[هنديه]

وععععععععع

الصراحه صدق اني سعوديه بس طاش ما طاش مررررررره سخيييييف واكره بالمره ما احبه احسه ماله داعي

بس احلى الحلقات حقة فؤاد انا في الحلقات اقعد افطس على الكلام موب على الحلقه.

صراحه والله كلام اهل جده موبس يضحك يخليك تفطس

اتذكر مره من المرات رحنا لم جده وكنا في مطعم وانا كنت جالسه على الطرف الا وتجي بنت صغيره وتسحب العبايه من تحت واقولها: نعم خير وش تبين ؟ تبين ريال؟<< كنت معصبه.
قامت البنت قالت: اسكوتي يا شمقرينه.

انا يوم قالت هالكلمه قعدت اضحك طول الوقت. وسارت عيوني تدمع

وشو شمقرينه هذه؟ زبوطة النقعه احسن منها بكثيير
خخخخخخخخخخخخخخخخخخ صح ولا لا ارجون
خخخخخخخخ

وبعد مره كنا في جده في محل اسمه التول ... والله مدري وش معناته بس هو مكان فيه مثل الكباين تبسطين عنده ... وعاد ياليته حلو اعوذ بالله يجيب المرض.. المهم وكنا ماخذين اربع كباين وحده حقة الرجال ووحده حقت الحريم ووحده حقت البنات والرابعه حقت الاولاد. والاولاد الاذكياء راحوا يشوفون العشا يعني من زود الذكاء كان خلوا واحد يمسك الكبينه عشان محد ياخذها لا كلهم راحوا والكبينه مافيها ولا احد. المهم وجوا عايله وش كبرها لقوا الكبينه فاضيه ما صدقوا وقعدوا فيها . قمنا احنا انتبهنا انهم ماخذين الكبينه حقتنا قمنا قلنا : هذه الكبينه حقتنا .
وكانت قاعده حرمه اعوذ بالله كانها هتلر وقالت: نعم ايش حقتقك. تعالي هنا ما اسمع قال حقتكم قال.
وكنت انا الوحيده الجريئه ورحت لعندها وقلت
انا: ايه ياخاله وش فيك صمخه قلنالك هذي الكبينه حقتنا.
الحرمه: اشبك تكلميني كده. اتكلمي معاياه زي الناس.
قمت انا قلتلها بطريقه استهزائيه: والله انا كلكتك زي الناس بس انت الصمخه ماتسمعين عدل.
الحرمه: اعوز بالله فين تبغينا نقعد يعني في الشارع؟
قام الرجال حقهم جاء وقال
اشبكم يوه ليش مسويين غلبه؟؟؟؟

انا: والله ياخوي انتم ماخذين الكبينه حقتنا وحنا جنا عشان نقول لكم بس انتم منتم راضيين تروحون.
الرجال: يالله قومي انت وياها ماسمعتوا البت ايش قاعده تقول امشوا ندور على وحده تانيه.
الحرمه: والله ماني قايمه
انا: لا بتقومين
وبعد هواش مني ومناك قامت هذيك الحرمه بعد معاناة وتقول وهي طالعه
هدي اخرتها يا محمود تكسر كلامي وتسمع كلام ديك الفسعونه ام لسانين.



وانا كل ما اتذكر طريقة الكلام اقعد اضحك. ياناس والله الكلام الجاوي موب حلو( سوري) احسه مايع والواحد اذا يتكلم احسه بيسيح ويذووووب


يعععع ما احبها هاللهجه ما اطيقها. وحتى ذيك المنطقه بكبرها ما اطيقها.


مشكورين على مروركم

وتشاو