نزل بالمنتدى شفته مباشرة ..
ما يقارب تلات ساعات ما حسيت فيها أبداً ..
فيلم مليان بالعواطف والأحاسيس على تناقضاتها
واختلافها ..
كل طاقم الفيلم أبدعوا ابداع كلي بالأدوار الي لعبوها ..
ريتيك روشآن .. من أجمل أفلامه ومن أيام فيلمه Kabhi Khushi Kabhi Gham|
وأنا مقتنعة تماماً انه في مستوى الخآنات التلاتة .. وفعلاً كل أفلامه
الي سواها بالألفية الجديدة كانت ابداع ..
حتى فيلم Kites| الي كان بطابع أجنبي أكتر من هندي أبدع فيه ابداع رهيب..
وبعدين فيلم Guzarrish |كان فيلم درامي من الطراز الأول والدور الي لعبه دور
مو سهل أبداً بس هو أداه بقمة الروعة ..
والآن اجا وعمل Agneepath| بهالروعة والتميز بالأداء
عن جد خلاني أبكي من قلبي بالفيلم ..
مثل دور المظلوم والحبيب والمجرم والابن والأخ بشكل
مميز .. وكانت عيونه فيها قدرة على التعبير لا توصف ..
بصراحة من أحلى الأدوار الي شفتها اله ..
وكونه مثل هيك الله يعينه على اختيارات الجاية ..
لازم تكون بنفس المستوى أو أكتر ..
ريشي كابور .. ما تخيلت يتقن دور الشر بهالطريقة ..
أبدع بكل ما تحمل الكلمة من معنى ..
فعلاً عظيم من عظماء السينما الهندية ..
نيجي للمتألق الرهيب ..
سنجاي دوت .. أولاً الماكيير الي عمل وخلاه بهالمظهر كان موفق كتيير
فعلاً كان بشع لدرجة رهيبة ..
بكل ملامحة سواء ملامح الوجه أو الجسم ..
غير الابداع باتقان الدور ..
فعلاً تٌخلع القبعة لهيك تمثيل وهيك أداء
وجزء كبير من نجاح الفيلم بوجود سانجاي دوت فيه ..
بريانكا .. مع انه كان دورها مو مؤثر كتير بس مطلوب
وكانت مميزة فيه ببرائتها ووفاءها ..
من أكتر اللقطات الي بتحزن بالفيلم لمن يقتلوا أبوه
ولمن يقابل أخته ولمن يحكي لبريانكا عن فقده لحنان أمه وانها ما بتظهره اله ..
بس مشهد التقاؤه او زيارة أخته اله بالنسبة الي كان قمة في المشاعر
أحاسيس مختلطة من الفرح والحزن وخاصة لمن جابوا وهو بيتطلع فيها
وبيتزكر لمن كان وهو زغنون وحاملها بين ايديه ..
مشهد كتير مؤثر ..
بس ما أدري كونهم كلهم يموتوا بالأخير ما حبيت هالشي
يعني لو ضل ريتيك عايش هو وبريانكا ههههه
يمكن النهاية منطقياً متل ما كانت بالفيلم
بس كوني بحب النهايات تكون سعيدة ولو بشي بسيط
كنت أتمنى ما يموتوا كلهم ..
الأغاني حلوة بس أحلى اتنين Abhi Mujh Mein Kahin
بصوت الرائع سونو نيجام .. كتير حلوة وحتى معناها حلو ..
كمان عجبتني أغنية Saiyyan لحنها وكلماتها كتير حلوين ..
من السلبيات الي شفتها بالفيلم ..
أو يعني كان ممكن تكون أحسن عشان تكون واقعية تماماً ..
انه الولد الي مثل دور ريتيك وهو زغنون ما كانت عيونه ملونة
بس لمن كبر طلع ريتيك بالعيون الملونة ههههه
وكمان بمشهد النهاية انه ريتيك قدر وهو مصاب تقريباً وبيموت قدر مع هيك
يعلق سنجاي بالشجرة وهالشي شوية بعيد عن المنطق
وكمان سنجاي لمن تعلق بالحبل ضلت ايديه بمحلها .. يعني
فطرياً لازم يحاول يخلص نفسه من الحبل
الي على رقبته بس هو ما عمل هيك ..
بس عادي الهنود الهم كتير شغلات هيك خاصة بالأكشن ههههه
برأيي فيلم راح يحصد أغلب الجوائز مالم يكن لعمورتي رأي آخر
ههههههههه ..
متأسفة للاطالة بس كان لازم أكتب كل هدا لانه
متل ما بحكي دايماً الفن الجميل يفرض نفسه
وتلقائي بيلاقي الواحد بيحكي عنه كتير من روعته وجماله ..
يسلموا ايديك فآرس ..
وبانتظار تقاريرك الجديدة ..