[القدس عربية]

والله زين ما ااخترتي يا عطوفة ..
الخزام من أروع الناس الي قابلتهم ..
ترى الحكي الي ححكيه من دون مجاملات والله وراح أتكلم بكل صراحة ..
من الاشخاص الي بتلمس ثقافتهم ورقيهم من أول رد الهم ..
الخزام وحدة منهم ..لبقة لأبعد الحدود ...
عندها قدرة ماشاء الله في فهم الطرف الآخر واختيار الطريقة المناسبة للتعامل معه بشكل سليم وصحيح ..
وبعتقد هالشي تتميز فيه من كتر قرائتها بهالمجال...
طبعاً مثقفة من الدرجة الأولى وثقافتها مش مصطنعة ..
يعني خليني أحكي عندها النوعين من الثقافة .. الكتابية بحيث باين انها من الناس الي بيقرؤوا كتير ..
وكمان ثقافة التعامل والي كتير ناس بيفتقروا الها بصراحة ..
وكونه شخص يجمع هالنوعين أنا برأيي شخص جدير بالاحترام ..
منشان هيك بس حدا يوصف الخزام ولأول مرة على طول الكلمة الي بتتبادر للذهن هي محترمة وراقية وهي هيك فعلاً..
شخصية بترتاحي معها ..
عن نفسي برتاح احكي معها بصراحة ..
هلأ هل فيها عيوب والله مافيها ..
فيها درجة عالية من الهدوء وهيك أشخاص لو زعلوا بيكون زعلهم قوي كتير ..
وصعب يرجعوا علاقتهم متل الأول مع الي زعلهم أو جرحهم ..
وكمان فيها غموض لدرجة اكتر من المتوسطة ..
وحسب تحليلها لشخصية لوفلي برينسيس هي بتشوف انو الغموض شي مطلوب بجانب او ناحية معينة من نواحي حياة الانسان..
وهالشي أكيد من حقها ..
بس بالتأكيد في جانب غامض من شخصيتها ما حدا بيعرفه يمكن الا قلة قليلة بالمنتدى او يمكن ماحدا بيعرفه أبداً ..
عموماً من الشخصيات الرائع انو الانسان يتعامل معها ويكسبها كصديقة .
وأنا سعيدة عن جد انو تعرفت عليها ومن الناس الي بحبهم وبحب حكيهم وأسلوبهم ..
وان شاء الله أكون حللت صح ولو بنسبة بسيطة ..