ماشاء الله عليك يا فارس كالعادة موضوعك مميز من البداية للنهاية ..
والخلفية بتجنن يسلموا ايدين المبدعة دايماً مون مون رووعة والله ..
طبعاً الموضوع مرجع الي لأفلام منشان أشوفها .. كتير من الأفلام الي بتحكي عنها أنا ماشفتها بصراحة .. فموضوعك بالنسبة الي غير انه
بيناقش الثنائيات الناجحة كالعادة بستفيد منه كتير بانتقاء أفلام أحملها وأشوفها ..
نيجي للموضوع ..
هلأ بريتي وسيف بيجننوا مع بعض .. شفت الهم فيلمين من التلاتة الي ذكرتهم .. Kal Ho Na Ho | و Salam Namaste | بالنسبة الي الفيلمين بيجننوا وخاصة الأول بحضور الممثل المبدع شارو ..وكمان التاني مع انه القصة ستايلها غربي أو أمريكي وبعيد عن الروح الهندية بس كانوا كيوت مع بعض وأغاني الفيلم بتجنن كانت خاصة الي حملت عنوان الفيلم ..
ريتيك وآشواريا .. ثنائي رهيب بصراحة وفعلاً كلامك سليم فيهم تشابه إلى حد كبير بالشكل .. حبيتهم كتير في Dhoom 2 | بس صدقاً ما حبيتهم بفيلم Jodha Akbar | الفيلم نفسه ما عجبني كتير ولا لفت نظري لهالدرجة .. هلأ الكل حكى عنهم بابداعهم في Guzarish | والله الفيلم حملته وماشفته لسة بس أكيد متميزين فيه خصوصاً انو الصحافة كتبت عن هالشي كتير .. بس كوجهة نظر هههههه كون اجتماعهم سوا بالفيلم بيدايئ مستر طوالان (آبشيك) الي شفنا الحكي عنه كتير بالأخبار الي صدرت قبل الافراج عن فيلم Guzarish| يعني كوني انا كمشاهدة وبحب بصراحة آبشيك بيزعجني أشوفهم سوا خخخخخخخ حتى لو أبدعوا التنين مع بعض .. يعني مابكون متحمسة لشغلهم سوا طبعاً هالرأي بيتعلق بشعوري أكتر من حبي لمشاهدة أفلام متميزة الهم ..
بالنسبة لآفيجاي وفيفيك ماشفت الهم الا فيلم Yuva| فيلم حلو كتير وفعلاً نجحوا فيه هم الاتنين سوا .. مع اني مش من محبي فيفيك أبداً ..
آكشاي وكاترينا شفت الهم بس Namaste London | الفيلم روووعة رووعة وفعلاً كان الانسجام بينهم رهيب .. وحملت فيلم Sigh is King | وان شاء الله أشوفه
بس عموماً ارتبط اسمهم سوا بشكل كبير .. حتى بالضجة الاعلامية البي سارت لفيلمهم الأخير Tees Mar Khan | وانه راح يكون رائع نتيجة لوجود كيميا عالية بين البطلين ..
طبعاً ريتيك و أميشا مثلوا سوا بفيلمين شفت واحد منهم الي هو KahoNaa Pyar Hai | الفيلم حبيته وقصته حلوة بس أنا ما بتقبل أميشا كتير وشفتهم ناجحين أوكي بس ما بعتبرهم ثنائي مميز ..
آكشاي وسونيل خطيرين سوا ولايمكن أنسى ابداعهم بفيلم Dhadkan | بصراحة من أروع الأفلام .. أما الباقي ماشفت منها شي بس فيلمهم الوحيد الي شفته الهم سوا ممكن يعطي فكرة انهم فعلاً مع بعض بيكونوا ثنائي مميز ..
باقي الثنائيات ما شفتها فما بقدر أحكم عليها سوا بصراحة ..
بس حابة أنهي كلامي بأفضل ثنائي عندي من الي ذكرتهم الي هو مستر طوالان (آبشيك) ورنووش (راني) .. هالاتنين أحسن ثنائي شفته والاقرب لقلبي ..
مع انه فرق الطول كبير بينهم بس مابعرف زايد في الكيميا الي بينهم بالنسبة الي .. في فيلم Yuva| مع انو آبشيك كان دوره سيء بس عن جد تمثيله كان توحفة وتألق مع راني بشكل رهيب .. يمكن حبيت الفيلم ككل من وجودهم سوا فيه .. وبفيلم Kabhi Alvida Na Kehna | الغني عن التعريف كانوا الاتنين رهيبين بأدوارهم ومن الأفلام الي بتجنن فعلاً .. ونيجي لفيلمي المفضل الهم والي بصراحة بعشقه هو فيلم رحلة امرأة أو lagaa chunari mein daag | هالفيلم شو ما أحكي عنه ما راح أوفي راني أو آبشيك تمثيلهم الرائع فيه بوجود كمان الوسيم الطويل كونال كابور و المميزة كونكانا .. وفعلا كمشاهدة او محبة لبولييود كنت أتمنى انه آبشيك يتزوج راني بالواقع ومو آشواريا .. خخخخخخخ ..فيلم Bunty Aur Bably | لسة مبارح حملته وراح أتابعه ان شاء الله وأكيد حيكون مميز بوجود هالثنائي الرائع ..
بالنهاية عندي ملاحظة .. انك ما تطرقت للخانات التلاتة والثنائيات معهم .. مابعرف هل انت حبيت تخلي موضوعك منفصل عنهم لانهم بدهم موضوع لحالهم يمكن .. صح ؟..
لانه عن نفسي بشوف شارو وكاجول من أروع الثنائيات بلا منازع .. وعمورة مع جوهي شاولا وكاجول .. وبالأخير هدا رأي أكيد ..
بس عن جد فارس بتخلي القارئ يطلع أحسن ما عنده ليطلع شي بسيط يليق بمواضيعك الحلوة ..
يسلمو ايديك و بانتظار جديدك ياا مبدع ..