[القدس عربية]

الله على هالموضوع الشاعري الجميل .. عن جد حلوة وكذابة موضوع رووووووعة .. وفكرته ولا أحلى من هيك ..
بوليوود بالنسبة الي من أحلى مصادر الرومانسية بالعالم كله .. الأفلام الهندية من بداية حبي وتعلقي فيها كان بسبب الحب الي بتحكيه وبتعرضه للمُشاهد ..
حب غير .. نكهته غير .. غريب .. و صادق .. و مميز .. وعلى طول بيدخل القلب من دون استئذان .. وبيرسخ في العقل وما بيفارقه أبداً .. لدرجة صعب أتخيل البطل والبطلة انهم ما بيحبوا بعض بأرض الواقع .. عن جد دايماً بسأل نفسي .. مع كل هالتمثيل الراقي وتجسيد قصص الحب بشكل راااائع و رهيب .. كيف بيقدروا يفصلوا بينها وبين حياتهم الواقعية ؟؟!! بحيث نلاقيهم أصدقاء في نفس الوسط مع انهم قدموا قصة رومانسية ولا أروع بالافلام .. فعلاً بالنسبة الي قدرة عجيبة للفصل ..
يمكن الرومانسية الي بتعلق مشاهدي بوليوود فيها تحديداً دوناً عن غيرها انها كتير مثالية وزي محكيت بالأسطر السابقة غريبة وفريدة من نوعها .. لدرجة صعب متل هالحب تلاقيه بالواقع ولو كان موجود بيوم من الأيام فبيكون انقرض وحتى لو انوجد حالياً بواقعنا بيكون حالة نااادرة جداً وبينصدم بما يسمى بعامل الظروف ..
عشان هيك قصص بوليوود الرومانسية بيتعلق فيها الانسان ربما لأنها بتمثل شي كتير من المشاهدين بيتمنى يشوفه حقيقة وعلى أرض الواقع .. بس صعب كتير ..
من أكتر الأفلام الي ناقشتي وجبتي مثال عليها إلي برأيي كانت قصة الحب فيها عالية الحبكة والروعة هي Jaab We Met لشاهيد وكارينا .. أبدعوا بالتمثيل وبكل اللقطات وخاصة لمن تركت شاهيد وراحت للشخص الي هربت عشانه وكانت بس العيون بتتكلم بهالمشهد وقت الفراق بينها وبينه على التل أو الجبل .. فعلاً المشهد من أكتر المشاهد المؤثرة والي بيشعر فيها المشاهد بالحب الكبييييييييييييير ولكن بنفس الوقت صامت لأنه كان عبر العيون فقط ..
وكمان فيلم Kutchi Kutchi Hota Hai كل المشاهد الرومانسية فيه معبرة كلها .. والمشهد الي اخترتيه تحديداً من أصعب المشاهد وفعلاً بيأثر كتييييير عالمشاهد .. وفي كتير مشاهد بالفيلم الانسان بيلمس فيها حب غير شكل ولو بدي أحكي عنها بدي مجلد خخخخخ ..
المصدر الي جبتي منه جاب أمثلة روعة .. بس بردو ترك الكتير من الأفلام الي فيها مشاهد حب تاريخية متل Fanaa لعمورة الي تقريباً ضحى بقضيته وبنفسه عشان حب صادق عاشه وحس فيه لأول مرة .. وكمان فيلم Veer Zara لشارو الحب الي استمر عشرات السنين وما قل وماأثرت عليه الظروف .. وفيلم المبدع سالو Tere Naam الي الحب غير من شخصيته وجعله يبكي ويتصرف متل الأطفال وورانا شخصية تاانية اله تختلف عن شخصيته أمام الناس والعالم .. قصص حب خالدة ولا يمكن المشاهد ينساها ولو شافها مليون مرة ما بيمل منها وبالعكس بيعيشها كانه أول مرة بيشوفها ...>>>بتطلع على الأسطر الكتيرة الي كتبتها خخخخخخ ..
آسفة للاطالة وبتوقف لهالحد .. بس فعلاً موضوعك روووعة صحيح انو من مصدر بس كونك اخترتيه فهالشي بنظري تميز والحكي فيه كتير كتير .. وبتستاهلي التقييم وإلى الأمام والمرة الجاية أكيد حتكون ترجمتك أحلى وأجمل .. والسموحة عالإطالة ..