[القدس عربية]

الله يا فارس على هيك مواضيع حلوة وكلام سلس وواضح
وعن جد استمتعت بالقراءة ...
كارينا كابور فعلاً أنا بتفق معك انو دورها في Jab We Met | من أحلى الأدوار الها وعلى فكرة ما كنت أحبها
كتير بس هالشي تغير بعد هالفيلم أبدعت وبقوة عن جد .. وخاصة بالانتقال الرهيب في الشخصية من الشقية الثرثارة للحزينة المنكسرة بعد أنشومان والي عمله معها
وبعدين رجعت لشخصيتها الي ببداية الفيلم في النهاية .. من أفضل أفلام السينما الهندية برأيي ..
كاجول حبيبتي وممثلتي المفضلة والي ما حدا بيعلى عليها بنظري ..
شو ما أحكي عنها ما بوفي أداءها وتمثيلها الرائع وتقمص الشخصية بشكل رهيب ..
جبت الها أحلى الأفلام انتَ وخاصة Kutchi Kutchi Hota Hai | و Fanaa |
وكمان فيلم Kabhi Kutchi Kabhi Gham |
فعلاً من أفضل أفلامها بالنسبة الي .. حتى فيلم Dilwale Dilhanya Le Jayenge | كانت مميزة وهدول هم أفضل الأفلام
الها لانها لعبت أدوار مو سهلة كتير فيهم إلا يمكن في آخر واحد كان الدور ممكن في كتير منه في السينما الهندية ..
أورميلا مع انها موهوبة بس أنا ما بتقبلها كتير ما بعرف ليه ههههه ..
حبيتها مع عمورة في فيلم Rangeela | بس ما كتير بحبها ...
بريتي زينتا الرائعة لسة من شوية تابعت Veer-Zaraa | الها مدبلج على زي أفلام للمرة أعتقد الخامسة هههه
مبدعة بمعنى الكلمة وأمنيتي ترجع من جديد .. أغلب أفلامها روعة وتمثيلها قريب عالقلب ..
في Kal Ho Na Ho | كان أداعها مميز معشارو و سيف ..
راني موكرجي تاني ممثلة مفضلة عندي وأكيد دورها في Black | أثبت قدرتها التمثيلية الرهيبة
وحتى فيلمها Laaga Chunari Mein Daag | مع الممثلين الكيوت آبهي و كونال
حتى أفلامها مع شارو سواء Veer-Zaraa | أو Kuchi Kuchi Hota Hai | عن جد كسبت قلوب المشاهدين
بهيك أفلام .. عندها عيون هي وقريبتها كاجول معبرين بشكل لايوصف ..
بيأثروا مباشرة بالمشاهد ..
آشواريا أفلامها الي ذكرتها أكيد رائعة بس أنا بعتقد الفيلم الي لايمكن أنساه ولا أمل
منه الها هو فيلم Umraao Jaan | مع زوجها .. فعلاً بالنسبة الي من أقوى أفلامها ..مثلت القصة بتراجيدية عالية لا توصف
وهالفيلم عندي من زمان ولا يمكن أمل منه أو أحذفه من الجهاز ..
وطبعاً الكلام معروف عن جمالها لانها جميلة جداً بس موهوبة كمان وكتير ..
بريانكا تشوبرا هي نجمة الحاضر والمستقبل لو ضلت هيك ..
مع انها مو كتير حلوة بس فيها جاذبية واتقان للأدوار بشكل رهيب ..
عن جد مبدعة ونجمة متألقة والها مستقبل كتير كبير ..
فيديا بالان من الموهوبات كمان انا بتفق معك كتير بهالنقطة فعلاً فيلم Paa | كان رهيب الها وكمان Bhoole Bhulayia | أبدعت بالدور
فعلاً خلتني أحس انها هي هيك بالحياة .. تقمصت الشخصية بطريقة رهيبة ..
ومن أفلامها القريبة لقلبي كمان فيلم Parineeta | أو امرأة متزوجة مع سيف وسانجاي كان
رووعة عن جد والها مستقبل بالتمثيل مو قليل .. بس عندها شوية مشاكل بموضوع الأناقة واللبس هههه ..
ماهيما تشودري تابعت الها فيلمين Pardes | وكان روعة طبعاً وكمان فيلم Zameer | مع أجاي و أميشا كان أداءها فيه روعة ...
حتى ملامحها قريبة للقلب وأنا بتعتبرها من أفضل الوجوه جمال ونعومة بالسينما الهندية ..
بالنهاية بيباشا باسو .. همممم يمكن تمثيلها مو سيء بس كمان ما بتقبلها كتير..
يعني في فيلم Race | كان أداءها كويس بس أنا ما بتعجبني ..
يعطيك ألف عافية فآرس على هالتقرير المتعوب عليه ..
مبدع ماشاء الله ..
وآسفة على الاطالة بالرد ..