[القدس عربية]

تآبو ؟؟!! أتاريكي خطييييييييييييييييييييرة والله .. ماشاء الله عليكي .. شو هالكلام المرتب وكمية المعلومات الخورافية ..
حضيفك مع فارس بوليوود انك مثقفة بالسينما الهندية من الطراز الرفيع .. ماشاء الله فعلاً موضوعك خطير .. ولا ّالعنوان .. أرضيتي غرور المرأة بصراحة خخخخخ ..
فعلاً إذا متابعة هالكم من الأفلام أنا ولا شي جنبك .. خاصة انو أغلب الأفلام الي بتحكي عنها قديمة يعني ماشاء الله متمكنة بمعنى الكلمة ..
راح أحكي عن الأفلام أو الممثلات الي شفت أفلامهم الي حكيتي عنها ..
سرديفي شفت الها أفلام قديمة وهي برأيي أسطورة سواء بالتمثيل أو الجمال .. لكن مع الخانات ماشفت الها بس أنا واثقة برأيك من حيث السن وانها مع كبرها تكون باينة أزغر من الممثل المصاحب الها .. والسبب انه أنا شفت الها صور من فترة بسيطة .. أنثى بمعنى الكلمة في منتهى الشياكة والجمال ومع تقدم العمر فيها مازالت محتفظة بجمالها وتألقها ..
أما آشواريا فعلاً متألقة وما بيبين عليها العمر خصوصاً مع ريتيك في دووم وجودا أكبر أبداً مافي فرق بالعكس حسيتها فعلاً أزغر منه ..
ومن كلامك حاابة كتير أشوف فيلمها مع آكشاي خنا خصوصاً انو يروق الي هالممثل كتييييييير ..
أما عن زواجها بمستر طوالان وهي أكبر منه بتلات سنوات .. بصراحة أبداً مو باين الفرق .. لانو هي من الشخصيات الي بتهتم بلبسها وبأناقتها وببشرتها ... يعني واضح كتير اهتمامها الكبيربنفسها وبصراحة بحترم المرأة الي هيك أنا .. وبعدين لازم مايهمها الموضوع لانها ماخدة واحد من أكتر الرجال وسامة بالنسبة الي .. كفاية طوله ماشاء الله .. وأعتقد هالشي هو سبب انه مثل مع ممثلات أكبر منه ومابين هالشي زي كاريشما .. عملاق و رزززززززة على قولتهم ..
مادهوري بتفق معك فعلاً مابين الفرق بينها وبين الممثلين الي اشتغلت معهم وهي أكبر منهم .. كمان لانها مهتمة بنفسها ولحد الآن ..
أما ريخا عاد لحد الآن مع انها كبيرة كتير بالعمر بس خطيرة في الجسم والوجه والاهتمام بالنفس .. أكيد ما حيبين عليها الكبر خاصة بفيلم قديم ..
راني ما بتفق معك بفيلم سواريا كانت باينة أكبر من رانبير حتى مع الدلع الي كانت فيه وشخصيتها الي لعبتها .. صدقاً ماحبيت دورها بالفيلم .. مع اني بحبها كتير .. أما مع شاهيد أنا متفقة معك تماماً كانت رهيبة ومتألقة وكان بينهم انسجام خطيربالفيلم .. وفيلمهم سوا من الأفلام الي بحبها كتير ..
بصراحة مو مصدقة فرق السن بين سهى خان وعايشة تاكيا .. لانه أبداً ما ظهر مع انه كبيييير .. بصراحة التنتين جمالهم بيعجبني وبرأيي تألقوا التنتين بالفيلم .. وأبداً ما لاحظت فرق السن ..
بالنسبة لكارينا وشاهيد بحسهم بنفس السن يعني مافي حد أكبر من التاني .. ويمكن لانو شاهيد غيراللوك بدأتي تحسي انها مو أكبر منه ..
تآبو سميتك مابعرف بحسها رززة وتئيلة كتير وهالشي بيعطيها ربما سن أكبر من سنها .. الفيلم الي بتحكي عنه ماشفتها فيه بصراحة بس انطباعي عنها انها بأدوارها الي شفتها بتعطي أكبر من عمرها .. مابعرف ليه !! يمكن عشان طبيعة الدور؟
عجبني كتير توضيحك لمعنى كلمة عقد .. بس عندي سؤال: شو معنى العقد الخامس ؟؟ خخخخخخخخخ>> برا لو سمحتي ..
تآبو ماشاء الله عليكي موضوعك والله متعوب عليه وبيحق الك تأجليه لانو بدو شغل خخخخ وأنا زعلانة انو ما رديت عليه أبكر من هيك .. بس الايام الماضية كنت مشوشة و مشغولة .. عن جد السموووحة .. أنا الخسرانة ... فاتني هيك موضوع رهيب ..
على فكرة موضوعك كمان زي مواضيع فارس مرجع رهيب للي حابب يحمل أفلام ويشوفها ..
يسلموا الأيادي .. وبتستاهلي فوق التميز والله .. وقبل ما أكتب ردي هدا كنت بقيمك بس مارضي السيد تقييم .. بس وعد راح أقيم نص الأعضاء كرمال عيونك ليرضى يقيم لانو بتستآآآآآآآآهلي ..وعن جدارة .. ومن دون أي مجاملة والله ..
يعطيكي ألف عاافية وبانتظار جديييدك أكيد ....