فارس مآشاء الله مآشاء الله ..
رهييييب الموضوع يا أخي مبدع والله وكلمة ابداع قليلة ...
معلوم بدك تأجل الموضوع يوم أو يومين لأنه مجهودك فيه خرآفي ..
عآرف لو بدي أعمل موضوع أنا متل هيك بدي
ست شهور أو أكتر حتى ههههههههههههههه
من دون مبآلغة عن جد ..
وفعلاً انت بتستحق خبير بوليوودي وبجدآرة ..
أنا فكرت حتذكر الأفلآم الرومآنسية الهم بس ..
لكن ذكرت كل الأفلآم وعملت مقآرنة ولاأروع ..
مآشاء الله .. كمية معلومآتك خطيرة ..
هلأ صدقاً أكتر الأفلام الي شفتها من الأفلام المذكورة هي
أفلآم عمورة وشآروخآن ..
شفت لسآلو من الي انذكر فيلمين أو تلات مو أكتر ..
رآح أبدأ في عمورتي .. الي أنا بحسه رومنسي من نوع آخر ..
مآبعرف بحس رومآنسيته مجنونة عن جد ..
وأكيد محببة لقلبي كتيييييييييير ..
أفضل أفلامه الرومانسية برأيي فيلم Fanaa | رومانسية غريبة
أثنته عن حبه لقضية شعبه ووطنه وكانت زي ما بيحكوا نقطة ضعفه بالفيلم
جسدها بطريقة جميلة لاتوصف ..
نظراته حركآته كل شي كل شي ..
مثلاً أنا حسيته قمة الابداع بمشهد وهو مع كاجول بالريكشآ بس كانوا راجعين من التمشآية مع بعض ..
عن جد نظرات عمورة وقتها ما أدري وصلتلي أديش هو مبدع
بطريقة خيالية .. العيون المليآنة خوف وحب وتردد ورغبة في المخآطرة..
وكتير لقطآت تآنية كتير .. وعلى فكرة مو معناها فيلم رومنسي لازم يكون فيه لقطات مش لآئقة بالعكس تماماً..
أحيانا قمة الرومنسية بنلمسها وبنشعر فيها من نظرة أو لهفة متل لهفة عمورة على زوني في نفس الفيلم بس كانت بالشآرع
وهو بيحكي تلفون وهي بتدور عليه وكيف لهفته عليها لمن أنقذها من انها تنصدم بالسيآرة ..
من أفضل لحظات الرومانسية كمآن وببالي حالياً في فيلم Dil Chalte Hai |لمن انهار بالبكاء وسار يتصل على صاحبه
بعد ما طلع مع بريتي وما لقاه واتصل على أبوه وطلب منه يرجع عندهم ..
عمورة في هالمشهد أبدع قمة الرومانسية قمة المشاعر والأحاسيس والضعف لرجل أمام مشآعره
من أحلى أفلآمه الرومانسية بعد Fanaa | بالنسبة الي هو فيلم Ghagini | وبعدين فيلم Mann | و Dil Chalte Hai |و Dil
Raja Hindustani | و Rangeela | و Ghulam | فيهم رومنسية بس الخمسة الأوائل
هم الأكتر والأجمل والأفضل رومانسياً لعمورة ..
عن جد لو بدي أحكي بالتفصيل بدو ياخد مني ردود مو رد واحد ..
بييجي بعدين العآشفق الرومآنسي شارو ..
في لقآؤه الأخير مع كاران جوهر في Koffee with Karan | حكى عن نفسه مقارنة بعمورة وسآلو ..
انه هو بيطمح يكون متلهم بكل تواضع حكاها بصراحة مع انه هو من الأفضل أكيد
بس كان مميز في هاللقآء بتواضعه وروحه الحلوة .. بس حكى جملة بالنسبة للرومانسية
قال يمكن هم أفضل مني بس أنا The Best Lover in The World " أنا أفضل عآشق في العآلم"
بهالجملة عجبتني ثقته بنفسه ولازم يكون هيك شارو .. هو ملك في الرومانسية عن جد
بعيونه ودموعه بيئسرنا على طول ..
أفضل أفلآمه الرومانسية على الطلاق بالنسبة الي هو Veer Zaraa |
الناس بيحبوا فيلم Dilwale Dilwanya Le Jayengee |وبيعتبروه الأجمل بس بصراحة Veer Zaraa | أحلى عندي وبكتير
مابعرف ليه .. وفيلم Rab Ni Banadi Jodi | بعده و Kal Ho Na Ho | و Kutchi Kutchi Hota hai | و
Kabhi Kutchi Kabhi Gham | أفضل أفلام شارو الرومانسية وبعدين بيجوا البآقي ..
هو غني عن التعريف بالرومانسية وطريقة تجسيده الها ..
شاروخان كتلة مشاعر تمشي على الأرض عن جد خسآرة في جوري زي ما عمورة خسآرة في كيرآن خخخخخخخ
سآلو رآح أحكم على رومانسيته من فيلم Terenaam | يمكن أحلى فيلم لسآلو برأيي
وما أعتقد برع في أداء دور تمثيلي أكتر من هالفيلم .. فعلاً بقدر أحكي اني شفت جانبه الرومانسي بهالفيلم
لانه كان رهيب رهيب .. رومانسيته كانت حلوة الي هو الرومنسي الي باين عنيف من برا مع
انه بداخله طفل .. ياه ما أحلى هيك شخصية هههههههه
هالفيلم لا يمكن أحذفه من عندي لأنه على قدر ما هو بيبكي بس كان سوبر بالأداء
أو بالأغاني .. مع انه بهوميك تشاولا البطلة الي مثلت معاه
ما كان الها هالشهرة بس أنا عن جد عرفت انها مبدعة من الفيلم ..
فيلم رائع بكل المقاييس ..
بالنهآية فعلاً هالنجوم غيروا شكل بوليوود وما زالوا بيعملوا تغييرات فيها ..
فعلاً ملوك الرومانسية ..
الي تعد العنصر الأساسي الي بيفرق بين عالم بوليوود وهوليوود ..
انه دايماً بنحكي عن رومانسية الأفلام الهندية ..
وخاصة الصبايا بس تتمنى تلاقي حب في حياتها أو رومانسية
ما بيخطر ببالها إلا الأفلام الهندية ..ههههههه
فعن جد الرومانسية هي أحد أكبر النقاط الي استقطبت المشاهدين لبوليوود ..
وروادها بلامنازع الخانات التلاتة ..
يعطيك العافية فارس عالابداع بالمواضيع ..
بالتوفيق الك .. والله بتستاهل ألف تقييم على الموضوع ويارب يضبط
ما حيضبطوا الألف هههههه بتمنى واحد يضبط على الأقل ..
مع انه قليل بحقك ..
دووم مبدع ومتألق هيك يا أخي الكريم ..