[القدس عربية]

^ يعطيكي ألف عافية زنزونتي على الفيديوهات ..
وبالمختصر حبيت أترجملكم شو حكى عن البرنامج تبعه فيهم ..

بالفيديو الأول :
تكلم عن البرنامج وانه قام خلاله برحلة جميلة ..
مليئة بالعواطف وهو بيتمنى انه المشاهدين لمن يتابعوا البرنامج
يحسوا بنفس المشاعر الي حسها وهو بيصور ..
البرنامج خلاه يزور كتير مناطق من الهند ويعرف عنها ويمكن من قبل
ما كان زايرها أو بيعرف عنها بالشكل الكبير الي برنامجه
أتاح له اياها ..
سأله المذيع عن كيف هو كتير قريب من الناس وبيخلي كل واحد
قدامه أو بيتعامل معه بيشعر بالراحة ؟؟
قال أنا هدا طبعي بحب أكون الشخص العادي
في حياتي وبحب أعيشها بشكل طبيعي بعيد عن ما يعرف بحياة النجومية
وعنوان الفيديو " أنا لا أحب كل ما يعرف بمفهوم النجومية والشهرة"
يعني بيحب يعيش حياة طبيعية وقريبة من الناس ..
وذكر انه ما بيفضل الناس يعاملوه على أساس انه نجم
يعني بيحب يعاملوه كشخص عآدي منهم وفيهم
(يسلملي التواضع يا عمووورتي)
بعدين تكلموا عن الموسيقى في البرنامج والأغاني الي تم تأليفها ..
طبعاً البرنامج عبارة عن 13 حلقة وكل حلقة طلب انها يكون الها أغنية
خاصة فيها وما راح تنعرض الا بنفس عرض الحلقة ..
والأغنية الي انعرضت هي أغنية البرنامج ككل
يعني كل البرنامج انعمل اله 14 أغنية ..
وتكلم عن انه ممكن ينزل البرنامج عالدي في دي وحتى الأغاني كلها
ينزلها في سي دي واحد ..

الفيديو التاني ..
تكلم عن رومانسية البرنامج والحب الي شعر فيه أثناء التصوير
والي دفعه أساساً للقيام بالبرنامج ..وكمان للرومانسية الي في كلمات أغنية البرنامج ..
والمذيع سأله كون البرنامج بيتكلم عن الهند الأغنية افتراضياً ممكن تكون
متل السلام الوطني (أغنية وطنية)
وحتى المؤلف سأله هل هي أغنية لمحبوبتك ولا لبلدك
وهو بيشوف انه ما في فرق ولازم ندمج الفكرتين ببعض
يعني يغني لدولته متل ما بيغني لمحبوبته
وحكى انه أكيد كل شخص بالهند بيشعر بمشاعر الحب
والعشق لبلده ..
و الكلمات قريبة للكلمات الصوفية
(مفهوم صوفيه الي هو العشق أو الحب المقدس الي فيه
نبذ للنفس وعدم التفكير فيها )
وكمان أضاف عن توقيت البرنامج حيكون الساعة 11 يوم الأحد متل ما
حكيتي يا زنزوونتي (تقريباً هم بعدنا بأربع ساعات.. يعني عنا راح تكون الساعة 7
الصبح)
وأضاف انه البرنامج راح يعرض على كتير قنوات
وما راح يقتصر على قنوات النجوم الي هي قنوات star plus
لا راح ينعرض على قنوات كتيرة وانتشار العرض كتير كبير ..
بالأخير حكى انه أكتر مشروع متحمس اله وفيه تحدي وطموح
صحيح انه عمل كتير أفلام وقريبة لقلبه بس البرنامج بيعتبره شي غير
ومحطة رئيسية بحياته ..
(بالتوفيييييييييييييييييي� �ييق يا عمورتي )

وبس يا عزيزاتي ان شاء الله تكونوا استمتعتوا بالترجمة