[القدس عربية]

هلا وغلا ورجعنا للتحقيق ههههههههه ..
خزوومة يا عسولتي خدي وقتك بالاجابات ومخمخي عليها تراني مو مستعجلة ..

احكيلي عن نفسك بسطرين ..

شو بتعني الك هالكلمات ..
الليل - البحر - الورد - الصداقة - الحب

هل بتؤمني بالحب بين الرجل والمرأة كعلاقة تمهيدية تقود للزواج؟

شو معايير الجمال بالنسبة الك ؟ يعني كيف بتحكمي على شخصية انها جميلة من المظهر أو من الطباع والتفكير ؟

شو الصفة الي بتكرهي انها تكون موجودة بالمقربين منك ؟

هل انتِ من الأشخاص الي بتخلي في خط رجعة معك للناس الي غلطوا بحقك؟ حتى لو كانت أغلاطهم كارثية؟

مين أقرب خمس أعضاء الك بالمنتدى ؟

لو عرفتي انو حدا من الاعضاء زعلان منك هل حتروحي لهالشخصية تسأليها ليه زعلانة ؟ ولو عرفتي انها زعلانة لشي انتِ عملتيه
وما انتبهتي اله كيف حيكون موقفك منها؟

شي عملتيه وندمتي عليه ؟

شو رأيك بالثورات العربية الحالية ؟ ويوم الزحف المليوني الى القدس الي بنتابع عنه بالانترنت والي اتخذوا موعده
بكرة كبداية؟

املئي الفراغات بالعضو المناسب بحيث العضو يمثل الصفة الي جنبه

الرومانسية :
الصدق والوضوح :
التعاون :
الغموض :
تقلب المزاج :

شو حلمك لنفسك بالمستقبل ؟

سألتيني عن محمود درويش لمن كنت على الكرسي أنا .. هل بيعجبك ؟
ولو بيعجبك شو أكتر شي عالق بذهنك من شعره ..؟

شو رأيك بالشاعر نزار قباني ؟

شو رأيك بالمسلسلات التركية؟؟

كونك بتقرئي بكتب الي بتهتم بتحليل الشخصيات والتعامل معها وا وا ..اذكري سلبياتي وبكل صراحة؟

مين نقطة ضعفك من الاشخاص الي حوليكي ؟ يعني الي لو زعل بتزعل الدنيا كلها بالنسبة الك ولو فرح بتفرح الدنيا في عينيكي؟

شي نفسك تتعلميه وتتقنيه ؟

شو رأيك بأحلام اليقظة؟ وهل ممكن نعتبرها متنفس النا بالحياة؟ ولا بتعتبريها خطر؟

اكتبي الي أغلى بيت شعر على قلبك؟

اكتبيلي خاطرة تعبر عن الخزام بكل مافيها أو لو حتى بجزء؟

وبس .. >>بس في عينك يا شيخة كل هدا وبس ههههههههه

حبييبتي خزوومة آسفة عالاطالة بس لامفروووووووو ههههههههه

وممكن أرجع تاني مابعرف ظروفي هههههههه ...

وخدي وقتك كلللللله ..