[انجام]

* القصـة :


راج اريان مالهوترا ( شاروخ ) طالب في جامعة غوركل العريقة واللي اشتهرت بانظتمها الصارمه ومديرها المتسلط نارين شانكر ( اميتاب )
راج كان طالب عادي مثـابر ومجتهـد زيه زي اي طالب غيره ..

الين ماجاء اليوم اللي شاف فيه بنت المدير ميغها ( ايشواريا ) وحبها من أول نظره ..!


ميغها البنت النعومه الحالمه والرومانسيه اللي يحبها ابوها بشكل خيالي وهي بعد ومستحيل بيوم تكذب عليه أو تخدعه بأي شكل من الاشكال !..


حاول راج يتقرب من ميغها بكل الطرق الين مافاز بحبها وعاشوا بقصة حب جميله .. رغم علمهم انه الحب ممنوع حسب أنظمه وتقاليد الجامعة ! .. واضطرت ميغها تكذب على أبوها عشان راج !!


يوم من الايام حست ميغها بتأنيب الضميـر وراحت أعترفت لابوها وبكل صراحه عن راج وعن حبها له !!

ماتحمل نارين ان بنته تحب و اللي تحبه طالب بجامعته !! طلع من البيت معصب وفي اليوم الثاني جاء لميغها يبشرها انه طرد راج مالهوترا بدون مايشوفه حتى !! وكتب عنه كلام سيئ في كل الجامعات حتى مايتم قبوله ويتدمر مستقبله نهائياً !!..
طلب منها ماتفكر براج مره ثانيه لانه بنظره الحب مهزلة وماله وجود !

سكتت ميغها وماردت عليه الين ماطلع من غرفتها وكتبت له رسالة انه انت خيرتني بينك وبين راج وانا ماقدر اختار بينكم لانكم كلكم غاليين علي ..!
وماقدر اعيش بدون واحد فيكم ! واتمنى تتعلم انه الحب ماهو مهزلة الحب له وجود !

وانتحـــــــــــــرت !!

تمضي السنين ويبدأ عام جديد في جامعة غوركل ويأتي شخص اسمه راج اريان ويقدم أوراقه بالجامعه كمدرس للموسيقى !

راج اريان هو نفسه راج مالهوترا بس أخفى اسمه عشان مايتعرف عليه نارين ..

في هالوقت في ثلاث طلاب شباب بالجامعة سمير وفيكي وكارن .. يحبون ثلاث بنات من نفس الجامعة .. يستغل راج هالوضع لمصلحته ويقرر يساعدهم بالحصول على حبهم

لكن تواجهه مشكله .. انه الطلاب سمعوا عن قصة راج مالهوترا و كيف تحطم مستقبله عشان حبه ومايبون يصيرلهم نفس المصير !!

لكن قدر يقنعهم لما قالهم انه هو كمان يحب وحده وكل يوم حبه لها يزيد أكثر وأكثر وكل يوم يشوفها ويجلس معاها ومايقدر يعيش من دونها لما سألوه من هي هذي ؟ قالهم ميغها
ومافي شي يمنعني من حبها حتى لو هي ماتت !! وانتم اللي تحبونهم عايشين وماتعبرولهم عن حبكم بسبب خوفكم من المدير !

تتطور الاحداث ويعرفون الطلاب انه راج مالهوترا هو نفسه الاستاذ راج اريان ويقدر يقنعهم بقصة حبهم ويساهم بنجاح علاقتهم مع البنـات

الين يجي اليوم اللي يعرف نارين بحقيقة الاستاذ راج ويقرر يحاربه ويخلي الطلاب يفترقون عن حبيباتهم ويخيرهم مابين دراستهم والا حبهم !
يجي راج ويوقف بوجهه ويتحداه بأن المشاعر والحب اهم من أي شي ثاني بهالعالم !

الين هنا وصلنـا لمشهد النهـاية واخليكم تشوفونه بنفسكم أفضـل ..