[*جاندني*]

السلام عليكم
كيفكم وش أخباركم
تكفون اللي ساكن بالرياض يساعدني خبركم حنا سكان السعوديه والرياض خصوصاً لاسينما تعرض أفلام
ولا أفلام عدله توصلنا تجيك الافلام مقطعه الى مين تقول بس فيلم هندي مدته 3 ساعات يصير ساعه ونص بعد
التقطيع. انا أول كنت صابره كنت معامله محل فيديو بالبطحاءأسمه فيديو الافلام لي 4سنوات تقريباً وكانوا يجيبون أفلام هنديه جديدة ومترجمه وكامله من فيديو المنصور اللي في دبي مع أن الترجمه تجيب الهم ,والفيلم نقعد ننتظره 4 أو6 أشهر والفيلم يطلع ويتحلل والقاصي والداني يشوفه ............ وبعدين يوصلنا بس نقول مايخالف وساكتين وصابرين بس بصراحة محل الفيديو هذا تقريباً من شهر 4 هجري ماجاب شي جديد من دبي والظاهر
أنهم ماراح يجيبون كل ماتصلت عليهم قالوا مافيه الامن فيديو ماستر وفيديو ماستر صحيح ترجمتهم حلوه بس
مايقصرون بالتقطيع (حكيت لكم قصت حياتي كلها)المهم اللي يعرف محل بالرياض يبيع أفلام هنديه كامله ومترجمه عربي سواءvhcاوdvdالله يجزاكم خير يساعدني لاني بصراحه الاجازه الصيفيه كلها ماشفت ولا فيلم
حتى فيلم كاجول(فناه) اللي الكل شافه وشبع منه مابعد شفته انا سمعت عن محل اوشخص بالرياض يبيع أفلام هنديه واجنبيه عن طريق موقع تدخلين موقعهم وتشوفين وش الافلام اللي عندهم وتطلبينها وتحطين رقم تليفونك
وبعدين هم يتصلون عليك وتتفقون على مكان يوصلك فيه الافلام لاوبعد بييعونdvdفاللي يعرف هالموقع يذكره لي او أي محل فيديو يبيع أفلام كامله ومترجمه تعرفون العيد على الابواب ونبي أفلام جديدة حق السهره
بلللللللللللللللللللللللي ز ساعدوني .......................واسفه جداً على الأطالة