.
.
صباح السفن اب البارد مثل الثلج في عز القايله في شوارع الرياض الملتهبه << كيف التشبيه بس ههه
طبعا بعد رمضان عسانا على خير وياكم ...
ياصباح السنبوسه واللقيمات والفيمتو البارد هههه تدرون باقي ساعه عالسحور يعني لازم اكشن وكذا
ما علينا
مبارك عليكم الشهر << بغثكم مثل ماغثيت خويي الهندي كل يوم ببارك لكم بالشهر
ماعلينا << فاصل اعلاني
وش كنت بقول
الله اكرم اختي سالي صح تقولونها كذا << هذا يدل اني متابع مسلسلات مصريه درجه اولى ويمكن سياحيه ماني اكيد للحين
ماعلينا
اختي شونا .. والله ودي احكي يعربي مفهوم هههه بس اذا شفت سلمان والصور وكذا
اخورا وابدا اخنبق واقول حكي مدري اشلون صاير
بس اتفقت مع افغاني ممتاز بيسوي ترجمه مضبوطه برزها لكم هنا مع كل مداخله اسويها .. وعدته بعطيه جح وحليب السعوديه وسفن اب وتميز << ينتحر الافغاني عند هالتشكيله من الطعام
دروهم عند التميز مع السفن اب والحليب بعدين يحلون بالجح ههههههه عشان كذا ورايحهم ماشالله تبارك الله فلللللللللللله هههههههههههه
.
.
ماعلينا
اختي العزيزه مرووم << راحت رساله هذي مو مجرد رد ههه
والله صح عليك تعليقه .. عاد انا ماحب هالحركه مااحب احد يقولي بقولك شي بعدين يهون
يمكن اجيب صك من الامارة عشان يعلمني السالفه ويمكن انتحر بعد يعني يمكن اسوي اي شي عشان يعلمني وش كان بيقول
بس انا دايم اسويها ههههه يعني قمة التناقض
.
.
ماعلينا << قايلكم فاصل اعلاني بصجكم فيه
وش بغيت اقول ايه ايه
واااضح جداااااااااااا ان سلمان مركز
ياكذا التركيز يابلاش << يذكرني فيني ايام المدارس هههه
لا جد تلقون عااد اخر شي انه يقرا الورقه بالمقلوب بس الي بجنبه خايفين يعلمونه هههه سلمان هذا مو اي كلام هه
.
.
وش بعد ايه بروح اجيب صورة وبرجع اعلق عليها