الحمدلله رجعتي نزلتي موضوعاتك الحلوة الي اشتقنا الها .. يختي بلاش من ..... وخليكي دايماً ..... خخخخخخخخخخخخخخ
عن جد ميوشة مبدعة .. ما تغيبي تاني لاطلعلك من السكرين خخخخخخخخ
موضوع بيجنن وفيه معلومات عن جد بيوضح كيف انتِ مثقفة بوليوودية من الطراز الأول ..
هلأ انا معك بالنسبة لريتيك وآبشيك .. بس عن جد انظلم مستر طوالان بمقارنته مع ابوه وهو فنان موهوب وكتييييييييير وبتمنى ينتبه لنفسه ويشتغل أكتر لانه قادر على الابداع ..
كارينا فعلاً حالياً أشهر بكتير من أميشا .. أميشا يمكن تمثيلها حلو بس لاتحسن التصرف او اختيار الادوار الكويسة .. وعموماً أنا ما بتقبلها بالمرة ..
بالنسبة لتوشار أبداً ما بحسه مشهور وعلى قولك انعرف بممثل كوميدي أكتر من أي شي تاني .. مو متل آرجون الخطير المبدع .. الي أمتعنا بأفلام متنوعة وشخصيات مختلفة من خلال أفلامه ..
هلأ أمريتا يمكن أكتر شهرة من ايشا بس بالنسبة الي التنتين مو مبهرات كممثلات .. فيه موهبة أكيد بس مو من النوع الي تمثيلهم يشدني .. برأيي هم في نفس المستوى ..
شاهيد اقرب كتير للقلب من جون أبراهام .. بالاضافة صح تنوع أدواره يمكن لفت النظر اله أكتر من جون وكشف النا عن مواهب صعب يستهان فيها بالنسبة لشاهيد .. وبرأيي هو من الفنانين الي حيكون الهم مكانة كبيرة ببوليود بالمستقبل ..
بريانكا و لارا .. بالنسبة الي بريانكا من أشهر الممثلات حالياً وراح تكون مميزة كتير بالسنوات الجاية .. وعن جد تمثيلها قريب للقلب مع انه اول مطلعت ما كنت بتقبلها بس ممثلة موهوبة ومبدعة وحالياً بحرص أتفرج على أفلامها ..
سهى و عايشة اوكي يمكن عايشة بالنسبة الي اكتر شهرة بس كمان مش متألقة كتير وسهى مختفية تماماً وما شدتني بأدوار الها بعد رانج دي بسنتي مع عمورة ..
طبعاً فيديا مبدعة وبقوة أما سينها مملة بشكل رهيب وعلى قولتك كانت مع سلمان بالفيلم كتير مملة وبااردة بعكس فيديا الي أبهرتني بأدوارها والها أكيد مستقبل رهيب ..
كانغانا هي الي بعرفها اما التانية الي اسمها فيباشا ما بعرفها أبداً .. عموماً كانغانا بدأت تنوع بأدوارها والها فيلم منتظر Tanu Weds Manu | وشكله غير عن كل الأدوار الي لعبتها قبل..
ديبيكا بصراحة لاتقارن في نجاحاتها بجايا .. مبدعة وأقرب للقلب وكسبت قلوب الجماهير بأفلامها .. حتى جايا في فيلم Ghagini | اوكي لعبت دور حلو بس ما أبهرتني بأداءها ..
آسين عن جد محظوظة وكمان موهوبة بصراحة مع عموورة كانت مبدعة عن جد .. أنوشكا كمان قريبة عالقلب بس بدها تشتغل أكتر وتهتم بأدوارها الي بتختارها ...
سوناكشي فعلاً بتختلف كتير عن زارين .. انشهرت بسرعة سارت محط أضواء الصحافة والاهتمام الاعلامي ككل ...
بالنهاية الموهبة لوحدها أبداً مو كفاية للنجم منشان ينعرف لازم يشتغل على نفسه كتير وكمان لازم يكون شاطر بانتقاء الأدوار و تنويعها ..
موضوع تووحفة يا ميوش يعطيكي ألف عافية يا مبدعة ..
وممنوع الــ .... مرة تانية خخخخخخخ ..