موضوع بصراحة حلو وفكرته ماحدا فكر قبل هيك يحكي عنها ..
مميز يا فارس دايماً ماشاء الله ..
ولا الخلفية والتنسيق كتير شيك وفيهم نعووومة رهيبة ..
يسلموا ايديكي الحلوين هناء-كاجول ..
هلأ فعلاً الموضوع بدو جزء تاني لانه في كتير قصص هيك ببوليوود ..
راح أكتب وجهة نظري بالموضوع بصراحة كاملة مع احترامي الكامل لمعجبي النجوم الي انذكروا ..
فالسموحة مقدماً .. بس أنا ححكي عن احساسي ونظرتي ..
وممكن يكون رأيي صح وممكن يكون غلط بس شي أنا مقتنعة فيه ..
مو عارفة كيف كان في حب بين أميتاب وريخا وتزوج جايا؟؟؟!!!
يعني فرق من السما للأرض بين التنتين ..
ريخا بحسها شعنونة ومو سهله بعكس جايا شكلها على نياتها وكتير هادية ..
طبعاً هالشي من المظهر بس يمكن طبيعة الشخصية غير ..
بس عموماً ما بحس في شي مشترك بين التنتين
وأكيد مدام أميتاب تزوج جايا راح يبعد ويتجاهل ريخا دايماً لانه بدو يعيش بسلام ..
وأعتقد لو حتى أبدى اشارة انو بيرحب او بيعز ريخا ولو حتى بالمناسبات العامة .. راح تسير مشاكل ..
مدام بيحبوا بعض ليه ما تزوجها وتزوج جايا؟؟؟ شي غريب ..
وفعلاً الصحافة لاتكل ولاتمل ما عمري شفت حفلة يكونوا فيها الطرفين الا وقت ميجيبوا واحد فيهم بيحكي
أو بيتكلم يجيبوا بنفس اللحظة الكاميرا على التاني وانطباعاته وتعبيرات وجهه كيف بتكون ..
آكشاي شكله متقلب العاطفة وقلبه زي ما بيحكوا بالعامي فندق خخخخخخ ..
بس فعلاً توينكل خانا يٌحسب الها انها حافظت عليه واحتوت فكره وعقله وحتى ما خلته ينظر لبرا من بعد زواجها فيه ..
شاهيد وكارينا بينهم كيمياء بس في الأفلام .. بالواقع ما بشوفهم ملائمين لبعض أبداً ..
بشعر انو كارينا فيها نوع من التسلط بعكس شاهيد ويمكن هالشي شارك ولو بنسبة بسيطة في انفصالهم
خصوصاً انها راحت لسيف الي أعتقد انه أكتر قوة وتسلط منها واله الكلمة العليا عليها ..
بالنسبة لآشواريا مع فيفيك طبعاً ما حتستمر .. أعتقد انها شخصية طموحة على كل صعيد بدليل انها تزوجت بالنهاية
أبهي باتشان .. الي والده الأسطورة أميتاب باتشان .. وعلى فكرة الهنود الي بعرفهم والي صداقة معهم بحياتي
لمن تزوجت آشواريا من آبهي تفاجؤوا وبالحرف وحدة منهم حكت الي " عائلة بتاتشان عائلة محافظة بتختلف عن عائلة آشواريا .. كيف تزوجوا مابعرف!!" ..
بس كله يهون عشان ملكة الجمال آشواريا .. أما بالنسبة لعلاقتها مع سلمان .. فأعتقد انه سالو من أنواع الرجال الي مو مؤمنين بالزواج
ولا عندهم رغبه فيه وأعتقد بيفضل يعيش أعزب طول العمر .. ممكن يحب ويعيش أجواء علاقة حب بس ما بيستمر لانه مو براسه هالشي .
هدا احساسي أو نظرتي بالنسبة للموضوع ..
وبرأيي المعاناة بهالأمر شي صعب كتير ولا يمكن حدا يحس فيه الا صاحب الموضوع نفسه ..
والقدرة على المضي في الحياة بعد تجربة حب فاشلة برأيي فيه قدرة رهيبة
ومو الكل بيقدر عليها ..
يعطيك العافية فارس عالموضوع الحلو .. وبانتظار الجزء التاني أكيد ..