http://www.youtube.com/watch?v=XZdJ1...layer_embedded
بالله اخر تعليق على هالمقطع
شوفوا اول ماطلب الولد من سلمان وسونالي يجون عالمسرح
شوفو ردت الفعل على وجه سونالي ..هههههههه قمة الفله احب هاللحظات ههه
مدري مبسوطه ولا بتقوم تزغرت من الفرحه ولا مستحيه ولا وش ظروفها
تحس بوهتها طارت وهي تناظر فيهم
بعدين عطت سلمان ذيك البسمه الي اقرب منها للضحكه وقامت
طبعا سلمان متحمس سبقها لارض المعركه هههه وينتظر الوليمه او الوليه ماتفرق كثير في هالموقف هههه
وتجي سونالي وقاعده تضبط في عمرها وتصلح شعرها هنيالك بس يالسلمان ياهنيالك
وبعدين وهي ترقص مسويه مستحيه وهي لابده في سلمان وين تجي معه هذي هههههههه لابده يعني لاصقه لغير الناطقين بلهجة سكان الرياض المغبرين << قلب عليهم هههه
المهم
سلمان ابدع وتفنن وكانه يقول لي كم سنه اشارك في هالبرنامج انتظر هالفرصه هههه وماصدق
اغتنمها خير اغتنام << الدعوه فيها غنم وكذا الظاهر لانه قرب العيد لا احد يشره على كلماتي العربيه الفصحى الي جالس اتفنن فيها اليوم وانثرها ابداع بينكم
الوكااد
انتهى الموقف
شوفوا سونالي واقفه تنتظر سلمان عشان ينزلون سوا وتحط يدها في يده
وينزلون سوا << احب اللقطات الختاميه ههه
وكأنها تقول شكرا سلمان ماقصرت بيض الله وجهك << هذي من عندي ههه
المهم واضح انها استانست حيل
بس انا اتوقع انها بتزعل حيل بعدين اذا رجعت وشافت المقطع
لانها مسويه مستحيه وهي في قلبها ... ههههه ولا بلاااش اقولها لايوصل الدم للركب
ماعلينا
سونالي روحي عساااك تسملين عشان اقولك لله درك
.
.
يالله عسى عمرك طووويل اختي بيا
وربي اني بذكر اسمك وبسلم عليك ونسيت مع الاسما وكذا
لاعدمت طيبك
شرفتي المدونة وخالد وطوايف خالد بعد
جعل كل العرب يفدونك
لاهنتِ